Luk 9:11 - Yesus Aqa Anjam Bole

¹¹ Naŋgi gileqnabqa tamo uŋgasari naŋgi endegsib queb, “Yesus a Betsaida gileqnu.” Degsib qusibqa Yesus dauryosib gileb. Dauryosib gileqnabqa unjrsiqa minjrej, “Niŋgi are bulyibqa Qotei a nuŋgo Mandor Koba sosim niŋgi taqatŋgwas.” Tamo uŋgasari ma ti so qaji naŋgi dego Yesus dauryosib gileqnabqa a na naŋgi kalil boletnjroqnej.

Luk 9:11 ပူးပေါင်းရင်းမြစ်များ

Matyu 12:15

Onaqa Yesus a naŋgo anjam di qalieosiqa qure di uratosiq walwelosiq gilej. A gileqnaqa tamo uŋgasari gargekoba naŋgi a dauryosib giloqneb. Deqa a na tamo uŋgasari kalil ma ti soqneb qaji naŋgi boletnjroqnej.

Matyu 14:14

Deqa Yesus a qobuŋ na gilsiq tiryosiqa ŋam atej tamo uŋgasari tulaŋ gargekoba nami tiryqa sawaq dia tariŋesonab unjrej. Unjrsiqa naŋgi qa are ugeiyej. Deqa a naŋgo areq aisiqa naŋgo ma tamo kalil boletnjroqnej.

Matyu 21:31

Deqa niŋgi na merbiye. Aŋgro yai na aqa siqali aqa anjam dauryej?” Onaqa naŋgi na kamba Yesus minjeb, “Ŋiri matu a na aqa siqali aqa anjam dauryej.” Naŋgi degsib Yesus minjnabqa a na olo minjrej, “Niŋgi quiye. E bole merŋgwai. Takis o qaji tamo ti gam qaji uŋa ti naŋgi na niŋgi buŋgosib namoosib Qotei aqa baŋq oqibqa a naŋgo Mandor Koba sosim naŋgi taqatnjrqas.

Matyu 21:43

Deqa e niŋgi endegsi merŋgwai. Qotei a nuŋgo Mandor Koba sosim niŋgi taqatŋgwajqa uratosim niŋgi taqalq breiŋgwas. Osimqa olo tamo uŋgasari qudei gei bole ateqnub qaji naŋgi eleŋosim naŋgo Mandor Koba sosim naŋgi taqatnjrqas.

Luk 1:53

Tamo naŋgi mam unub qaji Qotei na iŋgi anainjreqnaq naŋgi kere na unub. Ariya tamo naŋgi iŋgi koba ti unub qaji a na uratnjreqnaqa naŋgi iŋgi saiinjreqnu.

Luk 5:31

Onaqa Yesus a Farisi naŋgo anjam di qusiqa minjrej, “Tamo ma saiqoji naŋgi ma gereiyo tamo aqaq gilosaieqnub. Tamo ma ti naŋgi segi ma gereiyo tamo aqaq gileqnub.

Luk 8:1

Bati bei Yesus a walwelosiqa qure kokba ti qure kiñilala ti dia brantoqnsiqa Qotei a tamo uŋgasari naŋgo Mandor Koba sosim naŋgi taqatnjrqas anjam bole di minjre minjre laqnej. Tamo 12-pela agi Yesus na aqa anjam mare mare laqajqa giltnjrej qaji naŋgi Yesus koba na walweloqneb.

Luk 8:10

Nenemyonabqa a na kamba endegsi minjrej, “Yawo anjam di aqa utru agi merŋgwai. Niŋgi quiye. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya tamo uŋgasari qudei naŋgi yawo anjam segi quoqnqab. Deqa naŋgi bati gargekoba ŋam atoqnqab ijo anjam aqa damu unqasai. Naŋgi bati gargekoba dabkala na ijo anjam laŋa quoqnqab utru poinjrqasai.”

Luk 9:10

Onaqa Yesus aqa aŋgro 12-pela qariŋnjrnaq qure qureq giloqneb qaji naŋgi olo Yesus aqaq bosibqa kumbra kalil naŋgi yoqneb qaji deqa Yesus saiyosib minjoqneb. Minjnabqa Yesus a qusiqa naŋgi joqsiq qure bei ñam Betsaida gileb.

Luk 9:12

Onaqa seŋ aisiq bilaqteqnaqa Yesus aqa aŋgro 12-pela naŋgi aqa areq bosib minjeb, “O Tamo Koba, ni na tamo uŋgasari naŋgi minjrimqa mati qure qureq gilsib di iŋgi uysib ŋereŋqab. Endi wadau sawa. Iŋgi saiqoji.”

Luk 9:2

Siŋgila enjrsiq qariŋnjrsiqa minjrej, “Niŋgi giloqnsibqa Qotei a tamo uŋgasari naŋgo Mandor Koba sosiqa naŋgi taqatnjreqnu anjam di minjre minjre laqnsibqa naŋgo ma kobotetnjroqniye.”

Jon 4:34

Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Jon 6:37

Tamo uŋgasari kalil Qotei na e ebej qaji naŋgi ijoq boqnqab. Tamo ijoq bqas qaji di e na olo wiyqa keresai bolesai.

Aposel 28:31

Qotei a tamo uŋgasari naŋgo Mandor Koba sosiq naŋgi taqatnjreqnu anjam di aqa utru Pol na plaltoqnsiqa naŋgi sainjroqnej. Tamo Koba Yesus Kristus qa dego anjam plaltosiq sainjroqnej. Pol a anjam deqaji marqajqa ulaosaioqnej. A anjam deqaji mareqnaqa tamo bei na saidyosaioqnej.

Rom 10:14

Ariya naŋgi a qa naŋgo areqalo siŋgilatqasai di naŋgi kiersib a metosib pailyqab? Naŋgi aqa anjam quqwasai di naŋgi kiersib a qa naŋgo areqalo siŋgilatqab? Anjam palonto tamo naŋgi Qotei aqa anjam palontqasai di naŋgi kiersib aqa anjam quqwab?

Rom 10:17

Ariya was qu, iga qalie, iga Qotei aqa anjam di quoqnsim gago areqaloq di siŋgilateqnum. Anjam iga queqnum qaji di Kristus aqa medabuq na branteqnu.

Rom 15:3

Iga qalie, Kristus a dego aqa segi jejamu aqaryaiyqajqa are qalosaioqnej. Agi Kristus a nami endegsi Qotei pailyej, “O Abu, tamo qudei naŋgi ni qa anjam uge mareqnub. Naŋgo anjam di e qa dego mareqnub.” O was qu, Qotei aqa anjam di agi neŋgreŋq di unu.

2 Timoti 4:2

Deqa ni Kristus aqa anjam palontqajqa siŋgilaoqne. Yimqa tamo qudei naŋgi ino anjam quqwa arearetnjroqnqas. Ariya tamo qudei naŋgi ino anjam quqwa asginjroqnqas. Di uŋgum. Ni gaigai Kristus aqa anjam naŋgi siŋgila na minjroqne. Osim anjam dena naŋgo are qametnjroqnsim naŋgo areqalo tigeltetnjroqne. Yim naŋgi are bulyoqnsib Qotei aqa kumbra dauryoqnqab. Deqa ni gaigai kumbra lawo na naŋgi gereinjroqnsim Qotei aqa kumbra naŋgi osornjroqne.

Hibru 4:16

Deqa iga Qotei aqa areq giloqnqom. Iga aqa areq gilqa ulaqasai. A iga qa are tulaŋ boleiyeqnu. Deqa iga aqa areq giloqnim a iga qa duloqnqas. Iga gulube ti soqnim a iga qa are boleiyoqnsim gago gulube qa aqaryaigoqnqas.