Luk 7:20 - Yesus Aqa Anjam Bole

²⁰ Jon na naŋgi aiyel degsi minjrsiq qariŋnjrnaqa Yesus aqa areq gilsib minjeb, “Jon yansnjro qaji tamo a na iga qariŋgwoqa agi inoq bonum. A ni endegsi nenemmqo, ‘Kristus agi Qotei na nami qariŋyim bqajqa marej qaji di ni kio? Ni saiamqa iga tamo bei qa tariŋqom kio?’”

Luk 7:20 ပူးပေါင်းရင်းမြစ်များ

Matyu 3:1

Ariya bunuqna Jon yansnjro qaji tamo a Judia naŋgo wadau sawaq di brantej. Brantosiq di sosiqa tamo uŋgasari naŋgi Qotei aqa anjam palontosiq minjroqnej.

Luk 7:21

Bati deqa Yesus a na tamo uŋgasari tulaŋ gargekoba ma utru segi segi so qaji naŋgi ti tamo naŋgo jejamu mondor uge uge na ojeleŋo qaji naŋgi ti boletnjroqnej. Tamo ŋam qandimo gargekoba dego boletnjreqnaqa ŋam poinjroqnej.