Luk 8:18 - Yesus Aqa Anjam Bole

¹⁸ “Deqa niŋgi ijo anjam geregere qusib poiŋgem. Di kiyaqa? Tamo a powo ti sqas di Qotei na powo olo yimqa a powo koba oqas. Ariya tamo a powo ti sqasai di powo kiñala aqaq di unu qaji di Qotei na olo yaiyimqa a laŋa sqas. A mareqnu, ‘E powo ti.’ Di sai. A powo saiqoji.”

Luk 8:18 ပူးပေါင်းရင်းမြစ်များ

Matyu 13:12

Tamo a powo ti sqas di Qotei na powo olo yimqa a powo koba oqas. Ariya tamo a powo ti sqasai di powo kiñala aqaq di unu qaji di Qotei na olo yaiyimqa a laŋa sqas.

Matyu 25:29

Niŋgi degyiye. Di kiyaqa? Tamo a wau geregere taqatoqnqas di Qotei na wau gargekoba olo yimqa a na taqatoqnqas. Ariya tamo a wau geregere taqatqasai di wau kiñala a na taqatejunu qaji di Qotei na olo yaiyimqa a laŋa sqas. A olo wau bei taqatqasai.

Mak 13:14

Osiqa Yesus a olo anjam endegsi minjrej, “Iŋgi tulaŋ ugedamu Qotei aqa getento tal miligiq di tigelam niŋgi unqab.” E Mak. Tamo a ijo anjam endi sisiyeqnu qaji a geregere sisiyosim poiyem. “Niŋgi iŋgi ugedamu di unsibqa bati deqa tamo uŋgasari Judia sawaq di unub qaji naŋgi jaraiosib manaq oqoqujatebe.

Luk 19:26

“Onaqa tamo koba na minjrej, ‘Niŋgi quiye. E endegsi merŋgwai. Tamo a wau geregere taqatoqnqas di Qotei na olo wau gargekoba aqa baŋq di atimqa a na taqatoqnqas. Ariya tamo a wau geregere taqatoqnqasai di wau kiñala a na taqatejunu qaji di Qotei na olo aqa baŋq dena yaiyimqa a laŋa sosimqa wau bei taqatoqnqasai.’

Luk 9:44

“Niŋgi ijo anjam endi geregere quiye. E Tamo Aŋgro. Deqa sokiñalayitqa Juda tamo kokba naŋgi na e ojsib jeu tamo naŋgo baŋq di atqab.”

Jon 15:2

Ijo dani qudei naŋgi gei bole atqasai di ijo Abu na naŋgi giŋgeŋnjrsim taqal breinjrqas. Ijo dani gei bole ateleŋeqnub qaji di ijo Abu na gereinjreqnaqa naŋgi olo gei koba ateleŋeqnub.

Aposel 10:33

Laŋ aŋgro na e degsi merbonaqa e urur tigelosim tamo qudei naŋgi qariŋnjrnam Jopa qureq aisib inoq di branteb. Brantonabqa ni na naŋgi daurnjrsim agi ijo talq bonum. Deqa e ni qa tulaŋ areboleboleibqo. Endego iga kalil endia koroosimqa Qotei aqa ŋamgalaq di awejunum. Deqa anjam kalil Tamo Koba Qotei na ni mermej qaji di mergimqa iga quqwom.” Kornilius na Pita degsi minjej.

Aposel 17:11

Juda tamo uŋgasari Beria qureq di soqneb qaji naŋgo kumbra tulaŋ boledamu. Tesalonaika qureq di soqneb qaji naŋgi ti keresai. Juda tamo uŋgasari Beria qureq di soqneb qaji naŋgi Qotei aqa anjam quqwajqa tulaŋ areboleboleinjreqnaqa bati gaigai Qotei aqa anjam nami neŋgreŋyeb qaji di geregere peleiyoqneb. Pol wo Sailas wo naŋgo anjam bole kio sai kio di naŋgi qalieqa marsib deqa bati gaigai naŋgo aiyel anjam ti Qotei aqa anjam nami neŋgreŋyeb qaji de ti geregere tenemtoqneb.

Rom 12:3

Qotei a e qa are boleiyonaq deqa wau ebej. Deqa e niŋgi segi segi endegsi merŋgwai. Niŋgi nuŋgo segi powo ti kumbra ti soqtosib nuŋgo was qudei naŋgi buŋnjrqa are qalaib. Niŋgi nuŋgo kumbra geregere tenemtosib areqalo bole ti sosib Qotei qa nuŋgo areqalo siŋgilatoqniye. Ariya a na niŋgi segi segi siŋgila eŋgej qaji di olo soqtosib nuŋgo was qudei naŋgi buŋnjraib.

1 Korin 14:37

Nuŋgo ambleq di tamo bei a endegsi are qalqas, “Qotei na e wau ebej deqa e aqa medabu o qaji tamo bole.” O a endegsi are qalqas, “E Qotei aqa Mondor ti unum.” Di a kere are qalqo. Ariya tamo di a olo endegsi poiyem, “Anjam Pol na neŋgreŋyosiq iga qa qariŋyqo qaji endi Tamo Koba Qotei aqa segi dal anjam.”

1 Korin 3:18

Niŋgi na nuŋgo segi jejamu gisaŋyaib. Nuŋgo ambleq di tamo bei a mandam qaji powo ti sosim endegsi are qalqas, “E segi powo koba ti unum.” Di gisaŋ. Deqa tamo di a mati marqas, “Bole, e powo ti sosai. E nanari tamo.” Degsi marim Qotei na a olo powo yimqa dena a powo bole ti sqas.

1 Korin 8:2

Tamo bei a marqas, “E powo ti unum.” A degsi marqo deqa iga qalieonum, aqa powo kereosaiunu.

Filipai 3:4

Bole, gago jejamu na iga aqaryaigwa kere qamu bini e tulaŋ bole unum qamu. Tamo qudei naŋgi naŋgo segi jejamu aqa kumbra qa tulaŋ areboleboleinjreqnaqa mareqnub, “Gago jejamu na iga aqaryaigwa kere.” Ariya e na tamo naŋgi di tulaŋ buŋnjroqnem.

Hibru 2:1

Qotei aqa Ŋiri a ñam kobaquja ej deqa aqa anjam iga nami quoqnem qaji di iga olo siŋgila na ojsim dauryqom. Iga dauryqasai di iga uloŋosim olo aqa anjam dauryqa urato uge.