Matyu 10:37 - Yesus Aqa Anjam Bole

³⁷ “Deqa tamo bei na aqa ai wo abu wo naŋgi tulaŋ qalaqalainjrsimqa ariya di buŋyosim e tulaŋ qalaqalaibqasai di a ijo aŋgro sqa keresai. Tamo bei na aqa aŋgro mel naŋgi ti aqa aŋgro sebiŋ naŋgi ti tulaŋ qalaqalainjrsimqa ariya di buŋyosim e tulaŋ qalaqalaibqasai di a ijo aŋgro sqa keresai.

Matyu 10:37 ပူးပေါင်းရင်းမြစ်များ

Matyu 22:37

Onaqa Yesus na minjej, “Dal anjam tulaŋ bolequja agi merŋgwai. ‘Niŋgi gago Tamo Koba Qotei tulaŋ qalaqalaiyiye. Qalaqalaiyosib nuŋgo are miligi ti nuŋgo qunuŋ ti nuŋgo areqalo ti kalil Qotei yekritiye.’

Matyu 22:8

“Onaqa mandor koba a na olo aqa kaŋgal tamo qudei naŋgi qariŋnjrsiqa minjrej, ‘Ijo aŋgro aqa uŋa baŋ ojqa bati kereqo deqa e na maruro atonum unu. Ariya tamo naŋgi ijo maruro unqajqa nami minjrem qaji naŋgi bqa asginjrqo. Naŋgi tamo bolesai deqa naŋgi ijo maruro unqa keresai.

Luk 14:26

“Tamo bei a e daurbqa osimqa aqa abu, aqa ai, aqa ŋauŋ, aqa aŋgro naŋgi, aqa was naŋgi, aqa jaja naŋgi ti, aqa segi jejamu dego jeutnjrqasai di a ijo aŋgro sqa keresai.

Luk 20:35

Ariya mondoŋ Qotei aqa segi tamo uŋgasari nami giltnjrej qaji naŋgi subq na tigelosibqa naŋgi tamotqasai. Naŋgi uŋatqasai.

Luk 21:36

Deqa niŋgi bati gaigai ŋam atoqnsib Qotei pailyoqnsib soqniye. Qotei pailyoqnsib soqnibqa Qotei na niŋgi siŋgila eŋgoqnimqa kumbra kalil bumbraŋyeleŋqab qaji di nuŋgoq bqasai. Bati deqa e Tamo Aŋgro nuŋgoq botqa niŋgi ijo ulatamuq dia tigelqab.” Yesus a na aqa aŋgro naŋgi anjam degsi minjrej.

Jon 5:23

E wau di yeqnum deqa tamo kalil naŋgi ijo Abu aqa ñam soqteqnub dego kere naŋgi ijo ñam dego soqtetboqnqab. Di kiyaqa? E Qotei aqa Ŋiri deqa. Tamo naŋgi ijo ñam soqtosaieqnub qaji naŋgi ijo Abu e qariŋbej qaji aqa ñam dego soqtosaieqnub.

Uli Anjam 3:4

“‘Ariya tamo uŋgasari qudei Sardis qureq di unub qaji naŋgo kumbra bolequja. Naŋgo gara jigatosai deqa naŋgi gara qat jigsib e ombla walweloqnqab.