Luk 8:43 - Yesus Aqa Anjam Bole

⁴³ Gileqnabqa naŋgo ambleq dia uŋa bei ma ti soqnej qaji a naŋgi daurnjrsiq giloqnej. Uŋa di nami bai na unej leŋ aioqnsiq degsi soqnej wausau 12-pela uratej. Tamo gargekoba naŋgi nami a boletqa yeqnab naŋgi keresaiinjroqnej.

Luk 8:43 ပူးပေါင်းရင်းမြစ်များ

Mak 12:44

Ñoro tamo naŋgi silali koba ejunub. Naŋgi oto kiñala segi waiyonub. Ariya uŋa qobul endi a silali tulaŋ saibolesai. Aqa meniŋ silali kiñilala aiyel segi naj agi waiyekritqo.”

Mak 9:18

Mondor uge dena aqa jejamu ojoqnsiqa mandamq waiyeqnaqa ara gijiriqtoqnsiqa tindaŋeqnu. Oqnsiqa maul aieqnu. Deqa e na ino aŋgro naŋgi minjronum, ‘Niŋgi mondor uge di wiyiye.’ Minjronumqa naŋgi na wiyqa yonub keresaiinjrqo.”

Luk 13:16

Ariya uŋa endi a Abraham aqa leŋ. Satan na ma yonaqa wausau 18 ma ti soqnej. Deqa e kiyaqa yori bati qa aqa ma di uratit sqas? Sai. E boletqai.”

Luk 8:27

Tiryosibqa Yesus a mandamq ainaqa qure deqaji tamo bei bosiqa Yesus itej. Tamo di a mondor uge uge na ojeleŋo qaji. A bati gaigai yosi laqnej. A nami koba degsi soqnej. A talq di ŋeiosaioqnej. A gaigai tamo sub ato sawaq di ŋeioqnej.

Luk 8:42

Degsi minjej. Di kiyaqa? Aqa aŋgro sebiŋ qujai bole qujai moiqa laqnej deqa. Aŋgro aqa wausau 12-pela. Onaqa Yesus na Jairus odyosiqa tigelosiq a dauryosiq gileqnaqa tamo uŋgasari tulaŋ gargekoba naŋgi dego tigelosib naŋgi aiyel daurnjrsib jujuŋosib giloqneb.

Luk 8:44

Deqa a Yesus aqa qoreq na dadauryosiqa baŋ waiysiq Yesus aqa gara mutu ojej. Ojnaqa aqa leŋ aioqnej qaji di koboej.

Jon 9:1

Yesus a walwelosiq gilsiq gam qalaq dia tamo bei ai miligiq na ŋam qandimo ŋambabej qaji di awesonaq unej.

Jon 9:21

Ariya a kiersi bini ŋam poiyqoqa sawa uneqnu di iga qaliesai. Tamo yai na aqa ŋamdamu boletqo di dego iga qaliesai. A tamo boleqo. A segi nenemyibqa a segi na marqas.”

Aposel 4:22

Tamo siŋga qandamo naŋgi aiyel na boleteb qaji aqa wausau 40. Deqa tamo uŋgasari naŋgi tulaŋ prugeleŋosib areboleboleinjrnaqa Qotei aqa ñam soqtoqneb.