Luk 6:41 - Yesus Aqa Anjam Bole

⁴¹ “Kiyaqa ni ino was aqa ŋamgalaq dia ŋam ñeŋgi kiñala unu di unsimqa ino segi ŋamgalaq dia ŋampaŋ kobaquja unu di ni unosai?

Luk 6:41 ပူးပေါင်းရင်းမြစ်များ

Matyu 7:1

Osiqa Yesus a olo anjam endegsi minjrej, “Niŋgi tamo qudei naŋgo kumbra qa naŋgi peginjrsib naŋgi tamo uge qa minjraib. Yimqa Qotei a kamba dego nuŋgo kumbra qa niŋgi pegiŋgwasai.

Mak 8:7

Qe kiñilala qudei dego soqneb. Deqa Yesus na qe di osiqa Qotei pailyosiqa aqa aŋgro naŋgi minjrej, “Qe endi dego tamo uŋgasari naŋgi anainjriye.” Degsi minjrnaqa naŋgi na qe di osib tamo uŋgasari naŋgi jeisib enjreqnab uyoqneb.

Luk 6:40

Aŋgro kiñala bei na aqa abu buŋyqa keresai. A kobaqujaosimqa di aqa abu ombla kerekereqab.

Luk 6:42

Kiyaqa ino segi ŋamgalaq dia ŋampaŋ kobaquja soqnimqa tentosim ino was minjqam, ‘Was, e ino ŋamgalaq dia ŋam ñeŋgi kiñala unonum di osiy taqal waiyetmqai’? Ŋampaŋ kobaquja ino segi ŋamgalaq di unu qaji di ni unosai. Ni gisaŋ tamo. Ni mati ŋampaŋ kobaquja ino segi ŋamgalaq di unu qaji di taqal waiysim ŋamdamu suwaŋmimqa ariya degam ŋam ñeŋgi kiñala ino was aqa ŋamgalaq di unu qaji di geregere unsim taqal waiyete.”

Jon 8:7

Onaqa naŋgi na olo anjam di Yesus nenemyonabqa a tigelosiqa minjrej, “Nuŋgo ambleq di tamo yai a une saiqoji? A na namo meniŋ osim uŋa di qalem.”

Rom 2:1

Niŋgi qudei tamo naŋgo jejamuq di anjam qametnjreqnub qaji niŋgi segi segi e na endegsi merŋgwai. Ni segi une saiqoji qa marqa keresai. Ni que. Ni na tamo naŋgo jejamuq di anjam qametnjreqnum di ni segi dego ino jejamuq di anjam qameqnum. Di kiyaqa? Kumbra uge naŋgi yeqnub qaji di ni segi dego yeqnum.

Jems 1:24

A ya jeqiloq di aqa ulatamu unsim olo puluosim giloqnsim aqa ulatamu unqo qaji di olo are walyqas.