Mak 6:20 - Yesus Aqa Anjam Bole

²⁰ Di kiyaqa? Herot a Jon qa ulaosiq a geregere taqatoqnej deqa. Herot a qalieej, “Jon a tamo bole. Aqa jejamuq di une bei saiqoji. A Qotei aqa segi aŋgro.” Herot a degsi qalieosiq deqa Jon taqatoqnsiqa aqa anjam quoqnej. Quoqnsiqa are koba qaloqnej. A Jon aqa anjam quqwajqa arearetoqnej. Deqa aqa ŋauqali na Jon qalqa minjeqnaq a na saidyoqnej.

Mak 6:20 ပူးပေါင်းရင်းမြစ်များ

Matyu 14:5

Jon a tonto talq di sonaqa Herot a endegsi are qaloqnej, “E na Jon qalit moiqas.” Ariya tamo uŋgasari kalil naŋgi maroqneb, “Jon a tamo bole. A Qotei aqa medabu o qaji tamo.” Naŋgi degsib maroqneb deqa Herot a naŋgi ulainjrsiq Jon qalqa uratej.

Matyu 21:26

Ariya iga minjqom, ‘Tamo bei na Jon qariŋyej,’ degsi minjqom di tamo uŋgasari naŋgi ŋiriŋosib bosib iga lugwab. Di kiyaqa? Naŋgi mareqnub, ‘Jon a Qotei aqa medabu o qaji tamo bole.’”

Mak 11:18

Onaqa atra tamo kokba ti dal anjam qalie tamo naŋgi ti Yesus aqa anjam di qusibqa naŋgi a qa ulaosib a qalib moiqajqa gam ŋamoqneb. Di kiyaqa? Tamo uŋgasari kalil naŋgi Yesus aqa anjam quqwajqa tulaŋ arearetnjroqnej deqa.

Mak 4:16

Saga yago qudei mandam lanjaq di aieb qaji di aqa utru endegsi unu. Tamo qudei naŋgi Qotei aqa anjam qusib tulaŋ areboleboleinjrimqa anjam di oqujatosib naŋgo areq atqab.

Jon 5:35

Jon a lam puloŋ bul sosiqa tamo naŋgi suwaŋtnjroqnej. Yeqnaqa niŋgi aqa suwaŋoq di sokiñalayoqnsib deqa areboleboleiŋgoqnej.

Aposel 2:12

Tamo uŋgasari naŋgi anjam degsib marsibqa naŋgi are koba qalsib segi segi maroqneb, “Naŋgi kumbra di kiersib yonub?”

Aposel 5:24

Degsi minjrnabqa atra tamo kokba ti atra tal taqato tamo naŋgo gate ombla na anjam di qusib are koba qalsib maroqneb, “Yesus aqa aŋgro 12-pela naŋgi kiersib tonto tal uratosib jaraionub?”