Luk 6:47 - Yesus Aqa Anjam Bole

^47-48 Niŋgi quiye. Tamo uŋgasari ijoq boqnsib ijo anjam dauryeqnub qaji naŋgi tal gereiyo qaji tamo bul. Tal gereiyo qaji tamo a na tal utru atqa osimqa tal ai sub bogeleŋosim guma koba aieleŋosim meniŋ qura iteleŋqas. Bunuqna awa koba bosimqa ya meli dosim tal di qamsim putqasai. Siŋgila na tigelesqas. Di kiyaqa? A meniŋ quraq di tal atqo deqa. Tamo naŋgi ijo anjam qusib dauryeqnub qaji naŋgi tal gereiyo qaji tamo di bul.

Luk 6:47 ပူးပေါင်းရင်းမြစ်များ

Matyu 12:50

Tamo a ijo Abu laŋ qureq di unu qaji aqa areqalo dauryosim sqas di ijo was bole. Di ijo jaja. Di ijo ai.”

Matyu 17:5

Pita a degsi mareqnaqa laŋbi tulaŋ suwaŋo aisiqa naŋgi kabutnjrej. Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. E a qa tulaŋ areboleboleibeqnu. Deqa niŋgi aqa anjam quetoqniye.”

Luk 11:28

Onaqa Yesus na kamba minjej, “Ijo ai a segi sai. Tamo naŋgi Qotei aqa anjam qusib dauryeqnub qaji naŋgi dego tulaŋ areboleboleinjrim sqab.”

Luk 14:26

“Tamo bei a e daurbqa osimqa aqa abu, aqa ai, aqa ŋauŋ, aqa aŋgro naŋgi, aqa was naŋgi, aqa jaja naŋgi ti, aqa segi jejamu dego jeutnjrqasai di a ijo aŋgro sqa keresai.

Luk 8:13

Saga yago qudei mandam lanjaq di aieb qaji di aqa utru endegsi unu. Tamo qudei naŋgi Qotei aqa anjam qusib tulaŋ areboleboleinjrimqa anjam di oqujatosib naŋgo areq atqab. Ariya naŋgi bati truquyala Qotei qa naŋgo areqalo siŋgilatibqa bunuqna une bei bei naŋgoq bamqa naŋgi Qotei olo uratosib uloŋqab. Di kiyaqa? Naŋgi Qotei aqa anjam naŋgo are miligiq di unu qaji di siŋgila na ojosai deqa.

Luk 8:8

Saga yago qudei mol mandam boledamuq di aisib oqoboledamuysib gei tulaŋ gargekoba ateb. 100 dego.” Yesus na tamo uŋgasari naŋgi yawo anjam degsi minjrsiq koboonaqa a tulaŋ koba leleŋosiq marej, “Tamo a dabkala ti sqas di a ijo anjam endi geregere quem.”

Jon 10:27

Ijo kaja naŋgi ijo medabu queqnub. E naŋgi qa qalie. Naŋgi e daurbeqnub.

Jon 13:17

Kumbra e yeqnum qaji endi aqa utru niŋgi poiŋgwo. Deqa niŋgi ijo kumbra endi dauryqab di niŋgi tulaŋ areboleboleiŋgwas.

Jon 14:15

Osiqa Yesus a olo anjam endegsi minjrej, “Niŋgi e qalaqalaibo degosib ijo anjam dauryoqniye.

Jon 5:40

Ariya niŋgi ŋambile oqa marsib e qa bqajqa urateqnub.

Jon 6:35

Onaqa Yesus na minjrej, “E segi ŋambile qa bem bole. Deqa tamo bei a ijoq bqas di a bunu mamyqasai. Tamo bei a e qa aqa areqalo siŋgilatqas di a bunu ya qaryqasai dego.

Jon 6:37

Tamo uŋgasari kalil Qotei na e ebej qaji naŋgi ijoq boqnqab. Tamo ijoq bqas qaji di e na olo wiyqa keresai bolesai.

Jon 8:52

Onaqa Juda naŋgi na minjeb, “Endego iga qalieonum, mondor uge inoq di unu. Abraham a moiej. Qotei aqa medabu o qaji tamo kalil naŋgi dego moreŋekriteb. Ariya ni maronum, ‘Tamo bei na ijo anjam qusim dauryqas di a olo moiqa keresai.’

Hibru 5:9

Qalieosiq deqa a Qotei aqa anjam torei dauryekritej. Deqa Qotei na a giltosiq minjej, “Ni atra tamo kobaquja unum. Agi Melkisedek a nami atra tamo kobaquja soqnej dego kere.” Qotei na Yesus degsi minjej deqa Yesus na tamo kalil Qotei aqa anjam dauryeqnub qaji naŋgi oqas. Naŋgi oqajqa utru agi Yesus qujai. Deqa naŋgi ŋambile gaigai sqab.

Jems 4:17

Ni geregere are qale. Ni kumbra bole qa qalieosim ariya ni dauryqasai di ni une yonum.

1 Pita 2:4

Tamo Koba Yesus a tal aqa ai bul siŋgila na tigelejunu. Tal aqa ai di ŋambile unu. Niŋgi tal aqa ai deq boiye. Tal aqa ai di tamo uŋgasari naŋgi na unsibqa uge qa marsib taqal waiyeb. Ariya Qotei na olo tal aqa ai di giltosiqa marej, “Tal aqa ai di tulaŋ boledamu.”

2 Pita 1:10

O was qu, Qotei a nami niŋgi giltŋgosiq metŋgej deqa niŋgi aqa segi tamo tiŋtiŋ sqajqa siŋgilaoqniye. Niŋgi degyqab di niŋgi uloŋqa keresai.

1 Jon 2:29

Niŋgi qalie, Kristus aqa kumbra kalil tiŋtiŋo. Deqa niŋgi endegsib qalieoiye. Tamo kalil kumbra tiŋtiŋ yeqnub qaji naŋgi Qotei aqa segi aŋgro bole tiŋtiŋ unub.

1 Jon 3:7

O ijo aŋgro kalil, niŋgi geregere ŋam atoqniye. Tamo bei na bosim niŋgi gisaŋgo uge. Tamo a kumbra tiŋtiŋ dauryqas di a Qotei aqa ŋamgalaq di tamo tiŋtiŋo sqas. Kristus a tamo tiŋtiŋo unu dego kere.

Uli Anjam 22:14

“Tamo uŋgasari naŋgo gara yansonub qatqo qaji naŋgi tulaŋ areboleboleinjrim sqab. Naŋgi ŋambile qa ŋam gei osib uyqa kere. Naŋgi Qotei aqa qure koba dego miligiq gilqa kere.