Mak 14:26 - Yesus Aqa Anjam Bole

²⁶ Yesus a na aqa aŋgro naŋgi anjam degsi minjrsiqa naŋgi koba na louosib koboonaqa qure uratosib Oliv manaq oqeb.

Mak 14:26 ပူးပေါင်းရင်းမြစ်များ

Matyu 21:1

Ariya Yesus aqa aŋgro naŋgi koba na walwelosib aisib Jerusalem qure jojomyosib Betfage qureq di branteb. Betfage qure agi Oliv mana utruq di unu. Di brantosib Yesus na aqa aŋgro aiyel qariŋnjrsiqa minjrej,

Matyu 26:30

Yesus a na aqa aŋgro naŋgi anjam degsi minjrsiqa naŋgi koba na louosib koboonaqa tal uratosib Oliv manaq oqeb.

Mak 14:25

Ariya niŋgi quiye. E bole merŋgwai. E wain endi olo uyqasai. Degsi gilsiy gilsiy mondoŋ diŋo bati qa Qotei a nuŋgo Mandor Koba soqnimqa bati deqa e olo wain bunuj uyqai.”

Luk 22:39

Ariya Yesus aqa kumbra gaigai yoqnej qaji di dauryosiqa Jerusalem qure uratosiq Oliv manaq oqej. Aqa aŋgro naŋgi dego a dauryosib oqeb.

Jon 18:1

Yesus a degsi Qotei pailyosiq koboonaqa a na aqa aŋgro naŋgi joqsiqa koba na walwelosib Kidron ya dosib taqal beiq aisib nañu agu beiq di soqneb.

Aposel 16:25

Onaqa qolo jige Pol wo Sailas wo naŋgi tonto tal miligiq dia Qotei pailyoqnsib loueqnabqa tamo naŋgi tonto talq di soqneb qaji naŋgi quoqneb.

1 Korin 14:15

Deqa e endegyqai. E ijo mondor ti ijo areqalo ti turtsiy pailyoqnqai. E ijo mondor ti ijo areqalo ti turtsiy louoqnqai dego.

Kolosi 3:16

Osib niŋgi Kristus aqa anjam osib nuŋgo are miligiq di siŋgilatib soqnem. Osib niŋgi na nuŋgo Kristen was qu naŋgi areqalo bole ti powo ti osornjroqniye. Yim naŋgi kumbra bole bole yoqnqajqa deqa. Niŋgi nuŋgo are miligiq di Qotei biŋiyoqnsib a qa louoqniye. Lou qudei neŋgreŋq di unu qaji dena ti lou qudei Qotei aqa Mondor na nuŋgo are miligiq di ateqnu qaji dena ti niŋgi Qotei qa louoqniye.

Jems 5:13

Nuŋgo ambleq di tamo qudei naŋgi gulube qoboiyeqnub kio? Degamqa niŋgi na minjribqa naŋgi naŋgo gulube deqa Qotei pailyoqnebe. Nuŋgo ambleq di tamo qudei naŋgi arebole-boleinjreqnu kio? Degamqa niŋgi na minjribqa naŋgi Qotei qa louoqnsib aqa ñam soqtoqnebe.

Uli Anjam 5:9

Wagme qolqe naŋgi ti gate kokba naŋgi ti bosib Kaja Du aqa areq di siŋga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Di kiyaqa? Ni lumnab moisim ino leŋ aiej dena ni na ino segi tamo uŋgasari naŋgi awainjrsimqa Qotei aqa baŋq di ateleŋem unub. Od, tamo uŋgasari leŋ segi segi qaji, anjam maro segi segi qaji, jejamu segi segi qaji, sawa segi segi qaji naŋgi ni na awainjrsimqa Qotei aqa baŋq di ateleŋem unub.