Luk 8:49 - Yesus Aqa Anjam Bole

⁴⁹ A na uŋa degsi minjsiq walwelosi gileqnaqa tamo bei a Jairus aqa talq dena bosiqa gamq dia Jairus wo Yesus wo turosiq a na Jairus minjej, “Uŋgum. Ino aŋgro nami moiqo. Deqa ni Tamo Koba Yesus laŋa wau koba yaim. Uratim gilem.”

Luk 8:49 ပူးပေါင်းရင်းမြစ်များ

Matyu 26:10

Onaqa Yesus a naŋgo areqalo di qalieosiqa minjrej, “Niŋgi uŋa di gulube yaib. A kumbra bole ebqo.

Matyu 9:18

Yesus a na Jon aqa aŋgro naŋgi yawo anjam degsi minjrsiq koboonaqa a ŋam atej Qotei tal taqato tamo bei a walwelosiq Yesus aqa areq bosiqa siŋga pulutosiqa minjej, “O Tamo Koba, ijo aŋgro sebiŋ a endego moiqo. Deqa ni bosim ino baŋ aqa jejamuq di atimqa a olo tigelosim ŋambile sqas.”

Mak 5:22

Koroosib sonabqa Qotei tal taqato tamo bei aqa ñam Jairus a dego walwelosiq Yesus unsiqa aqa areq bosiqa siŋga pulutosiqa siŋgila na pailyosiq minjej, “O Tamo Koba, ijo aŋgro sebiŋ a moiqa laqnu. Deqa ni bosim ino baŋ aqa jejamuq di atimqa a olo boleosim ŋambile sqas.”

Luk 11:7

A degsi mermimqa ni na kamba minjqam, ‘Ni e ŋeio ŋam gentbaim. E siraŋ qandimonum. E ijo aŋgro naŋgi ti ŋeiejunum. Deqa e ni bem emqa keresai.’ Ni na ino was degsi minjqam.

Luk 7:6

Naŋgi degsib Yesus minjnab qusiqa tigelosiq naŋgi daurnjrsiq koba na gileb. Gilsib tal jojomyeqnabqa qaja tamo gate dena aqa was qudei naŋgi olo qariŋnjrnaq aisib gamq dia Yesus turosib minjeb, “O Tamo Koba, gago was a marqo, ‘Uŋgum, ni laŋa waukobaaim. E tamo bolesai deqa ni ijo talq baim.