Luk 7:43 - Yesus Aqa Anjam Bole

⁴³ Onaqa Saimon na minjej, “E are qalonum, tamo 100 kina ej qaji a tamo deqa tulaŋ are boledamuiyqas. Tamo 10 kina ej qaji a tamo deqa tulaŋ are boledamuiyqasai.” Onaqa Yesus na Saimon minjej, “Ni kere maronum.”

Luk 7:43 ပူးပေါင်းရင်းမြစ်များ

Matyu 18:27

Onaqa a aqa kaŋgal tamo aqa anjam di qusiqa a qa are ugeiyej. Deqa silali kalil nami yaiyej qaji di laŋa kobotetej. Osiqa aqa kaŋgal tamo di uratonaq gilej.

Mak 12:34

Dal anjam qalie tamo di a tulaŋ poiyonaqa anjam degsi marnaqa Yesus a qusiqa minjej, “Ni anjam tulaŋ boledamu maronum. Deqa sokiñalayimqa Qotei a ni taqatmosim ino Mandor Koba sqas.” Onaqa tamo uŋgasari naŋgi olo anjam bei Yesus nenemyqajqa ulaeb.

Luk 10:38

Onaqa bati bei Yesus na aqa aŋgro naŋgi olo joqsiqa koba na walwelosi gilsib qure beiq di branteb. Qure dia uŋa bei soqnej aqa ñam Marta. A naŋgi unjrsiqa joqsiq koba na aqa tal gogeteb.

Luk 7:42

Ariya bunuqna naŋgi aiyel na kamba silali di a olo yqa keresai deqa a na naŋgi aiyel minjrej, ‘Uŋgum, niŋgi na silali di olo ebaib. Uratiye.’ Degsi minjrej. Deqa Saimon, ni merbe, tamo yai a tamo deqa tulaŋ are boledamuiyqas? Tamo 100 kina yaiyej qaji a kio tamo 10 kina yaiyej qaji a kio?”

Luk 7:44

Osiq bulosiqa sambala uŋa di areiyosiq Saimon minjej, “Ni uŋa endi unime. E ino tal miligiq gilnumqa ni ijo siŋga yansetbosai. Ariya uŋa endi bosiqa aqa ŋam ya na ijo siŋga yansetbosiqa aqa gate baŋga na ijo siŋga piyqo.

Luk 7:47

Deqa Saimon, e ni mermqai. Sambala uŋa endi aqa une tulaŋ gargekoba. E na aqa une kalil kobotetonum deqa a e qa are tulaŋ boledamuiyqo. Ariya tamo a une quja quja segi atimqa e na kobotetqai di a e qa are bolekiñalaiyqas.”