Luk 7:40 - Yesus Aqa Anjam Bole

⁴⁰ Onaqa Yesus a Saimon aqa areqalo di qalieosiqa minjej, “Saimon, e ni anjam bei mermqai.” Onaqa Saimon na minjej, “O Tamo Koba, ni mare.”

Luk 7:40 ပူးပေါင်းရင်းမြစ်များ

Matyu 26:49

Onaqa Judas a Yesus aqa areq bosiq minjej, “O Tamo Koba, kaiye.” Degsi minjsiq kundoqyej.

Matyu 7:22

Mondoŋ Qotei na tamo naŋgo une qa peginjrqajqa bati bamqa tamo uŋgasari gargekoba naŋgi ijo ulatamuq di tigelosib endegsib merbqab, ‘O Tamo Koba, iga ino ñam na anjam mare mare laqnem. Iga ino ñam na mondor uge uge winjroqnsimqa maŋwa gargekoba yoqnem.’ Naŋgi ijo ulatamuq di tigelosib degsib merbqab.

Luk 18:18

Onaqa Juda gate bei na Yesus endegsi nenemyej, “O Qalie Tamo Bole, e kiersiyqa ŋambile gaigai sqai?”

Luk 5:22

Naŋgi degsib are qalsib sonabqa Yesus a naŋgo areqalo di qalieosiqa minjrej, “Niŋgi kiyaqa degsib are qaleqnub?

Luk 5:31

Onaqa Yesus a Farisi naŋgo anjam di qusiqa minjrej, “Tamo ma saiqoji naŋgi ma gereiyo tamo aqaq gilosaieqnub. Tamo ma ti naŋgi segi ma gereiyo tamo aqaq gileqnub.

Luk 6:8

Onaqa Yesus a naŋgo areqalo di qalieosiqa tamo baŋ qandamyej qaji di minjej, “Ni tigelosim gago ambleq au.” Degsi minjnaqa a tigelosi gilsiq naŋgo ambleq di tigelesonaqa Yesus na Farisi naŋgi minjrej, “E mati niŋgi anjam bei nenemŋgitqa niŋgi kamba merbiye. Iga yori bati qa kumbra bole yqom kio kumbra uge yqom kio? Tamo bei a padalqa laqnimqa iga na aqaryaiyonam bole sqas di kere kio iga a uratonam padalqas di kere kio? Dal anjam a kiersi marqo? Niŋgi na merbiye.”

Luk 7:39

Uŋa a kumbra di yonaqa Saimon a unsiqa are qalej, “Yesus a Qotei aqa medabu o qaji tamo bole qamu uŋa endi bosiq aqa jejamu ojqo qaji di sambala uŋa degsi qalieqo qamu.”

Luk 7:41

Onaqa Yesus na yawo anjam endegsi Saimon minjej, “Tamo aiyel na tamo bei silali yaiyeb. Bei na 100 kina yaiyej. Bei na 10 kina yaiyej. Yaiyonabqa minjrej, ‘Bunuqna niŋgi na kamba silali di olo ebqab.’

Jon 13:13

Niŋgi e merbeqnub, ‘O Qalie Tamo Koba. O Tamo Koba.’ Niŋgi e degsib merbeqnub. Di kere merbeqnub. Agi e segi qujai.

Jon 16:19

Naŋgi degsib Yesus nenemyqa osib segi segi mareqnab a qalieosiqa endegsi minjrej, “E niŋgi merŋgonum, ‘Niŋgi sokiñalaysib e nubqasai. Olo sokiñalaysib e nubqab.’ Ijo anjam di aqa utru niŋgi poiŋgosai deqa niŋgi segi segi nenemeqnub.

Jon 16:30

Deqa iga bini poigwo, ni kumbra kalil qa qalieonum. Deqa tamo bei na ni anjam bei nenemmosaisoqnimqa ni a qa tariŋqasai. Ni namoqna aqa anjam kamba minjqa kere. Utru deqa iga ni qa gago areqalo siŋgilatosim qalieonum, ni Qotei ombla sosim dena bem.”

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”