Luk 6:49 - Yesus Aqa Anjam Bole

⁴⁹ Ariya tamo naŋgi ijo anjam qusib dauryqa urateqnub qaji naŋgi tamo bei laŋa sub gogeq di tal atej qaji a bul. Tal atnaq sonaqa awa koba bosiqa ya meli dosiqa tal di qamsiq reŋgiŋtosiqa putonaq aisiq tulaŋ niñaqej.”

Luk 6:49 ပူးပေါင်းရင်းမြစ်များ

Matyu 23:3

Deqa dal anjam kalil naŋgi na niŋgi merŋgeqnub qaji di niŋgi qusib dauryoqniye. Ariya kumbra naŋgi yeqnub qaji di niŋgi unsib dauryaib. Di kiyaqa? Naŋgi anjam koba mareqnub ariya naŋgi segi dauryosaieqnub.

Matyu 24:10

Bati deqa tamo uŋgasari gargekoba e qa naŋgo areqalo siŋgilato qaji naŋgi ijo ñam ulontosib naŋgi segi segi jeu sosibqa naŋgo segi was naŋgi ojeleŋoqnsib tamo uge naŋgo baŋq di atoqnqab.

Mak 4:17

Ariya anjam di naŋgo are miligiq tulaŋ guma aiosai. Deqa naŋgi sokiñalayibqa bunuqna Qotei aqa anjam gotraŋyo qaji tamo qudei naŋgi bosib naŋgi gulube enjrsib ugeugeinjrqab. Yimqa naŋgo areqalo Yesus qa siŋgilateqnub qaji di olo ulonqab.

Luk 12:47

“Niŋgi quiye. Tal lanja na aqa wau tamo bei minjqas, ‘Ni wau di ye.’ Yimqa a geregere qusim olo asgimosim wau di yosaiamqa tal lanja na a kumbaiŋyogargekobatqas.

Luk 19:14

“A degsi minjrsiqa sawa isaq gilsiq di sonaqa aqa qure qujai naŋgi a qa tulaŋ ugeosib are qaleb, ‘A gago mandor koba sqasai.’ Degsib are qalsib deqa tamo qudei naŋgi qariŋnjrnab sawa deq gilsib sawa deqaji tamo uŋgasari naŋgi minjreb, ‘Tamo di a gago mandor koba ataib. A na taqatgwa iga uratonum.’

Luk 19:27

Osiqa minjrej, ‘Tamo naŋgi e qa jeu ateb qaji naŋgi joqsib boiye. Naŋgi e qa mareb, “Tamo di mandor ataib.” Deqa tamo naŋgi di joqsib bosib ijo ulatamuq endia naŋgi ñumeleŋib moreŋqab.’”

Luk 6:46

Osiqa Yesus a olo anjam endegsi minjrej, “Kiyaqa niŋgi endegsib merbeqnub, ‘O Tamo Koba, O Tamo Koba’ degsib merboqnsib ijo anjam dauryosaieqnub?

Luk 7:1

Yesus a na tamo uŋgasari naŋgi anjam kalil degsi minjrnaq qunabqa a naŋgi uratnjrsiqa Kaperneam qureq aiej.

Jon 15:2

Ijo dani qudei naŋgi gei bole atqasai di ijo Abu na naŋgi giŋgeŋnjrsim taqal breinjrqas. Ijo dani gei bole ateleŋeqnub qaji di ijo Abu na gereinjreqnaqa naŋgi olo gei koba ateleŋeqnub.

Aposel 20:29

E qalie, e niŋgi uratŋgitqa gisaŋ anjam maro tamo qudei naŋgi nuŋgo ambleq aiqab. Bauŋ juwaŋ na kaja ugeugeinjreqnub dego kere gisaŋ anjam maro tamo naŋgi di nuŋgo ambleq aisib Qotei aqa tamo uŋgasari naŋgi ugeugeinjroqnqab.

Aposel 26:11

E bati gargekoba Juda naŋgo Qotei tal kalil miligiq giloqnsimqa dia Yesus aqa tamo uŋgasari naŋgi ojeleŋoqnsim ugeugeinjroqnem. E endegsi are qaloqnem, ‘E naŋgi jaqatiŋ koba enjritqa naŋgi ulaosib Yesus qoreiyosib aqa ñam misiliŋyqab.’ Degsim are qaloqnsim deqa naŋgi ugeugeinjroqnem. E naŋgi qa minjiŋ ani oqetbeqnaqa naŋgi daurnjroqnsimqa qure isa isaq giloqnsim dia naŋgi itnjroqnsim ugeugeinjroqnem.

1 Tesalonaika 3:5

Utru deqa e niŋgi qa tariŋqa keresai. Deqa e Timoti qariŋyonam niŋgi qa bej. E endegsi are qalem. Walawalaiyo tamo Satan a na niŋgi uneq waiŋgwoqa niŋgi na gago wau di laŋa ulontosib nuŋgo areqalo Yesus qa siŋgilatqa uratonub kio? E di qalieqajqa deqa Timoti qariŋyonam niŋgi qa bej.

2 Pita 2:20

Bole, tamo naŋgi di nami gago Tamo Koba Yesus Kristus agi iga eleŋej qaji a qa bole qalieeb. Naŋgo qalie dena naŋgi mandam qa kumbra jigat kalil urateb. Ariya bunuqna naŋgi olo puluosib kumbra uge di olo dauryeb deqa kumbra uge dena naŋgi siŋgila na ojesonaq naŋgo so tulaŋ ugeej. Naŋgo so uge namij dego sai. Naŋgo so olo tulaŋ ugedamuej.

1 Jon 2:19

Jeu tamo naŋgi di nami gago ambleq di soqneb. Sosib olo bunuqna iga uratgosib jaraieb. Di kiyaqa? Naŋgi Kristen tamo bolesai deqa. Naŋgi Kristen tamo bole qamu naŋgi iga ti unum qamu. Ariya naŋgi iga uratgosib jaraieb deqa iga qalieonum, naŋgi Kristen tamo bolesai.