Luk 7:13 - Yesus Aqa Anjam Bole

¹³ Onaqa Tamo Koba Yesus a uŋa di unsiqa a qa tulaŋ dulosiqa minjej, “Ni akamaim.”

Luk 7:13 ပူးပေါင်းရင်းမြစ်များ

Mak 8:2

“Tamo uŋgasari naŋgi bati qalub e koba na soqneb naŋgi iŋgi saiqoji. Deqa e naŋgi qa are ugeibqo.

Luk 10:1

Bati bei Tamo Koba Yesus na tamo kalil a dauryosib laqneb qaji naŋgi metnjrnaqa aqa areq bonabqa naŋgo ambleq dena tamo 72 naŋgi giltnjrej. Naŋgi aqa anjam mare mare laqajqa deqa giltnjrej. Giltnjrsiqa naŋgi aiye aiyel qariŋnjrimqa naŋgi a qa namoosib qure kalil a segi bunuqna walwelosim gilqas qaji naŋgi deq gilqajqa minjrsiqa qariŋnjrej.

Luk 11:1

Onaqa bati bei Yesus a sawa beiq gilej. Gilsiq dia Qotei pailyosiq sonaqa aqa aŋgro bei na minjej, “O Tamo Koba, iga kiersim Qotei pailyqom? Jon a nami aqa aŋgro naŋgi pailyqajqa gam osornjroqnej dego kere ni na iga dego pailyqajqa gam osorge.”

Luk 11:39

Onaqa Tamo Koba Yesus na minjej, “Niŋgi Farisi nuŋgo kumbra uge agi mermqai. Niŋgi kap ti tabir ti qore segi yanseqnub. Niŋgi miligi yansosaieqnub. Dego kere niŋgi babaŋ na tamo bole. Ariya nuŋgo are miligi kumbra uge uge ti bajiŋ kumbra ti dena maqejunu.

Luk 12:42

Onaqa Tamo Koba Yesus na minjej, “Wau tamo yai a areqalo bole ti sosiqa gaigai wau bole yeqnu? Wau tamo di tal lanja a na minjeqnu, ‘Ni na ijo wau tamo kalil naŋgi geregere taqatnjroqnsimqa naŋgo iŋgi uyqajqa batioqnimqa iŋgi anainjroqnsim soqne.’ Tamo di a wau tamo bole. Deqa tal lanja na a degsi minjqas.

Luk 13:15

A degsi marnaqa Tamo Koba Yesus na kamba minjej, “Niŋgi gisaŋ tamo. Niŋgi yori bati gaigai nuŋgo bulmakau ti donki ti joqsib giloqnsib ya anainjreqnub.

Luk 17:5

Onaqa Yesus aqa aŋgro nami giltnjrej qaji naŋgi na Yesus minjeb, “O Tamo Koba, ni na gago areqalo siŋgilatetgimqa iga ni qa gago areqalo geregere siŋgilatsim sqom.”

Luk 17:6

Onaqa Tamo Koba Yesus na kamba minjrej, “Nuŋgo areqalo e qa siŋgilato qaji di sis yago bul kiñala sqas di kereqas. Degesqas di niŋgi subar endi minjibqa a nuŋgo anjam dauryosim jirim qoji waqosim aisim yuwalq di tigelqas.”

Luk 18:6

Tamo Koba Yesus a na aqa aŋgro naŋgi yawo anjam degsi minjrsiqa olo minjrej, “Anjam pegiyo tamo uge aqa anjam marej qaji di niŋgi quonub.

Luk 19:8

Ariya Sakius a Yesus osiqa aqa talq gilsib iŋgi uyoqnsib Sakius a tigelosiqa Yesus minjej, “O Tamo Koba, ni que. E ijo iŋgi iŋgi kalil ambleq na potosiy tamo iŋgi iŋgi saiqoji unub qaji naŋgi jeisi enjrqai. E nami tamo bei gisaŋyosim silali dala qujai yaiyem kio? Degamqa e kamba silali dala qolqe olo yqai.”

Luk 22:61

Tuwe anjamonaqa Tamo Koba Yesus a bulosiqa Pita koqyonaqa anjam nami Yesus na minjej qaji, “Bini tuwe anjamosaisoqnimqa ni gisaŋoqalubtsim marqam, ‘E Yesus qaliesai,’” anjam deqa olo are qalsiqa poiyonaqa tal qalaq gilsiqa tulaŋ akamugetej.

Luk 24:3

Unsib sub meq aisib Tamo Koba Yesus aqa jejamu unqajqa marsib ŋam ateb naŋgi aqa jejamu unosai.

Luk 24:34

Itnjrnab minjreb, “Bole, Tamo Koba Yesus a subq na tigelqo. Agi a subq na tigelosiq Saimon aqaq di brantqoqa Saimon a bole unqo.”

Luk 7:12

Yesus a gilsiq qure polomq di branteqnaqa tamo bei nami moiej qaji a subq atqajqa qoboiyosib giloqneb. Tamo di aqa ai qobul. Aqa aŋgro qujai bole qujai agi a segi. Aŋgro di qoboiyosib gileqnabqa tamo uŋgasari tulaŋ gargekoba qure dia soqneb qaji naŋgi uŋa di koba na walwelosib giloqneb.

Luk 7:14

Degsi minjsiq walwelosiqa baŋ waiysiq kulum aŋgro jigeb qaji di ojnaqa tamo naŋgi a qoboiyosib giloqneb qaji tigeleb. Onaqa Yesus na aŋgro moiej qaji di minjej, “O aŋgro, e ni mermqai, ni tigel.”

Luk 8:52

Aŋgro a moiej deqa tamo uŋgasari kalil naŋgi akamkobaoqneb. Deqa Yesus na saidnjrsiqa minjrej, “Niŋgi akamaib. Aŋgro di a moiosai. A laŋa ŋeisiq qambumtejunu.”

Jon 11:2

Maria agi Tamo Koba Yesus aqa siŋgaq di goreŋ bilentosiq aqa gate baŋga na nuntej qaji agi a. Aqa nawi Lasarus a maiyej.

Jon 11:3

Deqa Maria wo Marta wo naŋgi na tamo qudei qariŋnjrnab Yesus aqaq gilsib minjeb, “O Tamo Koba, tamo ni tulaŋ qalaqalaiyeqnum qaji a maiyqo.”

Jon 20:13

Onaqa laŋ aŋgro aiyel naŋgi na Maria minjeb, “Uŋa, ni kiyaqa akameqnum?” Onaqa minjrej, “Naŋgi ijo Tamo Koba osib jaraionub. Qabia kio atonub di e qaliesai.”

Jon 20:15

Onaqa Yesus na Maria minjej, “O uŋa, ni kiyaqa akameqnum? Ni yai unqa bonum?” Onaqa Maria a are qalej, “Tamo endi mandam taqal endi taqateqnu qaji kio?” Degsi are qalsiq minjej, “O Abu, ni na kio ijo Tamo Koba osim sawa qabia atonum di merbimqa e gilsiy oqai.”

Jon 4:1

Farisi naŋgi endegsib queb, “Yesus a na Jon buŋyosiqa tamo uŋgasari tulaŋ gargekoba yansnjreqnaqa naŋgi a dauryeqnub. Jon a tamo gargekoba yansnjrosaieqnu.” Farisi naŋgi degsib queb. Bole, Yesus a segi na tamo uŋgasari naŋgi yansnjrosaioqnej. Aqa aŋgro naŋgi na yansnjroqneb. Tamo Koba Yesus a qalieej, Farisi naŋgi degsib queb. Deqa a Judia sawa uratosiqa olo Galili sawaq aiej.

Jon 6:23

Ariya qobuŋ qudei Taiberias qure uratosib bosib sawa Tamo Koba Yesus a nami Qotei pailyosiq tamo uŋgasari naŋgi iŋgi anainjrnaq uyeb qaji sawa di jojom di tiryeb.

1 Korin 7:30

Tamo naŋgi akameqnub qaji naŋgi akamosai bul soqnebe. Tamo naŋgi areboleboleinjreqnu qaji naŋgi areboleboleinjrosai bul soqnebe. Tamo naŋgi iŋgi iŋgi awaiyeqnub qaji naŋgi iŋgi iŋgi saiqoji so bul soqnebe.

1 Tesalonaika 4:13

Ariya was qu, tamo uŋgasari nami moreŋeb qaji naŋgi mondoŋ kumbra kie turqab di niŋgi qalieqajqa deqa merŋgwom. Tamo uŋgasari Qotei qaliesai qaji naŋgi subq na tigelqa bati qa tariŋosaieqnub. Deqa naŋgo was bei a moiqas di naŋgi tulaŋ are ugeinjrqas. Ariya niŋgi degsib tulaŋ are ugeiŋgaim deqa anjam endi merŋgwom.

Hibru 2:17

Utru deqa a aqa was kalil naŋgi bulosiq tamo brantej. Deqa bini a atra tamo kobaquja sosiq Qotei aqa wau ojeqnu. A tamo uŋgasari naŋgi qa dulosim naŋgi aqaryainjrqajqa deqa marsiq atra tamo kobaquja brantej. A Qotei aqa anjam kalil dauryoqnsiqa aqa wau ojeqnu. Aqa wau agiende. A na tamo uŋgasari naŋgo une kobotetnjroqnsiqa Qotei aqa minjiŋ taqal ateqnu.

Hibru 4:15

Iga segi siŋgila saiqoji. Deqa iga na gago une aqa siŋgila kobotqa keresai. Ariya gago atra tamo kobaquja unu agi Yesus. Deqa iga endegsi are qalqasai, Yesus a gago une qa iga aqaryaigwa keresai. Iga degsi are qalqasai. Satan na iga walawalaigoqnsiqa uneq waigwa laqnu dego kere Satan na Yesus dego uneq waiyqa maroqnsiq walawalaiyoqnej. Ariya Yesus a segi une saiqoji.