Luk 6:30 - Yesus Aqa Anjam Bole

³⁰ Tamo bei na ino iŋgi bei yaimqajqa mermimqa ye. Yosim a na kamba olo ni emqajqa minjaim.

Luk 6:30 ပူးပေါင်းရင်းမြစ်များ

Matyu 18:35

“Dego kere niŋgi nuŋgo was naŋgo une kobotetnjrqasai di ijo Abu laŋ qureq di unu qaji a dego nuŋgo une kobotetŋgwasai.”

Matyu 5:39

Ariya e na dal anjam di buŋyosiy niŋgi endegsi merŋgwai. Tamo bei na ni kumbra uge emimqa ni kamba kumbra uge yaim. Tamo bei na ula poŋmimqa belosim waliŋe bei osoryimqa poŋyem.

Matyu 6:12

Tamo naŋgi iga qa une ateqnub qaji naŋgo une kalil iga na kobotetnjreqnum. Deqa ni na gago une kalil dego olo kobotetgime.

Luk 11:41

Deqa iŋgi iŋgi kalil nuŋgo are miligiq di unu qaji di niŋgi eleŋosib tamo iŋgi iŋgi saiqoji unub qaji naŋgi enjroqniye. Niŋgi kumbra degyibqa nuŋgo iŋgi iŋgi kalil milalesqas.

Luk 12:33

Deqa niŋgi kumbra endegyiye. Niŋgi nuŋgo ñoro kalil qariŋyosib silali osib tamo iŋgi iŋgi saiqoji unub qaji naŋgi di jeisi enjriye. Osib silali jugwajqa quŋ ugeosaieqnu qaji di gereiyiye. Osib laŋ qure qa iŋgi iŋgi eleŋosib di jigeleŋoiye. Iŋgi iŋgi di koboqa keresai. Bajiŋ tamo naŋgi bosib oqasai. Sisimbiŋ na ugetqasai. Iŋgi iŋgi di gaigai sqas.

Luk 18:22

Degsi minjnaqa qusiqa kamba minjej, “Ni dal anjam kalil dauryosim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Luk 6:29

Tamo bei a ni qa ŋiriŋosim ula poŋmimqa belosim waliŋe bei osoryimqa poŋyem. Tamo bei na ino gara jugo yaimimqa ni na saidyaim. Olo ino gara jugo bei dego ye.

Luk 6:31

Kumbra bole bole tamo naŋgi na niŋgi eŋgwajqa arearetŋgwo qaji kumbra di niŋgi na naŋgi olo enjroqniye.

Luk 6:38

Niŋgi na tamo naŋgi iŋgi iŋgi enjroqnsib lueoqniye. Yimqa Qotei a kamba dego niŋgi iŋgi iŋgi eŋgoqnqas. Osim iŋgi iŋgi tulaŋ koba eŋgoqnsim nuŋgo mogomq di bilentoqnimqa ojqa keresaiiŋgoqnimqa bileŋoqnsib dobulq aioqnqab. Niŋgi tamo naŋgi kumbra bole bole enjroqnqab dego kere Qotei a kamba niŋgi kumbra bole bole eŋgoqnqas.” Yesus a na aqa aŋgro naŋgi anjam degsi minjrej.

Aposel 20:35

Kumbra kalil e nuŋgo ambleq di yoqnem qaji di niŋgi segi unoqneb. Unoqnsib endegsi poiŋgoqnej, ‘Pol aqa kumbra di bole. Deqa iga Pol aqa kumbra di dauryosim siŋgila na wauoqnsimqa tamo uŋgasari siŋgila saiqoji unub qaji naŋgi aqaryainjroqnqom. Iga Tamo Koba Yesus aqa anjam nami marej qaji deqa are qaloqnsim degsi wauoqnqom.’ Agi Yesus a segi nami endegsi marej, ‘Tamo bei na tamo bei aqaryaiyosim iŋgi bei yqas di tamo iŋgi oqas qaji a areboleboleiyqas. Ariya tamo a na iŋgi yqas qaji a olo tulaŋ arebolebolekobaiyqas.’”

2 Korin 8:9

Gago Tamo Koba Yesus Kristus a niŋgi qa are tulaŋ boleiyosiq aqaryaiŋgej di niŋgi qalie. Agi a nami laŋ qaji ñoro koba esosiqa ariya a niŋgi aqaryaiŋgwa osiq deqa a ñoro kalil di olo uratosiqa iŋgi tulaŋ saiqoji soqnej. Yim niŋgi kamba laŋ qaji ñoro koba oqajqa deqa.

Efesus 4:28

Bajiŋ tamo naŋgi olo bajiŋaib. Naŋgi naŋgo segi baŋ na wauoqnsib dena iŋgi iŋgi oqnsib tamo iŋgi qa truqueqnub qaji naŋgi aqaryainjroqnebe.