Matyu 11:21 - Yesus Aqa Anjam Bole

²¹ Osiqa minjrej, “O tamo uŋgasari Korasin qure ti Betsaida qure ti di unub qaji, niŋgi tulaŋ padalougetqab. Tamo bei a Tair qure ti Saidon qure ti deq gilsiq maŋwa e nuŋgoq di yoqnem qaji di naŋgoq di yo qamu naŋgi nami are bulyosib naŋgo une qa are ugeinjrnaq are uge qa gara jigsib ŋam sumq di awoeb qamu.

Matyu 11:21 ပူးပေါင်းရင်းမြစ်များ

Matyu 11:22

Deqa e niŋgi endegsi merŋgwai. Mondoŋ Qotei na tamo uŋgasari naŋgo une qa peginjrqa batiamqa a na niŋgi tulaŋ padaltŋgougetqas. Ariya Qotei na Tair qure ti Saidon qure ti naŋgi degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.

Matyu 15:21

Onaqa Yesus a sawa di uratosiqa walwelosiq Tair qure ti Saidon qure ti naŋgo sawaq gilej.

Matyu 18:7

“Mandamq endia tamo qudei naŋgi na tamo qudei naŋgi kumbra ugeq breinjreqnub. Bole, kumbra di gaigai brantoqnqas. Ariya tamo naŋgi kumbra di yeqnub qaji naŋgi tulaŋ padalougetqab.

Matyu 26:24

Niŋgi quiye. E Tamo Aŋgro moiqai. Nami Qotei aqa anjam degsib neŋgreŋyeb unu. Deqa uŋgum. E anjam di dauryosiy moiqai. Ariya tamo e ojsim jeu tamo naŋgo baŋq di atqas qaji a tulaŋ padalougetqas. A nami ŋambabosai qamu di kere.”

Mak 6:45

Onaqa Yesus a na aqa aŋgro naŋgi endegsi minjrej, “Niŋgi qobuŋ gogetosib namoosib gilsib Betsaida qureq di tiryosib soqniye. E na tamo uŋgasari naŋgi minjritqa naŋgo qure qureq jaraioqnib bqai.”

Mak 7:24

Onaqa Yesus a sawa di uratosiqa walwelosiq Tair qure naŋgo sawaq gilej. Tamo naŋgi a qa qalieaib deqa a uliosiq gilej. Gilsiq tal bei gogetosiq sosiqa a talq dia uliesqa keresaiiyej. Di kiyaqa? Tamo qudei naŋgi a uneb deqa. Unsibqa mareb, “Yesus a gago sawaq bqo. A talq di unu.”

Mak 7:31

Onaqa Yesus a Tair qure naŋgo sawa uratosiqa Saidon qure ambleq na walwelosiqa Dekapolis sawaq gilsiqa Galili ya aguq di brantej.

Mak 8:22

Yesus a na naŋgi degsi minjrsiqa koba na qobuŋ na gilsib Betsaida qureq di tiryeb. Tiryosib mandamq ainabqa tamo qudei naŋgi na tamo bei ŋam qandimyej qaji a Yesus aqa areq osi bosib minjeb, “Ni ino baŋ aqa gateq di atimqa a olo boleosim ŋam poiyqas.”

Luk 4:26

Sonabqa Qotei na Elaija naŋgoq qariŋyosai. A na Elaija qariŋyonaqa Saidon sawaq gilsiq Sarefat qureq dia uŋa qobul bei aqaq di segi brantosiq aqaryaiyej.

Luk 6:17

Onaqa Yesus a naŋgi joqsiqa koba na manaq dena olo aisib sawa guŋ dia sonabqa tamo uŋgasari tulaŋ gargekoba a dauryosib laqneb qaji naŋgi bosib aqa anjam quqwajqa koroeb. Tamo uŋgasari tulaŋ gargekoba naŋgi dego Yesus aqa anjam quqwajqa beb. Judia sawa naŋgo qure qureq dena ti Jerusalem qureq dena ti Tair qure wo Saidon qure wo naŋgo sawa alile jojom dena dego tigelosib Yesus aqa anjam quqwajqa bosib koroeb. Yesus a naŋgo ma boletetnjrqajqa deqa ti beb. Bonabqa Yesus a na tamo uŋgasari kalil mondor uge na ojeleŋo qaji naŋgi boletnjroqnej.

Luk 9:10

Onaqa Yesus aqa aŋgro 12-pela qariŋnjrnaq qure qureq giloqneb qaji naŋgi olo Yesus aqaq bosibqa kumbra kalil naŋgi yoqneb qaji deqa Yesus saiyosib minjoqneb. Minjnabqa Yesus a qusiqa naŋgi joqsiq qure bei ñam Betsaida gileb.

Jon 1:44

Filip a Betsaida qure qaji. Di Andru wo Pita wo naŋgo qure utru.

Jon 12:21

Deqa Grik tamo naŋgi di Filip aqaq di branteb. Di kiyaqa? Filip a dego Grik tamo deqa. Filip aqa qure utru Betsaida. Qure di Galili sawaq di unu. Ariya naŋgi Filip aqaq di brantosib minjeb, “O gago was, iga Yesus unqa bonum.”

Aposel 12:20

Herot a nami Tair qure ti Saidon qure ti naŋgi qa ŋiriŋugetej. Deqa tamo uŋgasari qure aiyel dia soqneb qaji naŋgi koroosib mareb, “Iga tamo qudei qariŋnjrimqa naŋgi Sisaria qureq aisib Herot aqa are latetqab. Yimqa aqa ŋiriŋ koboqas.” Naŋgi degsib marsib tamo qudei qariŋnjrnabqa naŋgi aisib Herot aqa talq di brantosib tal taqato tamo aqa ñam Blastus endegsib minjeb, “Ni na Herot minjim a odimqa iga a ombla qairqom. Yimqa aqa ŋiriŋ koboqas.” Tair qure ti Saidon qure ti naŋgi na sawa Herot a taqatoqnej qaji dena iŋgi awaiyoqneb. Utru deqa naŋgi na Herot aqa ŋiriŋ kobotqajqa mareb. Onaqa Blastus a naŋgo anjam di qusiqa gilsiq Herot minjej.

Aposel 27:3

Iga gilsim nebeonaqa Saidon qureq di tiryem. Tiryonamqa Julius a Pol qa dulosiq odyonaqa qobuŋ uratosiq aqa was naŋgi itnjrnaqa naŋgi na iŋgi iŋgi qudei qa aqaryaiyeb.

Jut 1:11

Tamo naŋgi di tulaŋ padalougetqab. Kein a nami kumbra uge yoqnej dego kere tamo naŋgi di Kein dauryosib kumbra uge yeqnub. Naŋgi silali koba oqajqa deqa maroqnsib gam grotosib Balam aqa kumbra uge dauryosib laqnub. Kora agi nami Qotei aqa anjam gotraŋyoqnej qaji aqa kumbra uge di dego naŋgi dauryeqnub. Deqa naŋgi padalougetqab.

Uli Anjam 11:3

Bati deqa e na ijo anjam palonto tamo aiyel qariŋnjritqa naŋgi are ugeo qaji gara jigsib ijo anjam palontoqnibqa bati 1,260 gilqas.”

Uli Anjam 6:12

Ariya Kaja Du na kandel aqa namur namba 6 waqtonaqa e olo ŋam atsimqa mimiŋ tulaŋ kobaquja donaq unem. Unem di seŋ tulaŋ ambruosiq gara tulu bulej. Bai tulaŋ lentosiq leŋ bulej.