Luk 8:47 - Yesus Aqa Anjam Bole

⁴⁷ Onaqa uŋa di a are qalej, ‘E Yesus aqa gara ojonum ijo ma koboqo di ulitqa keresai.” A degsi are qalsiqa are toŋtoŋyonaqa jiŋga na bosiq Yesus aqa areq dia siŋga pulutosiq tamo uŋgasari kalil naŋgo ŋamdamuq dia aqa kumbra yej qaji di ubtekritej. A Yesus aqa gara ojej deqa ti aqa ma urur koboej deqa ti ubtej.

Luk 8:47 ပူးပေါင်းရင်းမြစ်များ

Matyu 28:8

Onaqa uŋa aiyel naŋgi di tulaŋ ulaugeteb. Osib naŋgi olo areboleboleinjrej. Deqa naŋgi subq dena olo puluosib gurgur ti aisib laŋ aŋgro na anjam minjrej qaji di Yesus aqa aŋgro naŋgi minjrqajqa aieb.

Mak 5:33

Onaqa uŋa di a endegsi poiyej, “Ijo ma saiqo deqa Yesus a e nubqajqa ŋam ateqnu.” A degsi poiyonaqa tulaŋ ulaugetosiq are toŋtoŋyonaqa jiŋga na bosiq Yesus aqa areq dia siŋga pulutosiq ubtsiq minjej, “E segi na ino gara mutu ojonum.”

Luk 8:46

Onaqa Yesus a kamba marej, “E qalieonum, tamo bei na ijo gara ojqoqa siŋgila qudei ijo jejamu uratosiq aqaq gilqo.”

Luk 8:48

Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Aposel 16:29

Pol a degsiqa tonto tal taqato tamo di minjnaqa a na qaja tamo qudei naŋgi metnjrnaq lam osi bosib tonto talq di atnab suwaŋej. Onaqa a tulaŋ ulaugetosiq gindagindaŋosiq urur ti warum miligiq gilsiq Pol wo Sailas wo naŋgo siŋgaq dia ŋam quosiq ŋeiej. Dena tigelosiqa naŋgi aiyel joqsi oqedosiq nenemnjrej, “O tamo kokba aiyel, e kumbra kie yitqa Qotei na e oqas?”

1 Korin 2:3

Ariya e nuŋgo ambleq di sosimqa e siŋgila saiqoji soqnem deqa e ulaugetosim ginda gindaŋoqnem.

2 Korin 7:15

Taitus a niŋgi qa bonaqa niŋgi a ulaiyosib a osib aqa anjam dauryoqneb. Nuŋgo kumbra bole di Taitus aqa areqaloq di unu deqa a na niŋgi tulaŋ qalaqalaiŋgeqnu.

Filipai 2:12

Ariya was qu, e qalieonum, niŋgi gaigai ijo anjam dauryeqnub. Ariya bini niŋgi olo siŋgila na dauryoqniye. E niŋgi koba na sqai bati deqa segi sai. Bini e isaq endi unum deqa niŋgi ijo anjam dauryqa urataib. Niŋgi ijo anjam olo siŋgila na dauryoqniye. Qotei na niŋgi padalo sawaq dena eleŋej deqa niŋgi ulaosib siŋgila na wauoqniye.

Hibru 12:28

Qotei a gago Mandor Koba sosiq iga taqatgeqnu. Iŋgi iŋgi kalil a na iga egej qaji di reŋgiŋqasai. Deqa iga Qotei biŋiyoqnsim kumbra a tulaŋ areareteqnu qaji dena a qa louoqnsim aqa ñam soqtoqnsim a qa ulaoqnsim aqa sorgomq di sqom.