Matyu 10:25 - Yesus Aqa Anjam Bole

²⁵ Aŋgro a kobaqujaosimqa di aqa abu ombla kerekereqab. Kaŋgal tamo a powo koba osimqa di aqa tamo koba ombla kerekereqab. Jeu tamo naŋgi na tal aqa abu a ñam Belsebul waiyeqnub. Deqa iga qalieonum, naŋgi na aqa aŋgro naŋgi ñam tulaŋ ugedamu wainjrqab.”

Matyu 10:25 ပူးပေါင်းရင်းမြစ်များ

Matyu 12:24

Naŋgi degsib mareqnabqa Farisi naŋgi qusibqa saidnjrsib minjreb, “Sai. Mondor uge naŋgo gate koba Belsebul a Yesus aqa jejamuq di unu. Deqa siŋgila dena Yesus na mondor uge naŋgi winjreqnu.”

Matyu 12:27

E Belsebul aqa siŋgila na mondor uge naŋgi winjreqnum qamu nuŋgo aŋgro naŋgi yai aqa siŋgila na mondor uge naŋgi winjreqnub? Niŋgi tulaŋ grotonub deqa nuŋgo aŋgro naŋgi na endegsib merŋgwab, ‘Niŋgi tamo uge.’

Matyu 9:34

Onaqa Farisi naŋgi Yesus aqa maŋwa di unsib maroqneb, “Mondor uge naŋgo gate koba Satan a Yesus aqa jejamuq di unu. Deqa siŋgila dena Yesus na mondor uge naŋgi winjreqnu.”

Mak 10:39

Onaqa naŋgi na minjeb, “Od, aqo aiyel oqa kere.” Onaqa Yesus a na olo naŋgi aiyel minjrej, “Bole, jaqatiŋ e oqai di niŋgi dego oqab. Gulube e oqai di niŋgi dego oqab.

Mak 3:22

Onaqa dal anjam qalie tamo qudei Jerusalem dena beb qaji naŋgi Yesus yomuiyosib maroqneb, “Mondor uge naŋgo gate koba Belsebul a Yesus aqa jejamuq di unu. Deqa siŋgila dena Yesus a na mondor uge naŋgi winjreqnu.”

Luk 11:15

Onaqa tamo qudei naŋgi dego Yesus aqa siŋgila di unsibqa naŋgi Yesus yomuiyosib maroqneb, “Mondor uge naŋgo gate koba Belsebul a Yesus aqa jejamuq di unu. Deqa siŋgila dena Yesus na mondor uge naŋgi winjreqnu.”

Luk 11:18

Dego kere Satan na aqa segi mondor uge naŋgi winjrqas di naŋgi poaiyelqab. Deqa a kiersim aqa mondor uge naŋgi olo taqatnjrqas? Di keresai. Niŋgi mareqnub, e Belsebul aqa siŋgila na mondor uge naŋgi winjreqnum.

Luk 11:19

Belsebul na e aqaryaibeqnaqa e mondor uge naŋgi winjreqnum qamu yai na nuŋgo aŋgro naŋgi aqaryainjreqnaqa naŋgi mondor uge naŋgi winjreqnub? Nuŋgo segi aŋgro naŋgi na niŋgi endegsib merŋgwab, ‘Nuŋgo anjam di uge.’

Jon 10:20

Osib tamo gargekoba naŋgi endegsib mareb, “Yesus a mondor uge ti unu. Deqa a tulaŋ nanariqo. Niŋgi kiyaqa aqa anjam queqnub?”

Jon 7:20

Onaqa tamo uŋgasari naŋgi na kamba Yesus minjeb, “Mondor uge inoq di unu. Yai naŋgi na ni lumsib moiotmqa mareqnub?”

Jon 8:48

Onaqa Juda naŋgi Yesus aqa anjam di qusibqa minjeb, “Iga bole maronum, ni Samaria qaji tamo. Mondor uge inoq di unu.”

Jon 8:52

Onaqa Juda naŋgi na minjeb, “Endego iga qalieonum, mondor uge inoq di unu. Abraham a moiej. Qotei aqa medabu o qaji tamo kalil naŋgi dego moreŋekriteb. Ariya ni maronum, ‘Tamo bei na ijo anjam qusim dauryqas di a olo moiqa keresai.’