Luk 7:24 - Yesus Aqa Anjam Bole

²⁴ Onaqa Jon aqa aŋgro aiyel naŋgi Yesus aqa anjam di qusibqa naŋgi olo puluosib Jon minjqajqa aieqnabqa Yesus a na tamo uŋgasari gargekoba naŋgi di Jon qa endegsi minjrej, “Niŋgi nami wadau sawaq gilsibqa niŋgi tamo kiero unqajqa gileb? Niŋgi tamo silai aqa baŋga bul jagwa na pileteqnaqa di unqajqa gileb kio? Sai. Jon a tamo deqaji sai.

Luk 7:24 ပူးပေါင်းရင်းမြစ်များ

Luk 1:80

Onaqa aŋgro kiñala Jon a kobaqujaeqnaqa Qotei aqa Mondor na siŋgila yoqnej. A tamo kobaqujaosiqa tigelosiq wadau sawaq gilsiq di soqnej. A di sosiqa a na Israel tamo uŋgasari naŋgi Qotei aqa anjam minjrim quqwajqa bati qa tariŋoqnej.

Luk 3:2

Anas wo Kaiafas wo naŋgi aiyel atra tamo gate soqneb. Bati deqa Sekaraia aqa ŋiri Jon a wadau sawaq di sonaqa Qotei na aqa anjam ubtsiq Jon minjej.

Luk 7:23

Ariya niŋgi quiye. Tamo naŋgi e nubsib e qa naŋgo areqalo siŋgilatosib olo ijo ñam ulontosaieqnub qaji naŋgi tulaŋ areboleboleinjrim sqab.”

Luk 7:25

Deqa niŋgi tamo kiero unqajqa wadau sawaq gileb? Niŋgi tamo gara bole walaosi laqnu qaji di unqajqa gileb kio? Di dego sai. Tamo gara bole walaoqnsib ñoro koba ti unub qaji naŋgi mandor kokba naŋgo talq di unub.

Jon 1:23

Onaqa Jon na minjrej, “Nami Qotei aqa medabu o qaji tamo Aisaia a anjam endegsi neŋgreŋyej, ‘Tamo bei a wadau sawaq di sosimqa a tulaŋ koba leleŋosim tamo uŋgasari naŋgi endegsi minjroqnqas, “Tamo Koba a bqas. Deqa niŋgi na aqa gam gereiyetiye.” ’ Aisaia a nami anjam degsi neŋgreŋyej. Gam gereiyetqa tamo agi e.”

Efesus 4:14

Deqa iga olo aŋgro kiñilala bul sqasai. Tamo qudei naŋgi gisaŋ kumbra ti maqu kumbra ti tulaŋ qalieosib yeqnub. Deqa naŋgi gisaŋ anjam koba marsib laqnub. Jagwa na yuwal tigelteqnaqa oqe aieqnu dego kere anjam dena tamo qudei naŋgo areqalo niñaqyetnjreqnu. Ariya iga aŋgro kiñilala bul sqasai deqa anjam dena gago areqalo niñaqyetgwasai.

2 Pita 2:17

Tamo uge naŋgi di ya robu bul jeŋo qaji. Jagwa na awa puyeqnaqa urur koboeqnu dego kere tamo naŋgi di babaŋ na tamo bole ariya naŋgi kumbra bole babtosaieqnub. Deqa mondoŋ Qotei na naŋgi sawa ambruq breinjrqas. Sawa di Qotei na nami naŋgi gereiyetnjrej unu.

2 Pita 3:17

O ijo was bole, niŋgi diŋo bati qa anjam di bole qalieonub deqa niŋgi geregere ŋam atoqniye. Niŋgi ŋam atqasai di dal anjam gotraŋyo qaji tamo naŋgi bosib niŋgi gisaŋgosib titŋgibqa niŋgi siŋgila na tigelesqa uratosib uloŋo uge.