Luk 6:16 - Yesus Aqa Anjam Bole

¹⁶ Ariya bei Jems aqa ŋiri Judas. Bei Judas Iskariot agi Yesus osiqa jeu tamo naŋgo baŋq di atej qaji. Yesus aqa aŋgro 12-pela naŋgo ñam agide. Naŋgi Yesus aqa anjam mare mare laqajqa deqa giltnjrej.

Luk 6:16 ပူးပေါင်းရင်းမြစ်များ

Matyu 10:3

Ariya Filip wo Bartolomyu wo. Bei Tomas naŋgi takis o qaji tamo Matyu wo. Bei Alfias aqa ŋiri Jems naŋgi Tadius wo.

Mak 3:18

Ariya Andru wo Filip wo. Bei Bartolomyu naŋgi Matyu wo. Bei Tomas. Bei Alfias aqa ŋiri Jems. Bei Tadius. Bei Saimon agi Rom naŋgi winjrqajqa maroqnej qaji.

Luk 6:15

Ariya Matyu wo Tomas wo. Bei Alfias aqa ŋiri Jems. Bei Saimon agi Rom naŋgi winjrqajqa maroqnej qaji.

Luk 6:17

Onaqa Yesus a naŋgi joqsiqa koba na manaq dena olo aisib sawa guŋ dia sonabqa tamo uŋgasari tulaŋ gargekoba a dauryosib laqneb qaji naŋgi bosib aqa anjam quqwajqa koroeb. Tamo uŋgasari tulaŋ gargekoba naŋgi dego Yesus aqa anjam quqwajqa beb. Judia sawa naŋgo qure qureq dena ti Jerusalem qureq dena ti Tair qure wo Saidon qure wo naŋgo sawa alile jojom dena dego tigelosib Yesus aqa anjam quqwajqa bosib koroeb. Yesus a naŋgo ma boletetnjrqajqa deqa ti beb. Bonabqa Yesus a na tamo uŋgasari kalil mondor uge na ojeleŋo qaji naŋgi boletnjroqnej.

Jon 14:22

Onaqa Judas bei Judas Iskariot sai a na Yesus endegsi nenemyej, “O Tamo Koba, kiyaqa ni tamo uŋgasari kalil mandamq endi unub qaji naŋgoq di brantqa saidosim gago segiq di brantoqnsim ni segi qa babtoqnqam?”

Aposel 1:25

Judas a wau di uratosiqa moisiq sawa uge ni nami a aiqajqa giltem qaji deq aiej.”

Jut 1:1

E Jut. E Yesus Kristus aqa wau tamo. E Jems aqa was. E na anjam endi neŋgreŋyosim niŋgi tamo uŋgasari Qotei na metŋgej qaji niŋgi qa qariŋyonum. Gago Abu Qotei a na niŋgi tulaŋ qalaqalaiŋgeqnu. Yesus Kristus a segi na niŋgi taqatŋgeqnu.