Mak 14:30 - Yesus Aqa Anjam Bole

³⁰ Onaqa Yesus na kamba Pita minjej, “Ni que. E bole mermqai. Qolo qujai endeqa tuwe anjamoaiyeltosaisoqnimqa ni gisaŋoqalubtsim marqam, ‘E Yesus qaliesai.’”

Mak 14:30 ပူးပေါင်းရင်းမြစ်များ

Matyu 26:34

Onaqa Yesus na minjej, “Ni que. E bole mermqai. Qolo qujai endeqa tuwe anjamosaisoqnimqa ni gisaŋoqalubtsim marqam, ‘E Yesus qaliesai.’”

Mak 13:35

Dego kere niŋgi geregere ŋam atsib soqniye. Di kiyaqa? Tal lanja a olo bqajqa bati niŋgi qaliesai. A bilaq kio, qolo kio, tuwe anjamoqnimqa kio, nobqolo kio bqas.

Mak 14:29

Onaqa Pita na minjej, “Aŋgro kalil naŋgi ino ñam ulontosib jaraiqab e segi ino ñam ulontqasai.”

Mak 14:31

Onaqa Pita a tulaŋ saidosiq minjej, “Sai. E ni ombla moiqa marimqa uŋgum e ino ñam ulitqasai bolesai.” Onaqa Yesus aqa aŋgro kalil naŋgi anjam qujai di minjoqneb.

Luk 22:34

Onaqa Yesus na minjej, “O Pita, ni que. Bini tuwe anjamosaisoqnimqa ni gisaŋoqalubtsim marqam, ‘E Yesus qaliesai.’”

Jon 13:38

Onaqa Yesus na kamba minjej, “Ni e qa ino ŋambile uratosim moiqa kere e? Ni que. E bole mermqai. Tuwe anjamosaisoqnimqa ni maroqalubtqam, ‘E Yesus qaliesai.’”

Jon 18:17

Onaqa kaŋgal uŋa siraŋme taqatoqnej qaji a na Pita nenemyej, “Ni Yesus aqa aŋgro bei kio?” Onaqa Pita na kamba minjej, “Eo. E aqa aŋgro sai.”

1 Korin 10:12

Ariya tamo bei a endegsi are qalqas, “E siŋgila na tigelejunum.” Osim a geregere ŋam atem. A uloŋosim uneq aio uge.