Luk 9:20 - Yesus Aqa Anjam Bole

²⁰ Onaqa Yesus a naŋgi olo nenemnjrej, “Niŋgi segi e nuboqnsib niŋgi e qa kiersib mareqnub?” Onaqa Pita na minjej, “Ni Kristus, Qotei aqa segi Ŋiri qujai.”

Luk 9:20 ပူးပေါင်းရင်းမြစ်များ

Matyu 22:42

“Niŋgi Kristus qa kiersib are qalonub? A yai aqa ŋiri?” Onaqa naŋgi na kamba minjeb, “Kristus a Devit aqa ŋiri.”

Matyu 26:63

Onaqa Yesus a torei mequmej. A anjam bei yala marosai. Deqa atra tamo gate na olo nenemyej, “Qotei ŋambile gaigai unu qaji aqa ñam na e ni nenemmqai, ni Kristus e? Ni Qotei aqa Ŋiri e? Ni e merbe.”

Matyu 5:47

Niŋgi nuŋgo was naŋgi segi gereinjroqnqab di kumbra tulaŋ bolesai. Nuŋgo kumbra dena niŋgi tamo qudei naŋgi buŋnjrqasai. Tamo naŋgi Qotei qaliesai qaji naŋgi dego naŋgo segi was naŋgi gereinjreqnub.

Mak 14:61

Onaqa Yesus a torei mequmej. A anjam bei yala marosai. Deqa atra tamo gate a na olo nenemyej, “Ni Kristus e? Ni Qotei Goge Koba aqa Ŋiri e? Ni e merbe.”

Mak 8:29

Onaqa Yesus na olo nenemnjrej, “Niŋgi segi e nuboqnsib niŋgi e qa kiersib mareqnub?” Onaqa Pita na minjej, “Ni segi qujai Kristus Qotei na qariŋmej qaji.”

Luk 22:67

“Ni Kristus amqa geregere merge.” Onaqa a na minjrej, “E Kristus degsi merŋgwai di niŋgi ijo anjam di quetbqasai.

Luk 9:19

Onaqa aqa aŋgro naŋgi na minjeb, “Tamo qudei naŋgi mareqnub, ni Jon yansnjro qaji tamo. Tamo qudei naŋgi mareqnub, ni Elaija. Ariya qudei mareqnub, ni Qotei aqa medabu o tamo nami soqneb naŋgi deqaji bei agi olo subq na tigelqo.”

Jon 1:41

A Yesus uratosiq aqa was Saimon itosiq minjej, “Iga Mesaia unonum.” Ñam “Mesaia” di Hibru anjam. Gago anjam, “Kristus.”

Jon 1:49

Onaqa Nataniel a Yesus aqa anjam di qusiqa minjej, “O Qalie Tamo Koba, ni degsi maronum deqa e poibqo, ni Qotei aqa Ŋiri. Ni Israel naŋgo Mandor Koba.”

Jon 11:27

Onaqa Marta na Yesus minjej, “Od, Tamo Koba. E qalieonum, ni Kristus, Qotei aqa Ŋiri. Ni qujai Qotei na nami qariŋmonaqa mandamq aiem qaji. Deqa e ni qa ijo areqalo siŋgilatonum.”

Jon 20:31

Niŋgi ijo anjam endi sisiyosib Yesus qa nuŋgo areqalo siŋgilatosib a bole Kristus Qotei aqa Ŋiri degsi poiŋgwajqa deqa e na anjam endi neŋgreŋyonum. Yimqa niŋgi Yesus aqa ñam na ŋambile gaigai sqab.

Jon 4:29

“Niŋgi bosib tamo di uniye. E kumbra nami yoqnem qaji di a na ubtekritqo. Tamo di Kristus kio?”

Jon 4:42

Osib uŋa di minjeb, “Ni na bosim Yesus qa anjam mergonum qusim gago areqaloq di sonaq olo a segi na mergwo qusim turtsim gago areqalo a qa torei siŋgilatonum. Osim endegsi poigwo, ‘Bole, Yesus a na qujai tamo uŋgasari mandamq endi unub qaji naŋgi oqas.’”

Jon 7:41

Onaqa tamo qudei naŋgi mareb, “Tamo endi a bole Kristus.” Onaqa tamo qudei naŋgi mareb, “Sai. Kristus a bqas di a Galili sawaq dena bqasai.

Aposel 17:3

Pol a na anjam aqa utru geregere plaltosiq endegsi minjroqnej, “Kristus a jaqatiŋ koba osim moiqas. Moisim olo subq na tigelqas. Qotei aqa anjam nami degsib neŋgreŋyeb unu.” Osiqa minjroqnej, “Yesus agi e niŋgi a qa merŋgeqnum qaji a bole Kristus Qotei na qariŋyej qaji.”

Aposel 8:36

Onaqa naŋgi gam dauryosib giloqnsib gam qalaq di ya bei sonaq unsibqa Itiopia tamo dena Filip minjej, “Ni une. Ya agide. Iŋgi bei na e getentbqa keresai. Deqa ni e yansbe.”

Aposel 9:22

Sol a siŋgila na Qotei aqa wau yoqnej. Yeqnaqa aqa siŋgila ti aqa powo ti tulaŋ kobaoqnej. Deqa a siŋgila na Qotei aqa anjam maroqnej. A anjam geregere plaltoqnsiqa endegsi maroqnej, “Yesus a bole Kristus Qotei na qariŋyej qaji.” Degsi mareqnaqa Juda tamo kokba Damaskus qureq di soqneb qaji naŋgi aqa anjam di quoqnsib naŋgi na kamba olo aqa anjam di qalotqa keresai.

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.