Luk 9:56 - Yesus Aqa Anjam Bole

⁵⁶ Osiqa aqa aŋgro kalil naŋgi joqsiqa koba na qure beiq aieb.

Luk 9:56 ပူးပေါင်းရင်းမြစ်များ

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Matyu 18:11

E segi Tamo Aŋgro. E na tamo uŋgasari padalejunub qaji naŋgi oqajqa deqa marsim mandamq aiem.

Matyu 20:28

E Tamo Aŋgro. Niŋgi ijo kumbra qalieosib degsib dauryoqniye. Tamo naŋgi na e aqaryaibosib wauetbqajqa e deqa bosai. E na tamo naŋgi wauetnjrqa bem. E na tamo uŋgasari gargekoba naŋgi aqaryainjrsiy ijo segi ŋambile uratosiy naŋgi eleŋqai. E deqa bem.”

Matyu 5:39

Ariya e na dal anjam di buŋyosiy niŋgi endegsi merŋgwai. Tamo bei na ni kumbra uge emimqa ni kamba kumbra uge yaim. Tamo bei na ula poŋmimqa belosim waliŋe bei osoryimqa poŋyem.

Luk 19:10

E segi Tamo Aŋgro. Deqa e na tamo uŋgasari padalo gamq di unub qaji naŋgi ŋamosiy itnjrsiy eleŋqai. Yimqa naŋgi padalo gam uratosib ŋambile gaigai sqab. E deqa mandamq aiem.”

Luk 22:51

Onaqa Yesus na aqa aŋgro naŋgi minjrej, “Kumbra degyaib. Uratiye.” Degsi minjrsiqa tamo di aqa dabkala ojnaqa olo boleej.

Luk 23:34

Yesus a ŋamburbas goge di sosiqa a endegsi Qotei pailyej, “O Abu, ni na naŋgo une di kobotime. Naŋgi une yonub di naŋgi qaliesai.” Ariya qaja tamo naŋgi Yesus aqa gara eleŋqa marsib gilteleŋeb. Osib meniŋ silali alaŋeb. Tamo yai aqa meniŋ na buŋnjrqas a na gara oqas. Degsib marsib meniŋ silali alaŋosib gara eleŋeb.

Luk 9:55

Onaqa Yesus a bulosiqa naŋgi aiyel ŋiriŋtnjrej.

Luk 9:57

Naŋgi gam dauryosib aieqnabqa tamo bei na Yesus minjej, “Ni sawa sawaq giloqnimqa e ni daurmoqnqai.”

Jon 10:10

“Bajiŋ tamo naŋgi iŋgi bei qa bosaieqnub. Naŋgi kaja bajiŋosib ñumqajqa deqa beqnub. Ariya e degyqa bosai. E na kaja naŋgi ŋambile enjritqa naŋgi ŋambile sqajqa e deqa bem.

Jon 12:47

Tamo bei a ijo anjam qusimqa ariya a dauryqasai di e aqa une deqa a pegiyqasai. E na tamo uŋgasari mandamq endi unub qaji naŋgo une qa peginjrqa bosai. E naŋgi oqajqa bem.

Jon 3:17

Qotei a na tamo uŋgasari mandamq endi unub qaji naŋgo kumbra qa naŋgi peginjrqajqa deqa are qalsiq aqa Ŋiri naŋgoq qariŋyosai. A na naŋgi eleŋam naŋgi padalaib deqa are qalsiq aqa Ŋiri qariŋyonaq mandamq aiej.

Rom 12:21

O was qu, e niŋgi segi segi endegsi merŋgwai. Kumbra uge bei na ni ojqa laqnim ni segi siŋgilaosim kumbra bole dauryosim dena ni kumbra uge buŋyosim gotraŋyqam.

1 Timoti 1:15

Kristus Yesus a na iga tamo uŋgasari une yeqnum qaji iga eleŋqa marsiq deqa mandamq aiej. Anjam di bole. Tamo kalil naŋgi qusib marqab, “Bole.” O Timoti, e nami une gargekoba yoqnem deqa e na une tamo kalil naŋgi tulaŋ buŋnjroqnem.