Luk 7:14 - Yesus Aqa Anjam Bole

¹⁴ Degsi minjsiq walwelosiqa baŋ waiysiq kulum aŋgro jigeb qaji di ojnaqa tamo naŋgi a qoboiyosib giloqneb qaji tigeleb. Onaqa Yesus na aŋgro moiej qaji di minjej, “O aŋgro, e ni mermqai, ni tigel.”

Luk 7:14 ပူးပေါင်းရင်းမြစ်များ

Mak 5:41

Gilsiq aŋgro aqa baŋ ojsiqa soqtosiq minjej, “Talita, kum.” Di Hibru anjam. Anjam di aqa damu, “O aŋgro, ni tigel.”

Luk 7:13

Onaqa Tamo Koba Yesus a uŋa di unsiqa a qa tulaŋ dulosiqa minjej, “Ni akamaim.”

Luk 7:15

Degsi minjnaqa a tigelosiq awoosiq anjam maroqnej. Onaqa Yesus na a baŋ ojsiqa osi gilsiqa aqa aniqali yej.

Luk 7:17

Yesus a kumbra di yonaqa tamo naŋgi unsib deqa mare mare laqnab anjam di tulaŋ kobaonaqa tamo uŋgasari Judia sawaq di soqneb qaji naŋgi ti tamo uŋgasari sawa bei beiq di soqneb qaji naŋgi dego kalil quekriteb.

Jon 11:25

Onaqa Yesus na minjej, “E segi subq na tigelo qa utru. E segi ŋambile sqajqa utru. Tamo a e qa aqa areqalo siŋgilatosim moiqas di uŋgum. A ŋambile sqas.

Jon 5:21

Ijo Abu na tamo moreŋo qaji naŋgi olo ŋambile enjroqnsiqa subq na tigeltnjreqnu. Deqa e Qotei aqa Ŋiri e kamba dego ijo segi areqalo na tamo naŋgi ŋambile enjreqnum.

Jon 5:25

“Niŋgi quiye. E bole merŋgwai. Bati bei brantqas agi brantqo. Deqa tamo uŋgasari moreŋo qaji naŋgi ijo kakoro qusib dena naŋgi ŋambile oqab. Di kiyaqa? E Qotei aqa Ŋiri deqa.

Rom 4:17

Agi Qotei aqa anjam bei nami endegsib neŋgreŋyeb unu, “O Abraham, e ni giltmonum deqa ni tamo uŋgasari sawa sawa kalilq di unub qaji naŋgo moma matu sqam.” O was qu, Abraham a Qotei qa aqa areqalo siŋgilatej deqa a Qotei aqa ŋamgalaq di gago moma matu unu. Qotei qujai di tamo moreŋo qaji naŋgi olo subq na tigeltnjreqnu. A segi na marnaqa iŋgi iŋgi kalil nami sosai qaji di branteleŋej.

Efesus 5:12

Tamo naŋgi ambruq di unub qaji naŋgi ulioqnsib kumbra yeqnub. Di kiyaqa? Naŋgo kumbra di tulaŋ ugedamu. Deqa e naŋgo kumbra deqa maroqnsiy sqasai. Marqai di e jemaibqas.