Luk 9:35 - Yesus Aqa Anjam Bole

³⁵ Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e segi na giltem qaji. Niŋgi aqa anjam quetoqniye.”

Luk 9:35 ပူးပေါင်းရင်းမြစ်များ

Matyu 12:18

“Endi ijo wau tamo qujai e segi na giltem qaji. E a tulaŋ qalaqalaiyeqnum. E a qa tulaŋ areboleboleibqo. E na ijo Mondor aqaq di atitqa a na tamo uŋgasari kalil mandamq endi unub qaji naŋgi kumbra tiŋtiŋ qa minjroqnqas.

Matyu 3:17

Unnaqa laŋ goge dena Qotei a anjam marnaqa tamo uŋgasari naŋgi aqa kakoro queb. A endegsi marnaq queb, “Di ijo aŋgro qujai. E na a tulaŋ qalaqalaiyeqnum. E a qa tulaŋ areboleboleibqo.”

Mak 1:11

Awoonaqa laŋ goge dena Qotei na Yesus metonaqa aqa kakoro quej. A endegsi minjnaq quej, “Ni ijo Aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Luk 3:22

Laŋ waqonaqa Qotei aqa Mondor binoŋ bulosiq laŋ goge dena aisiqa Yesus aqa jejamuq di awoej. Awoonaqa laŋ goge dena Qotei na Yesus metonaqa aqa kakoro quej. A na endegsi minjnaq quej, “Ni ijo segi aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Luk 9:34

Mareqnaqa laŋbi aisiqa naŋgi kabutnjrnaqa naŋgi ulaugeteb.

Jon 12:28

O ijo Abu, ni na ino ñam tulaŋ kobaqujatime.” Yesus a anjam degsi marnaqa laŋ goge dena anjam endegsi bej, “E ijo ñam agi kobaqujatonum. Deqa olo kobaqujatqai.”

Jon 3:16

“Qotei aqa Ŋiri qujai unu. Qotei na tamo uŋgasari kalil mandamq endi unub qaji naŋgi tulaŋ qalaqalainjrsiq deqa aqa segi Ŋiri qujai di naŋgi enjrej. A endegsi are qalej, ‘Tamo uŋgasari kalil ijo Aŋgro qa naŋgo areqalo siŋgilatqab qaji naŋgi di padalqasai. Naŋgi ŋambile gaigai sqab.’ Qotei a degsi are qalsiq deqa aqa segi Ŋiri qujai naŋgi enjrej.

Hibru 2:3

Ariya bini Qotei na iga oqajqa marsiq wau kobaquja yej. Deqa iga Qotei aqa wau di qoreiyqom di iga awai uge turqom. Awai di iga britosim jaraiqa keresai. Namoqna Tamo Koba Yesus a segi na iga oqajqa anjam di maroqnej. Onaqa tamo naŋgi aqa anjam di quoqneb qaji naŋgi na kamba olo iga endegsib mergoqneb, “Anjam di bole.”

Hibru 3:15

Iga qalie, anjam endegsi unu, “Bini bati endi niŋgi Qotei aqa medabu quoqniye. Niŋgi nuŋgo are miligi getentaib. Niŋgi nuŋgo moma utru naŋgi bul saib. Agi nami nuŋgo moma utru naŋgi ijo anjam quqwa asginjrnaqa gotraŋyoqneb.”

Hibru 5:9

Qalieosiq deqa a Qotei aqa anjam torei dauryekritej. Deqa Qotei na a giltosiq minjej, “Ni atra tamo kobaquja unum. Agi Melkisedek a nami atra tamo kobaquja soqnej dego kere.” Qotei na Yesus degsi minjej deqa Yesus na tamo kalil Qotei aqa anjam dauryeqnub qaji naŋgi oqas. Naŋgi oqajqa utru agi Yesus qujai. Deqa naŋgi ŋambile gaigai sqab.