Luk 6:29 - Yesus Aqa Anjam Bole

²⁹ Tamo bei a ni qa ŋiriŋosim ula poŋmimqa belosim waliŋe bei osoryimqa poŋyem. Tamo bei na ino gara jugo yaimimqa ni na saidyaim. Olo ino gara jugo bei dego ye.

Luk 6:29 ပူးပေါင်းရင်းမြစ်များ

Matyu 26:67

Naŋgi kalil degsib marnabqa naŋgo ambleq dena tamo qudei naŋgi tigelosib Yesus aqa ulatamuq di miselyoqnsib baŋ na qaloqneb. Osib aqa ŋamdamu gara na qosetosib ula poŋyoqnsib minjoqneb, “Ni Kristus amqa ni ubtsim mare, yai na ni lumqo?”

Luk 22:64

Baŋ na qaloqnsibqa aqa ŋamdamu gara na qosetosib minjoqneb, “Ni Kristus amqa ni ubtsim mare, yai na ni lumqo?”

Luk 6:30

Tamo bei na ino iŋgi bei yaimqajqa mermimqa ye. Yosim a na kamba olo ni emqajqa minjaim.

Jon 18:22

Yesus a na atra tamo gate degsi minjej. Onaqa qaja tamo bei Yesus aqa areq di tigelesoqnej qaji a na baŋ lubtosiqa Yesus aqa ulatamuq di qalej. Osiqa minjej, “Ni kiyaqa atra tamo gate aqa medabu ojonum?”

Aposel 23:2

Onaqa atra tamo gate aqa ñam Ananaias a Pol aqa anjam di qusiqa minjiŋ oqetonaqa tamo naŋgi Pol aqa areq di tigelesoqneb qaji naŋgi minjrej, “Niŋgi Pol aqa medabuq di qaliye.”

1 Korin 4:11

Iga nami mam ti ya qar ti soqnem agi bini unum. Iga gara bolesai dego. Tamo qudei naŋgi na iga ugeugeigeqnub. Iga tal saiqoji.

1 Korin 6:7

Niŋgi nuŋgo Kristen was naŋgi qa anjam soqnim naŋgi oqnsib anjam pegiyo tamo naŋgi qa gileqnub nuŋgo kumbra di uge. Nuŋgo kumbra dena niŋgi Kristus aqa kumbra dauryqajqa olo uratoqnsib uloŋeqnub. Niŋgi nuŋgo Kristen was bei qa anjam soqnim, uŋgum, niŋgi a uratib une eŋgem. Niŋgi a uratib nuŋgo iŋgi iŋgi bajiŋem.

2 Korin 11:20

Nuŋgo kumbra agiende. Tamo bei na niŋgi ojsim wau koba eŋgimqa kio nuŋgo iŋgi iŋgi saitimqa kio nuŋgo iŋgi iŋgi gisaŋ na yaiŋgimqa kio aqa segi ñam soqtimqa kio nuŋgo ula poŋyimqa kio niŋgi a odyibqa aqa segi areqalo dauryoqnsim degyoqnqas.

Hibru 10:34

Jeu tamo naŋgi dena nuŋgo ambleq na tamo qudei ojsibqa tonto talq di breiŋgonab sonabqa niŋgi na tonto tamo naŋgi deqa are qaloqnsib naŋgi geregereinjroqneb. Bati di jeu tamo naŋgi dena niŋgi qudei nuŋgo iŋgi iŋgi yaiŋgoqneb. Ariya niŋgi deqa are ugeiŋgosai. Niŋgi areboleboleiŋgej. Di kiyaqa? Niŋgi qalie, iŋgi di laŋa mandam qaji iŋgi. Ariya laŋ qure qaji iŋgi a bati gaigai sqas. Iŋgi di niŋgi oqsib oqab.