Matyu 10:33 - Yesus Aqa Anjam Bole

³³ Ariya tamo naŋgi ijo ñam tamo uŋgasari naŋgo ulatamuq dia marqajqa jemainjreqnu qaji mondoŋ e kamba ijo Abu laŋ qureq di unu qaji aqa ulatamuq dia naŋgo ñam dego marqajqa jemaibqas.”

Matyu 10:33 ပူးပေါင်းရင်းမြစ်များ

Mak 14:30

Onaqa Yesus na kamba Pita minjej, “Ni que. E bole mermqai. Qolo qujai endeqa tuwe anjamoaiyeltosaisoqnimqa ni gisaŋoqalubtsim marqam, ‘E Yesus qaliesai.’”

Mak 14:72

A degsi marnaqa tuwe anjamej. Tuwe anjamonaqa Pita a qusiqa anjam nami Yesus na minjej qaji, “Tuwe anjamoaiyeltosaisoqnimqa ni gisaŋoqalubtsim marqam, ‘E Yesus qaliesai,’” anjam deqa olo are qalsiqa poiyonaqa tulaŋ akamugetej.

Mak 8:38

Tamo uŋgasari bini bati endeqa unub qaji naŋgi Qotei torei qoreiyoqnsib une atsib laqnub. Deqa tamo bei a ijo ñam qa ti ijo anjam qa ti jemaiyqas di mondoŋ e Tamo Aŋgro e ijo Abu aqa riaŋ na ti ijo Abu aqa laŋ aŋgro naŋgo riaŋ na ti bosiyqa e kamba tamo di aqa ñam metqajqa jemaibqas.”

Luk 12:9

Ariya tamo naŋgi ijo ñam tamo uŋgasari naŋgo ulatamuq dia marqajqa jemainjreqnu qaji mondoŋ e kamba Qotei aqa laŋ aŋgro naŋgo ulatamuq dia naŋgo ñam dego marqajqa jemaibqas.

Luk 22:57

Onaqa Pita a saidosiq minjej, “Uŋa, e tamo di qaliesai.”

Luk 9:26

Tamo bei a ijo ñam qa ti ijo anjam marqajqa ti jemaiyqas di mondoŋ e Tamo Aŋgro ijo segi riaŋ na ijo Abu aqa riaŋ na ti ijo Abu aqa laŋ aŋgro naŋgo riaŋ na ti bosiyqa e kamba tamo di aqa ñam metqajqa jemaibqas.

2 Timoti 2:12

Iga siŋgila na tigeloqnsim gulube kalil qoboiyoqnsim unum deqa mondoŋ iga Kristus ombla mandor kokba sqom. Ariya iga a qoreiyqom di a na kamba iga qoreigwas.

2 Pita 2:1

Bole, nami tamo qudei naŋgi Israel naŋgo ambleq di tigelosib naŋgo segi ñam soqtoqnsib naŋgi segi Qotei aqa medabu o qaji tamo degsib maroqnsib wauoqneb. Ariya naŋgi Qotei aqa medabu o qaji tamo sai. Naŋgi gisaŋ tamo. Dego kere bunuqna tamo deqaji qudei naŋgi lumu na bosib nuŋgo ambleq di dego tigelosib naŋgi segi Qotei aqa medabu o qaji tamo degsib maroqnsib gisaŋ anjam gargekoba niŋgi merŋgoqnqab. Yimqa niŋgi qudei qusib bole edegosib naŋgi daurnjrsib Qotei aqa anjam olo uratosib uloŋqab. Tamo naŋgi di Tamo Koba Yesus na awainjrej. Ariya naŋgi na olo a qoreiyqab. Osib deqa mondoŋ naŋgi urur padalqab.

1 Jon 2:23

Tamo a Qotei aqa Ŋiri qoreiyqas di a Abu dego qoreiyqas. Ariya tamo a Qotei aqa Ŋiri qa aqa areqalo siŋgilatqas di a Abu qa dego aqa areqalo siŋgilatqas.