Matyu 10:28 - Yesus Aqa Anjam Bole

²⁸ Niŋgi jeu tamo naŋgi ulainjraib. Naŋgi nuŋgo jejamu segi qalsib moiotqa kere. Naŋgi nuŋgo qunuŋ moiotqa keresai. Deqa niŋgi naŋgi ulainjraib. Qotei a segi ulaiyiye. A na tamo naŋgo qunuŋ ti jejamu ti padaltnjrsim naŋgi ŋamyuoq breinjrqa kere.

Matyu 10:28 ပူးပေါင်းရင်းမြစ်များ

Matyu 10:26

Osiqa Yesus a olo anjam endegsi minjrej, “Niŋgi jeu tamo naŋgi di ulainjraib. Kumbra kalil uliejunu qaji di boleq dqas. Uli anjam kalil dego tamo naŋgi qusib poinjrqas.

Matyu 25:46

E na tamo uge ijo baŋ qonaŋq di unub qaji naŋgi degsi minjrsiyqa naŋgo awai uge enjrsiy breinjrit ŋamyuoq aiqab. Dia naŋgi bati gaigai jaqatiŋ oqnsib sqab. Ariya tamo bole ijo baŋ woq di unub qaji naŋgi ŋambile gaigai sqab.”

Matyu 5:22

Ariya e na dal anjam di buŋyosiy niŋgi endegsi merŋgwai. Tamo bei na aqa was laŋa ŋiriŋtqas di a une ti sqas. Tamo bei na aqa was laŋa misiliŋyqas di a une kobaquja yqas. Deqa a ojsib Juda gate kokba naŋgo ulatamuq di tigeltosib aqa une ubtetqab di kere. Ariya tamo bei na aqa was laŋa minjqas, ‘Ni tulaŋ nanari, areqalo saiqoji,’ degyqas aqa une deqa Qotei na a osim ŋamyuoq waiyqas.

Jon 5:29

Qusib olo sub uratosib tigelqab. Tamo uŋgasari kumbra bole bole yoqneb qaji naŋgi tigelosibqa ŋambile sqab. Tamo uŋgasari kumbra uge uge yoqneb qaji naŋgi tigelabqa e na naŋgo kumbra uge deqa naŋgi peginjrsiy naŋgi padaltnjrqai.”

Aposel 21:13

Onaqa Pol na iga mergej, “Niŋgi kiyaqa akamoqnsib are gulubetetbeqnub? E Tamo Koba Yesus aqa ñam qa tonto talq waibqab di kere. Aqa ñam qa e lubib moiqai di dego kere. E gulube di uratqasai. E itqai.”

Hibru 10:31

O was qu, Qotei ŋambile gaigai unu qaji a na tamo bei ojsim ŋolawotqa laqnim tamo di a Qotei qa ulaugetqas.

Hibru 11:35

Uŋgasari qudei naŋgo aŋgro naŋgi moreŋeqnab Qotei na naŋgi olo subq na tigeltnjroqnej. Jeu tamo naŋgi na tamo qudei naŋgi tonto talq di breinjroqnsib jaqatiŋ koba enjroqneb. Osib minjroqneb, “Niŋgi Qotei qoreiyib iga niŋgi uratŋgim niŋgi tonto talq dena oqedqab.” Onaqa naŋgi saidosib minjroqneb, “Sai. Mondoŋ iga olo subq na tigelosim ŋambile gaigai sqom. Deqa uŋgum, bini iga jaqatiŋ oqnsim unum di kere.”

Jems 4:12

Qotei a segi na dal anjam babtej deqa a na qujai gago une qa iga pegigwa kere. A na qujai tamo naŋgi eleŋqa kere. A na qujai naŋgi padaltnjrqa kere. Deqa niŋgi tamo kiero deqa niŋgi nuŋgo was naŋgo jejamuq di une qametnjreqnub? Di kumbra uge.

1 Pita 3:14

Bole, niŋgi kumbra tiŋtiŋ yibqa tamo qudei naŋgi na nuŋgo kumbra di unsib deqa jaqatiŋ eŋgwab di uŋgum. Niŋgi deqa areboleboleiŋgem. Naŋgi na niŋgi naŋgi ulainjrqajqa anjam bei merŋgibqa niŋgi naŋgi qa ulaaib. Osib are gulubeiŋgaiq.

Uli Anjam 2:10

Bunuqna ni jaqatiŋ koba oqam. Ni deqa ulaaim. Ni que. Satan a na niŋgi qudei ojeleŋosim tonto talq breiŋgwas. Breiŋgimqa niŋgi ijo ñam geregere ojqab kio ijo ñam uratosib uloŋqab kio di Satan a nuŋgo areqalo unsim qalieqajqa deqa niŋgi tonto talq breiŋgwas. Niŋgi bati 10-pela gulube ti jaqatiŋ ti sqab. Ariya niŋgi e qa nuŋgo areqalo siŋgilatosib soqniye. Sosib sosib gilsib jeu tamo naŋgi na niŋgi liŋgib moreŋqab. Amqa e na niŋgi ŋambile eŋgwai. Ŋambile di nuŋgo awai boledamu.