Luk 7:37 - Yesus Aqa Anjam Bole

^37-38 Onaqa sambala uŋa bei qure dia soqnej qaji a anjam endegsi quej, “Yesus a Saimon aqa talq di unu. A di sosiqa iŋgi uyeqnu.” A anjam degsi qusiqa goreŋ jaliŋa quleq ti osiqa Saimon aqa tal miligiq gilsiq Yesus aqa qoreq na bosiqa aqa siŋga jojomq di tigelosiq akamej. Akamonaqa aqa ŋam ya Yesus aqa siŋgaq ainaqa siŋga tombol na awoosiq aqa ŋam ya siŋgaq aiej qaji di aqa segi gate baŋga na piyoqnsiqa Yesus aqa siŋga kundoqyoqnsiqa goreŋ quleq ti dena olo Yesus aqa siŋga liyoqnej.

Luk 7:37 ပူးပေါင်းရင်းမြစ်များ

Matyu 21:31

Deqa niŋgi na merbiye. Aŋgro yai na aqa siqali aqa anjam dauryej?” Onaqa naŋgi na kamba Yesus minjeb, “Ŋiri matu a na aqa siqali aqa anjam dauryej.” Naŋgi degsib Yesus minjnabqa a na olo minjrej, “Niŋgi quiye. E bole merŋgwai. Takis o qaji tamo ti gam qaji uŋa ti naŋgi na niŋgi buŋgosib namoosib Qotei aqa baŋq oqibqa a naŋgo Mandor Koba sosim naŋgi taqatnjrqas.

Luk 18:13

Farisi tamo a degsiqa Qotei pailyej. Onaqa takis o qaji tamo a kiñala isaq di tigelesosiqa laŋ goge koqyosim pailyqajqa jemaiyonaqa turuosiqa are soqoŋyosiqa marej, ‘O Qotei, e une ti. Deqa ni e qa dulosimqa ijo une kalil kobotetbe.’ Takis o qaji tamo a degsiqa Qotei pailyej.”

Luk 19:7

Gilnabqa tamo uŋgasari kalil naŋgi unsibqa ŋiriŋeb. Ŋiriŋosib mareb, “Niŋgi uniye. Yesus a une tamo dauryosiqa aqa talq gilqo.”

Luk 5:30

Onaqa Farisi naŋgi ti dal anjam qalie tamo naŋgi ti bosib di unsibqa Yesus aqa aŋgro naŋgi minjreb, “Niŋgi kiyaqa takis o qaji tamo ti une tamo ti naŋgi koba na awoosib iŋgi ti ya ti uyeqnub?”

Luk 5:32

Tamo bei a marqas, ‘E tamo bole. E une saiqoji.’ E tamo deqaji metit ijoq bqajqa e deqa bosai. Tamo a marqas, ‘E une ti.’ E tamo deqaji metit ijoq bqajqa e deqa bem.”

Luk 7:34

Ariya e Tamo Aŋgro bosimqa iŋgi ti wain ti uyeqnamqa niŋgi e nuboqnsib mareqnub, ‘Niŋgi uniye. Yesus a qunjaŋ ani. A wain uyo ani. A takis o qaji tamo ti une tamo ti naŋgi koba na walweleqnub.’

Luk 7:36

Bati bei Farisi tamo bei aqa ñam Saimon a Yesus minjej, “Ni ijo talq bamqa aqo ombla iŋgi uyqom.” Onaqa Yesus a Saimon odyosiqa aqa talq gilsiqa Saimon ombla awoosib iŋgi uyoqneb.

Jon 11:2

Maria agi Tamo Koba Yesus aqa siŋgaq di goreŋ bilentosiq aqa gate baŋga na nuntej qaji agi a. Aqa nawi Lasarus a maiyej.

Jon 9:24

Onaqa tamo nami ŋam qandimyesoqnej qaji di Juda tamo kokba naŋgi na olo metonab bonaq minjeb, “Ni Qotei aqa ñam soqtosim anjam bole merge. Iga qalieonum, Yesus a une tamo. Ni degsi merge.”

Jon 9:31

Iga qalie, tamo naŋgi une ateqnub qaji naŋgi Qotei pailyqab di Qotei a naŋgo pail quqwasai. Ariya tamo naŋgi Qotei qa ulaoqnsib aqa areqalo dauryeqnub qaji naŋgi Qotei pailyqab di Qotei a naŋgo pail quqwas.

Rom 5:8

Ariya iga une tamo sonamqa Kristus a iga qa moiej. Aqa kumbra dena Qotei na iga osorgwo, a iga tulaŋ qalaqalaigeqnu.

1 Timoti 1:15

Kristus Yesus a na iga tamo uŋgasari une yeqnum qaji iga eleŋqa marsiq deqa mandamq aiej. Anjam di bole. Tamo kalil naŋgi qusib marqab, “Bole.” O Timoti, e nami une gargekoba yoqnem deqa e na une tamo kalil naŋgi tulaŋ buŋnjroqnem.

1 Timoti 1:9

Qotei a tamo naŋgi kumbra bole bole yeqnub qaji naŋgi qa osiq dal anjam atosai. Tamo naŋgi dal anjam gotraŋyoqnsib diqeqnub qaji naŋgi qa osiq dal anjam atej. Tamo naŋgi di naŋgo kumbra agiende. Naŋgi Qotei qoreiyoqnsib une ateqnub. Osib Qotei aqa kumbra dauryqa uratoqnsib olo mandam qa kumbra uge uge yeqnub. Naŋgi naŋgo ai wo abu wo ñumsib moiotnjreqnub. Osib tamo qudei naŋgi dego ñumeqnub.

1 Pita 4:18

Agi Qotei aqa anjam bei nami endegsib neŋgreŋyeb unu, “Qotei a na tamo naŋgi kumbra tiŋtiŋ yeqnub qaji naŋgi eleŋqajqa wau koba. Deqa iga qalieonum. Tamo naŋgi Qotei qoreiyoqnsib une yeqnub qaji naŋgi a na eleŋqajqa olo tulaŋ wau koba.”