Matyu 10:27 - Yesus Aqa Anjam Bole

²⁷ Anjam e ambruq dia merŋgeqnum qaji di niŋgi olo suwaŋoq dia maroqniye. Anjam e lumu na merŋgeqnum qaji di niŋgi olo bijal goge dia tigeloqnsibqa tamo uŋgasari naŋgi minjroqniye.

Matyu 10:27 ပူးပေါင်းရင်းမြစ်များ

Matyu 24:17

Tamo naŋgi tal meq di unub qaji naŋgi jaraiqa oqnsib iŋgi iŋgi oqa osibqa olo warum miligiq gilaib. Naŋgi jaraioqujatebe.

Luk 12:3

Deqa anjam kalil niŋgi ambruq di mareqnub qaji di suwaŋamqa tamo kalil naŋgi quqwab. Anjam kalil niŋgi warum miligiq di mareqnub qaji di tamo qudei naŋgi qusib bijal gogeq di tigelosib maroqnqab.”

Luk 8:10

Nenemyonabqa a na kamba endegsi minjrej, “Yawo anjam di aqa utru agi merŋgwai. Niŋgi quiye. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya tamo uŋgasari qudei naŋgi yawo anjam segi quoqnqab. Deqa naŋgi bati gargekoba ŋam atoqnqab ijo anjam aqa damu unqasai. Naŋgi bati gargekoba dabkala na ijo anjam laŋa quoqnqab utru poinjrqasai.”

Jon 16:1

“Niŋgi ijo ñam ulontaib deqa e na anjam endi merŋgeqnum.

Jon 16:13

Ariya anjam bole qa Mondor a bosimqa nuŋgo areqalo gereiyetŋgimqa niŋgi anjam bole kalil poiŋgekritqas. A aqa segi areqalo na anjam merŋgwasai. A anjam quoqnsim di segi niŋgi merŋgoqnqas. Osim kumbra mondoŋ branteleŋqas qaji di dego ubtsim merŋgoqnqas.

Jon 16:25

Osiqa Yesus a olo anjam endegsi minjrej, “E anjam merŋgeqnum endi yawo na anjam merŋgeqnum. Bunuqna e olo yawo anjam bei merŋgwasai. Anjam aqa damu geregere plaltosiy ijo Abu qa merŋgoqnqai.

Jon 16:29

Onaqa Yesus aqa aŋgro naŋgi aqa anjam di qusib minjeb, “Od, endego ni boleq na anjam ubtosim mergonum. Ni yawo anjam mergosai.

Aposel 17:17

Ariya a Atens qureq di sosiqa a bati gaigai Juda naŋgo Qotei tal miligiq giloqnsiqa Juda ti Grik tamo uŋgasari Qotei qa louoqneb qaji naŋgi ti Yesus aqa anjam plaltosiq minjroqnej. Atens naŋgo koro sawaq dia dego a bati gaigai tigeloqnsiqa tamo uŋgasari dia soqneb qaji naŋgi Yesus aqa anjam plaltosiq minjroqnej.

Aposel 5:20

“Niŋgi gilsib atra tal miligiq dia tigelosib tamo uŋgasari naŋgi ŋambile gaigai sqajqa anjam di palontosib minjroqniye.”

Aposel 5:28

“Niŋgi Yesus aqa ñam mare mare laqajqa iga siŋgila na saidŋgem. Di niŋgi na olo mare mare laqnabqa tamo uŋgasari kalil Jerusalem qureq endi unub qaji naŋgi quekritonub. Di segi sai. Niŋgi iga qa mareqnub, iga na Yesus ŋamburbasq di qalnam moiej. Degsib maroqnsib une di gago jejamuq di ateqnub.”

2 Korin 3:12

Riaŋ di bosim gaigai gagoq di sqajqa deqa tariŋoqnsim unum. Deqa iga ulaosaieqnum. Iga riaŋ deqa mare mare laqnum.