Luk 8:15 - Yesus Aqa Anjam Bole

¹⁵ Ariya saga yago qudei mol mandam boledamuq di aieb qaji di aqa utru endegsi unu. Tamo qudei naŋgi Qotei aqa anjam qusib ojsib dauryoqnqab. Naŋgo are miligi bolequja deqa naŋgi siŋgila na tigelesosib gei bole ateleŋqab.”

Luk 8:15 ပူးပေါင်းရင်းမြစ်များ

Matyu 24:13

Ariya tamo uŋgasari naŋgi ijo ñam siŋgila na ojsib gilsi gilsib diŋo bati itqab di Qotei a naŋgi oqas.

Luk 11:28

Onaqa Yesus na kamba minjej, “Ijo ai a segi sai. Tamo naŋgi Qotei aqa anjam qusib dauryeqnub qaji naŋgi dego tulaŋ areboleboleinjrim sqab.”

Luk 6:45

Tamo bole naŋgo are miligiq di areqalo bole bole gargekoba unu. Deqa naŋgi kumbra bole bole yeqnub. Ariya tamo uge naŋgo are miligiq di areqalo uge uge gargekoba unu. Deqa naŋgi kumbra uge uge yeqnub. Tamo naŋgo areqalo naŋgo are miligiq di unu qaji di naŋgo medabuq na branteqnu.”

Luk 8:14

Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna une bei bei naŋgoq bamqa naŋgo segi jejamu qa ulaoqnqab. Naŋgi ñoro koba esqajqa ti naŋgo segi jejamu qa areboleboleinjrqajqa ti deqa are koba qaloqnsib sqab. Yimqa naŋgo areqalo dena anjam bole naŋgo are miligiq di unu qaji di tentimqa loumqas. Deqa a gei boletosai.

Luk 8:16

Yesus a yawo anjam degsi minjrsiqa olo yawo anjam bei endegsi minjrej, “Tamo bei a lam qatrentosim web na kabutqasai. A bijal surumq di atqasai. Boleq di gaintim sqas di warum suwaŋamqa tamo uŋgasari naŋgi tal miligiq gilsib warum geregere unqab.

Jon 14:15

Osiqa Yesus a olo anjam endegsi minjrej, “Niŋgi e qalaqalaibo degosib ijo anjam dauryoqniye.

Jon 15:10

Niŋgi ijo dal anjam kalil dauryoqnqab di niŋgi ijo qalaqalaiyo kumbra ti sqab. E ijo Abu aqa dal anjam dauryoqnsimqa aqa qalaqalaiyo kumbra ti unum dego kere.

Rom 2:7

Tamo uŋgasari qudei naŋgo kumbra tulaŋ boledamu. Naŋgi siŋgila na kumbra bole bole dauryoqnsib laŋ qure qa gam itqajqa waukobaeqnub. Naŋgi laŋ qureq dia ñam koba oqajqa ti ŋambile gaigai sqajqa ti waukobaeqnub. Deqa Qotei na tamo uŋgasari naŋgi di ŋambile enjrim naŋgi so bole gaigai sqab.

Rom 6:22

Ariya nuŋgo une na niŋgi tonto talq waiŋgobulonaq sonabqa Qotei a dena olo niŋgi eleŋej. Deqa bini niŋgi Qotei aqa segi wau tamo unub. Deqa niŋgi iŋgi bole bole endi oqnqab. A na niŋgi aqa segi kumbra boleq di atimqa niŋgi kumbra bole bole a tulaŋ areareteqnu qaji di yoqnqab. Osib niŋgi ŋambile gaigai sqab.

Rom 7:18

E qalieonum, ijo are miligiq di iŋgi bole bei sosai. E ijo areqalo namij qa maronum. Bole, e kumbra bole dauryqa are unu. Ariya e dauryqa keresai.

Rom 7:4

Deqa ijo was qu, niŋgi Kristus aqa jejamu beteryosib a ombla moreŋeb. Deqa niŋgi olo dal anjam aqa sorgomq di sosai. Niŋgi tamo bei agi Kristus subq na tigelej qaji aqa segi tamo uŋgasari unub. Deqa iga kumbra bole Qotei a tulaŋ areareteqnu qaji di babtoqnqom.

Rom 8:25

Ariya iga qalie, iga iŋgi di osaiunum deqa iga mondoŋ oqom. Deqa iga are siŋgilatoqnsim tariŋoqnsim unum.

1 Korin 7:19

Niŋgi muluŋ aieb kio niŋgi muluŋ aiosai kio di laŋa. Ariya niŋgi Qotei aqa dal anjam dauryqab di kumbra bole utru ti.

Efesus 2:8

Niŋgi Kristus qa nuŋgo areqalo siŋgilatonabqa Qotei a niŋgi qa are boleiyej aqa kumbra dena a na niŋgi eleŋosiq ŋambile eŋgej. Kumbra di niŋgi segi na yosai. Qotei a na niŋgi laŋa eŋgej.

Filipai 1:11

O was qu, kumbra bole kalil Yesus Kristus a segi na babteqnu qaji di nuŋgoq di tulaŋ kobaoqnqajqa deqa e niŋgi qa pailyeqnum. Yim tamo uŋgasari naŋgi nuŋgo kumbra di unsib Qotei aqa ñam soqtoqnqab.

Kolosi 1:10

Osib naŋgo walwel ti naŋgo kumbra ti Tamo Koba Yesus aqa walwel ti aqa kumbra ti keretqab. Yim deqa ni naŋgo kumbra kalil qa tulaŋ areboleboleimoqnqas. O Abu, ni na Kolosi Kristen naŋgi aqaryainjroqnim naŋgi kumbra bole bole degsib yoqnsib ni qa geregere qalieoqnib naŋgo qalie di tulaŋ kobaoqnqas.”

Hibru 10:36

Niŋgi siŋgila na tigelesoqniye. Niŋgi degyqab di niŋgi Qotei aqa areqalo dauryqab. Osib mondoŋ iŋgi bole bole Qotei a nami niŋgi eŋgwa marej qaji di niŋgi oqab.

Hibru 2:1

Qotei aqa Ŋiri a ñam kobaquja ej deqa aqa anjam iga nami quoqnem qaji di iga olo siŋgila na ojsim dauryqom. Iga dauryqasai di iga uloŋosim olo aqa anjam dauryqa urato uge.

Jems 1:4

Ariya niŋgi bati gaigai siŋgila na tigeloqnsib gulube qoboiyoqniye. Yimqa nuŋgo kumbra di tulaŋ kobaoqnimqa niŋgi Qotei aqa kumbra bei qa truquqasai. Niŋgi aqa kumbra kalil qa tulaŋ kere na sqab.

1 Jon 2:3

Iga Qotei aqa dal anjam dauryqom di iga endegsi qalieqom, “Bole, iga Qotei qa bole qalieonum.”