Luk 6:12 - Yesus Aqa Anjam Bole

¹² Bati deqa Yesus a segi sosim Qotei pailyqa marsiq manaq oqej. Manaq oqsiq dia Qotei pailyeqnaqa nebeej.

Luk 6:12 ပူးပေါင်းရင်းမြစ်များ

Matyu 5:1

Onaqa Yesus a tamo uŋgasari kalil di unjrsiqa a naŋgi uratnjrsiqa manaq oqsiq di awesonaqa aqa segi aŋgro naŋgi bosib aqa areq di koroesoqneb.

Matyu 6:6

Deqa ni degsim pailyaim. Ni Qotei pailyqa osimqa ino segi warum miligiq gilsim siraŋ qandimosim ino Abu uliejunu qaji a pailyimqa tamo kalil naŋgi ni numqasai. Ni kumbra bole di uli na yeqnam ino Abu a segi na uneqnu. Deqa a segi na ni awai bole emqas.

Mak 1:35

Onaqa nobqolo ambru Yesus a na tamo uŋgasari naŋgi alelnjrsiqa wadau sawaq gilsiqa dia Qotei pailyoqnej.

Mak 3:13

Onaqa Yesus a dena walwelosiqa manaq oqej. A endegsi are qalej, “E na ijo aŋgro qudei giltnjritqa naŋgi e koba na laqnsibqa ijo wau ojoqnqab.” A degsi are qalsiqa manaq oqsiq dia aqa aŋgro qudei naŋgi metnjrnaqa aqa areq bonabqa naŋgo ambleq dena aŋgro 12-pela giltnjrej. Naŋgi a ombla sqajqa deqa ti a na naŋgi qariŋnjrimqa naŋgi aqa anjam mare mare laqnsib mondor uge uge naŋgi winjroqnqajqa deqa ti naŋgi giltnjrej.

Mak 6:46

Onaqa Yesus aqa aŋgro naŋgi namoosib gileqnabqa Yesus a na tamo uŋgasari naŋgi minjrnaq jaraieqnabqa a segi Qotei pailyqa marsiq manaq oqej.

Luk 5:16

Koroeqnab Yesus a bati gaigai naŋgi uratnjrsim a segi sqajqa maroqnsiq naŋgi alelnjroqnsiq wadau sawaq giloqnsiqa dia a segi sosiq Qotei pailyoqnej.

Luk 6:11

Onaqa Farisi naŋgi Yesus aqa siŋgila di unsibqa naŋgi minjiŋ oqetnjrnaqa segi segi qairosib maroqneb, “Bunuqna gam bei brantimqa iga Yesus qalim moiqas.”

Luk 6:17

Onaqa Yesus a naŋgi joqsiqa koba na manaq dena olo aisib sawa guŋ dia sonabqa tamo uŋgasari tulaŋ gargekoba a dauryosib laqneb qaji naŋgi bosib aqa anjam quqwajqa koroeb. Tamo uŋgasari tulaŋ gargekoba naŋgi dego Yesus aqa anjam quqwajqa beb. Judia sawa naŋgo qure qureq dena ti Jerusalem qureq dena ti Tair qure wo Saidon qure wo naŋgo sawa alile jojom dena dego tigelosib Yesus aqa anjam quqwajqa bosib koroeb. Yesus a naŋgo ma boletetnjrqajqa deqa ti beb. Bonabqa Yesus a na tamo uŋgasari kalil mondor uge na ojeleŋo qaji naŋgi boletnjroqnej.

Luk 9:18

Bati bei Yesus aqa aŋgro naŋgi ti sasalosib naŋgi segi sosibqa Yesus a Qotei pailyoqnej. Pailyo koboonaqa a na aqa aŋgro naŋgi endegsi nenemnjrej, “Tamo uŋgasari naŋgi e nuboqnsib naŋgi e yai qa mareqnub?”

Luk 9:28

Yesus a anjam degsi marsiq koboonaqa bati 8-pela onaqa a Qotei pailyqajqa marsiqa Pita na Jon na Jems na naŋgi qalub joqsiqa koba na manaq oqeb.

Luk 9:29

Manaq oqsib dia Yesus a Qotei pailyeqnaqa aqa ulatamu bulyonaq naŋgi unobeiteb. Aqa gara dego tulaŋ puloŋosiq qatekritej.

Jon 6:3

Onaqa bati di Yesus a na aqa aŋgro naŋgi joqsiqa koba na manaq oqsibqa mana goge dia awesoqneb.

Kolosi 4:2

Ariya was qu, niŋgi gaigai siŋgila na Qotei pailyoqniye. Niŋgi aqar ataib. Niŋgi pailyoqnsib geregere are qaloqnsib Qotei biŋiyoqniye.

Hibru 5:7

O was qu, Yesus a mandamq endi sosiqa a siŋga pulutoqnsiqa Qotei pailyoqnej. A qalie, Qotei na a oqa kere. Yim a moiqasai. Deqa a siŋgila na Qotei pailyoqnej. A leleŋ ti akam ti pailyoqnej. A aqa segi areqalo uratoqnsiqa Qotei aqa sorgomq di soqnej. Deqa Qotei a aqa pail quetoqnej.