Luk 7:26 - Yesus Aqa Anjam Bole

²⁶ Deqa niŋgi tamo kiero unqajqa wadau sawaq gileb? Niŋgi Qotei aqa medabu o qaji tamo bei unqajqa gileb kio? Od. Agide. Niŋgi deqa unqa gileb. Deqa e niŋgi endegsi merŋgwai. Jon a Qotei aqa medabu o qaji tamo kobaquja. A na Qotei aqa medabu o qaji tamo kalil naŋgi tulaŋ buŋnjrejunu.

Luk 7:26 ပူးပေါင်းရင်းမြစ်များ

Luk 1:76

O ijo aŋgro Jon, bunuqna ni Tamo Koba Qotei aqa medabu o qaji tamo sqam. Tamo uŋgasari naŋgi degsib ni qa maroqnqab. Gago Tamo Koba a bqa laqnimqa ni a qa namoosim aqa gam gereiysim soqnim a bqas.

Luk 16:16

“Nami Qotei aqa dal anjam ti Qotei aqa medabu o qaji tamo naŋgo anjam ti maroqneb dena bosi bosiq Jon aqa bati brantej. Jon aqa bati brantej dena bosiq agi bini tamo naŋgi sawa sawa kalilq dia Qotei aqa anjam bole palontosib mareqnub. Tamo kalil naŋgi Qotei na taqatnjrsim naŋgo Mandor Koba sqajqa deqa are qaloqnsib areqalo di tulaŋ siŋgilatejunub.

Luk 20:6

Ariya iga minjqom, ‘Tamo bei na Jon qariŋyej’ degsi minjqom di tamo uŋgasari naŋgi ŋiriŋosib bosib iga meniŋ na lugwab. Di kiyaqa? Naŋgi mareqnub, ‘Jon a Qotei aqa medabu o qaji tamo bole.’”

Luk 7:25

Deqa niŋgi tamo kiero unqajqa wadau sawaq gileb? Niŋgi tamo gara bole walaosi laqnu qaji di unqajqa gileb kio? Di dego sai. Tamo gara bole walaoqnsib ñoro koba ti unub qaji naŋgi mandor kokba naŋgo talq di unub.

Luk 7:27

Agi nami e mandamq aiosaisonamqa Qotei a Jon qa endegsi merbej, ‘Ni que. E na tamo bei qariŋyitqa a ni qa namoosim ino gam gereiyetmqas.’ Tamo di agi Jon. Anjam di agi Qotei aqa neŋgreŋq di unu.

Jon 5:35

Jon a lam puloŋ bul sosiqa tamo naŋgi suwaŋtnjroqnej. Yeqnaqa niŋgi aqa suwaŋoq di sokiñalayoqnsib deqa areboleboleiŋgoqnej.