Mak 10:18 - Yesus Aqa Anjam Bole

¹⁸ Onaqa Yesus na kamba minjej, “Ni kiyaqa e tamo bole qa merbonum? Qotei a segi qujai tamo bole.

Mak 10:18 ပူးပေါင်းရင်းမြစ်များ

Matyu 19:17

Onaqa Yesus na kamba minjej, “Ni kiyaqa e kumbra bole qa nenembonum? Qotei a segi qujai tamo bole. Ariya ni que. Ni ŋambile gaigai sqa osimqa ni Qotei aqa dal anjam daurye.”

Mak 10:17

Osiqa dena tigelosiqa gam dauryosiq gileqnaqa tamo bei urur ti aqa areq bosiqa aqa siŋgaq di siŋga pulutosiqa nenemyej, “O Qalie Tamo Bole, e kumbra bole kie dauryosiy dena e ŋambile gaigai sqai?”

Mak 10:19

Ariya ni Qotei aqa dal anjam qalie unum. ‘Ni tamo bei qalsim moiotaim. Ni tamo bei aqa uŋa jejamu ojetaim. Ni bajiŋaim. Ni tamo bei aqa jejamu laŋa gisaŋyaim. Ni was bei aqa iŋgi bei laŋa gisaŋ na yaiyaim. Ni ino ai wo abu wo naŋgo sorgomq di geregere sosimqa naŋgo anjam dauryoqne.’”

Luk 18:19

Onaqa Yesus na kamba minjej, “Ni kiyaqa e tamo bole qa merbonum? Qotei a segi qujai tamo bole.

Rom 3:12

Tamo kalil naŋgi gam bole uratekritonub. Naŋgi kalil tamo uge. Qujai bei na kumbra bole dauryosaieqnu. Sai bolesai.

Jems 1:17

Iŋgi bole bole kalil iga eleŋeqnum qaji di tulaŋ boledamu. Iŋgi iŋgi kalil di laŋ goge dena branteqnaq iga laŋa eleŋeqnum. Qotei Abu riaŋ ti unu qaji a na iŋgi iŋgi di qariŋyeqnaqa gagoq aieqnu. Qotei Abu a kumbra bulbulyosaieqnu. A seŋ qunuŋ bul sai. Agi seŋ qunuŋ a olekobaoqnsiqa olo truqueqnu. Qotei a degyosaieqnu.

1 Jon 4:16

Kumbra dena iga bole qalieonum, Qotei na iga tulaŋ qalaqalaigeqnu. Aqa qalaqalaiyo kumbra di gago are miligiq di unu. Deqa iga Qotei qa gago areqalo siŋgilateqnum. Qotei a segi qalaqalaiyo kumbra qa utru. Tamo a qalaqalaiyo kumbra dauryqas di a na Qotei beteryesqas. Yim Qotei na a kamba dego beteryesqas.

1 Jon 4:8

Qotei a segi qalaqalaiyo kumbra qa utru. Deqa tamo bei a qalaqalaiyo kumbra dauryqasai di a Qotei qa dego qalieqa keresai.