Luk 6:14 - Yesus Aqa Anjam Bole

¹⁴ Naŋgo ñam agiende. Bei Saimon. Aqa ñam bei Yesus na Pita waiyej. Naŋgi aqa was Andru wo. Bei Jems. Naŋgi aqa was Jon wo. Bei Filip. Bei Bartolomyu.

Luk 6:14 ပူးပေါင်းရင်းမြစ်များ

Matyu 10:2

Aqa aŋgro 12-pela siŋgila enjrej qaji naŋgo ñam agiende. Bei Saimon. Aqa ñam bei Yesus na Pita waiyej. Naŋgi aqa was Andru wo. Bei Sebedi aqa ŋiri Jems wo aqa was Jon wo.

Matyu 10:3

Ariya Filip wo Bartolomyu wo. Bei Tomas naŋgi takis o qaji tamo Matyu wo. Bei Alfias aqa ŋiri Jems naŋgi Tadius wo.

Matyu 4:18

Yesus a naŋgi anjam degsi minjrsiq koboonaqa a naŋgi uratnjrsiqa Galili ya agu qalaq aisiq alile dia walweloqnsiqa ŋam atej Saimon aqa ñam bei Pita naŋgi aqa was Andru wo sonab unjrej. Naŋgi aiyel qe o qaji tamo deqa kakaŋ waiyeqnab unjrsiqa minjrej,

Matyu 4:21

Yesus a olo walwelosi gilsiqa Sebedi aqa ŋiri Jems wo aqa was Jon wo naŋgi aiyel qobuŋ miligiq dia naŋgo siqali koba na kakaŋ braŋo qandimeqnabqa unjrsiqa metnjrej.

Mak 1:19

Onaqa Yesus a olo walwelosiq gilokiñalaysiqa Sebedi aqa ŋiri Jems wo aqa was Jon wo naŋgi aiyel qobuŋ miligiq dia kakaŋ braŋo qandimeqnabqa unjrsiqa metnjrej.

Mak 1:29

Ariya Yesus aqa aŋgro naŋgi ti Qotei tal uratosibqa Saimon wo Andru wo naŋgo tal gogeteb. Jems wo Jon wo naŋgi koba na tal gogeteb.

Mak 14:33

Degsi minjrsiqa aqa aŋgro qalub agi Pita na Jems na Jon na naŋgi segi joqsiqa pailyqajqa sasalej. Sasalosiqa pailyoqnsiqa a are tulaŋ gulubekobaiyej.

Mak 3:16

Tamo 12-pela giltnjrej qaji naŋgo ñam agiende. Bei Saimon. Aqa ñam bei Yesus na Pita waiyej.

Mak 5:37

Degsi minjsiqa tamo uŋgasari kalil naŋgi a dauryqa saidnjrsiqa aqa aŋgro qalub agi Pita na Jems na Jems aqa was Jon na naŋgi segi joqsiqa Jairus ombla gilsib aqa talq di branteb. Brantosib Yesus a ŋam atej tamo uŋgasari tulaŋ gargekoba sosibqa qatroŋ koba yoqnsib akam murqumyeqnab unjrej. Unjrsiqa tal miligiq gilqa osiqa minjrej, “Niŋgi kiyaqa qatroŋ koba yoqnsib akameqnub? Aŋgro di a moiosai. A laŋa ŋeisiq qambumtejunu.”

Mak 9:2

Yesus a na naŋgi anjam degsi minjrsiq koboonaqa bati 6-pela onaqa a tigelosiqa Pita na Jems na Jon na naŋgi qalub joqsiqa koba na mana goge kobaq oqeb. Naŋgi segi qalub oqsib di soqneb. Sosibqa Yesus aqa jejamu bulyonaq naŋgi unobeiteb.

Luk 5:10

Sebedi aqa ŋiri aiyel Jems wo Jon wo naŋgi Pita ombla wau qujai. Naŋgi dego Yesus aqa maŋwa di unsibqa prugeleŋeb. Onaqa Yesus na Pita minjej, “Ni ulaaim. Ni qe o tamo deqa ni qe eqnum. Bunuqna ni degsim olo tamo oqnqam.”

Luk 5:8

Onaqa Pita a Yesus aqa maŋwa di unsiqa Yesus aqa siŋgaq di siŋga pulutosiq minjej, “O Tamo Koba, e une tamo. Deqa ni e uratbosim gile.”

Luk 6:13

Onaqa Yesus na tamo kalil a dauryosib laqneb qaji naŋgi metnjrnaqa aqa areq bonabqa naŋgo ambleq dena aŋgro 12-pela segi giltnjrej. Naŋgi a ombla sosib aqa anjam mare mare laqajqa deqa giltnjrej.

Luk 6:15

Ariya Matyu wo Tomas wo. Bei Alfias aqa ŋiri Jems. Bei Saimon agi Rom naŋgi winjrqajqa maroqnej qaji.

Jon 1:45

Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Jon 14:8

Onaqa Filip na Yesus minjej, “O Tamo Koba, ni na ino Abu iga osorgimqa di iga qa kereqas.”

Jon 6:5

Onaqa Yesus a ŋam atsiqa tamo uŋgasari tulaŋ gargekoba a dauryosib aqa areq beqnabqa unjrsiqa aqa aŋgro bei Filip nenemyej, “Iga qabe na iŋgi awaiyosim tamo uŋgasari kalil di anainjronam kereqas?”

Jon 6:8

Ariya Saimon Pita aqa was Andru di Yesus aqa aŋgro bei a na Yesus minjej,

Aposel 12:2

Osiqa qaja tamo bei qariŋyonaqa gilsiqa Jon aqa was Jems serie na qalnaq moiej.

2 Pita 1:1

E Saimon Pita. E Yesus Kristus aqa wau tamo. A na e qariŋbej deqa e aqa anjam marsim laqnum. Kristus a gago Qotei. A na iga padalo sawaq dena eleŋej. Niŋgi ti iga ti gago areqalo qujai. Agi iga kalil Yesus qa gago areqalo siŋgilateqnum. Yesus Kristus a kumbra tiŋtiŋ yeqnu qaji tamo. Aqa kumbra dena niŋgi a qa nuŋgo areqalo siŋgilateqnub. Agi iga a qa gago areqalo siŋgilateqnum dego kere.