Luk 9:42 - Yesus Aqa Anjam Bole

⁴² Onaqa osi beqnaqa mondor uge dena aqa jejamu ojsiq mandamq waiysiq qunjimyoqnej. Yeqnaqa Yesus na mondor uge di ŋiriŋtosiq wiyonaq aŋgro aqa jejamu uratonaq boleej. Onaqa Yesus na aŋgro di baŋ ojsiq osi gilsiqa aqa abu yej.

Luk 9:42 ပူးပေါင်းရင်းမြစ်များ

Mak 9:20

Onaqa osi bonabqa mondor uge dena Yesus unsiqa aŋgro di qunjimyonaqa a mandamq aisiqa belbelonaqa aqa medabuq na maul aioqnej.

Luk 7:15

Degsi minjnaqa a tigelosiq awoosiq anjam maroqnej. Onaqa Yesus na a baŋ ojsiqa osi gilsiqa aqa aniqali yej.

Luk 9:39

Mondor uge na aqa jejamu ojoqnsiqa mandamq waiyeqnaqa a tulaŋ koba leleŋoqnsiqa aqa medabuq na maul aieqnu. Mondor uge dena a qunjimyoqnsiqa aqa jejamu tulaŋ ugeugeiyeqnu. A yala uratosaieqnu.

Luk 9:41

Onaqa Yesus a anjam di qusiqa marej, “Niŋgi tamo uŋgasari bini bati endeqa unub qaji nuŋgo areqalo e qa siŋgilatosai bolesai. Nuŋgo kumbra ti nuŋgo areqalo ti tulaŋ uge. Bati gembub e niŋgi koba na sosiyqa nuŋgo gulube di qoboiyoqnqai?” Degsi marsiqa aŋgro di aqa abu minjej, “Ino aŋgro mel di osau.”

Luk 9:43

Onaqa tamo uŋgasari kalil mana utruq dia soqneb qaji naŋgi Qotei aqa siŋgila di unsibqa naŋgi tulaŋ prugeleŋeb. Yesus a maŋwa di yej deqa tamo uŋgasari kalil naŋgi unsib prugeleŋosib are koba qaloqneb. Onaqa bati deqa Yesus na aqa aŋgro naŋgi endegsi minjrej,

Jon 6:19

Naŋgi 5-pela o 6-pela kilomita oyoosib gileqnabqa Yesus a ya baŋgaq na walwelosiqa naŋgi daurnjrsiq gilej. Gilsiq qobuŋ jojomyonaqa ŋam ateb a ya baŋgaq na walwelosiq beqnaqa unsib ulakobaeb.

Aposel 9:41

Onaqa Pita na aqa baŋ ojsiq tigeltej. Tigeltosiqa Qotei aqa segi tamo uŋgasari naŋgi ti uŋa qobul naŋgi ti metnjrnaqa naŋgi warum miligiq bosib Tabita uneb a ŋambile soqnej.

Uli Anjam 12:12

Deqa laŋ qure ti tamo uŋgasari laŋ qureq di unub qaji niŋgi ti areboleboleiŋgeme. Ariya mandam ti yuwal ti niŋgi ŋam atiye. Gulube kobaquja nuŋgoq aiqas. Di kiyaqa? Satan a sokiñalayosim padalqas di qalieqo deqa minjiŋ ani oqetqoqa niŋgi ugeugeiŋgwa aiqo.”