Luk 6:11 - Yesus Aqa Anjam Bole

¹¹ Onaqa Farisi naŋgi Yesus aqa siŋgila di unsibqa naŋgi minjiŋ oqetnjrnaqa segi segi qairosib maroqneb, “Bunuqna gam bei brantimqa iga Yesus qalim moiqas.”

Luk 6:11 ပူးပေါင်းရင်းမြစ်များ

Matyu 16:7

Onaqa Yesus aqa aŋgro naŋgi aqa anjam di qusibqa segi segi maroqneb, “Iga bem osai deqa kio mergwo?”

Matyu 21:45

Yesus a na atra tamo kokba ti Farisi naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.”

Luk 4:28

Yesus a na tamo uŋgasari Qotei tal miligiq di soqneb qaji naŋgi anjam degsi minjrnaqa naŋgi kalil qusibqa minjiŋ ani oqetnjrnaqa tigelosib Yesus ojeb. Yesus ojsib tututosib qure qalaq osi gileb. Naŋgo qure mana goge di soqnej. Deqa naŋgi Yesus mana goge dena waiyqa marsib osi gilnabqa a naŋgo ambleq na loumosiq ulaŋej.

Luk 6:10

Yesus a naŋgi kalil degsi minjrsiq koqnjresonaqa naŋgi na kamba olo anjam bei minjosai. Naŋgi mequmesoqneb. Deqa Yesus a tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej.

Luk 6:12

Bati deqa Yesus a segi sosim Qotei pailyqa marsiq manaq oqej. Manaq oqsiq dia Qotei pailyeqnaqa nebeej.

Jon 11:47

Sainjrnab qusibqa atra tamo kokba ti Juda tamo kokba ti metnjrnab naŋgo areq bosib koba na koroosib mareb, “Iga kierqom? Yesus a maŋwa gargekoba yeleŋeqnu.

Jon 7:1

Bati bei Yesus a Galili sawaq dia laqnej. A Judia sawaq dia laqajqa uratej. Di kiyaqa? Juda tamo kokba naŋgi a qalib moiqajqa maroqneb deqa.

Aposel 26:11

E bati gargekoba Juda naŋgo Qotei tal kalil miligiq giloqnsimqa dia Yesus aqa tamo uŋgasari naŋgi ojeleŋoqnsim ugeugeinjroqnem. E endegsi are qaloqnem, ‘E naŋgi jaqatiŋ koba enjritqa naŋgi ulaosib Yesus qoreiyosib aqa ñam misiliŋyqab.’ Degsim are qaloqnsim deqa naŋgi ugeugeinjroqnem. E naŋgi qa minjiŋ ani oqetbeqnaqa naŋgi daurnjroqnsimqa qure isa isaq giloqnsim dia naŋgi itnjroqnsim ugeugeinjroqnem.

Aposel 4:15

Deqa naŋgi na qaja tamo qudei naŋgi minjrnabqa bosib naŋgi aiyel joqsib taqal beiq gilnabqa naŋgi segi qairosib mareb,

Aposel 4:19

Onaqa Pita wo Jon wo naŋgi na kamba minjreb, “Aqo aiyel Qotei aqa anjam dauryqa uratosim nuŋgo anjam dauryqom di Qotei aqa ŋamgalaq di kumbra bole kio uge kio di niŋgi segi mariye.

Aposel 5:33

Onaqa Juda tamo kokba naŋgi Yesus aqa aŋgro 12-pela naŋgo anjam di qusibqa minjiŋ oqetnjrnaqa naŋgi ñumib moreŋqa maroqneb.

Aposel 7:54

Onaqa naŋgi Stiven aqa anjam di qunab are qametnjrnaqa minjiŋ ani oqetnjrnaqa qalagei anjam atoqnej.

2 Timoti 3:9

Ariya naŋgo kumbra di tulaŋ kobaqasai. Nami Janes wo Jambres wo naŋgi aiyel nanari kumbra di yonabqa tamo uŋgasari naŋgi unsib maroqneb, “Naŋgo kumbra di nanari.” Dego kere bini tamo naŋgi di nanari kumbra di yoqnibqa tamo uŋgasari naŋgi unsib maroqnqab, “Naŋgo kumbra di nanari.” Yim deqa naŋgo kumbra di tulaŋ kobaqasai.