Luk 5:33 - Yesus Aqa Anjam Bole

³³ Onaqa Farisi naŋgi na Yesus olo minjeb, “Jon aqa aŋgro naŋgi bati gaigai iŋgi uratoqnsib qurieŋoqnsib Qotei pailyoqnsib unub. Farisi naŋgo aŋgro naŋgi dego kumbra degyeqnub. Ariya ino aŋgro naŋgi kiyaqa qurieŋosaieqnub? Agi naŋgi bati gaigai iŋgi ti ya ti uyoqnsib unub.”

Luk 5:33 ပူးပေါင်းရင်းမြစ်များ

Matyu 23:13

Osiqa Yesus a olo anjam endegsi minjrej, “O dal anjam qalie tamo ti Farisi ti niŋgi ŋam atiye. Niŋgi anjam maro aiyelteqnub qaji tamo. Deqa tamo uŋgasari naŋgi laŋ qureq oqwajqa gam itqa mareqnabqa niŋgi na gam getentetnjreqnub. Niŋgi segi na laŋ qureq oqwajqa gam itqa keresai. Deqa tamo uŋgasari naŋgi dego laŋ qureq oqwajqa gam itqa yeqnab niŋgi na gam getentetnjreqnub. Nuŋgo une deqa niŋgi tulaŋ padalougetqab.

Mak 12:40

Naŋgi uŋa qobul naŋgi gisaŋnjroqnsibqa naŋgo tal ti iŋgi iŋgi ti laŋa yainjreqnub. Naŋgi qure ambleq dia tigeloqnsibqa tamo uŋgasari naŋgi na naŋgi unjrsib naŋgo ñam soqtetnjroqnqajqa deqa naŋgi pail olekokba yeqnub. Di gisaŋ koba. Deqa mondoŋ tamo naŋgo une qa peginjrqa bati qa Qotei a naŋgi tulaŋ ugeugeinjrqas.”

Luk 11:1

Onaqa bati bei Yesus a sawa beiq gilej. Gilsiq dia Qotei pailyosiq sonaqa aqa aŋgro bei na minjej, “O Tamo Koba, iga kiersim Qotei pailyqom? Jon a nami aqa aŋgro naŋgi pailyqajqa gam osornjroqnej dego kere ni na iga dego pailyqajqa gam osorge.”

Luk 18:12

E gaigai ni pailmqa oqnsim iŋgi ti ya ti urateqnum. E ijo segi iŋgi iŋgi kalil poteleŋoqnsim oto bei ni atraimeqnum.’

Luk 2:37

Aqa gumbuluŋ moinaqa a segi qobul soqnej. Aqa wausau kalil 84. A qobul sosiqa a bati gaigai qolo ti qanam ti atra tal miligiq giloqnsiqa iŋgi ti ya ti uratoqnsiqa Qotei pailyoqnej. A atra tal uratosaioqnej.

Luk 20:47

Naŋgi na uŋa qobul naŋgi gisaŋnjroqnsibqa naŋgo tal ti iŋgi iŋgi ti laŋa yainjreqnub. Naŋgi qure ambleq dia tigeloqnsibqa tamo uŋgasari naŋgi na naŋgi unjrsib naŋgo ñam soqtetnjroqnqajqa deqa pail olekokba yeqnub. Di gisaŋ koba. Deqa mondoŋ tamo naŋgo une qa peginjrqa bati qa Qotei na naŋgi gulube tulaŋ kobaquja enjrqas.”

Luk 5:32

Tamo bei a marqas, ‘E tamo bole. E une saiqoji.’ E tamo deqaji metit ijoq bqajqa e deqa bosai. Tamo a marqas, ‘E une ti.’ E tamo deqaji metit ijoq bqajqa e deqa bem.”

Luk 5:34

Onaqa Yesus a naŋgo anjam di qusiqa a kamba yawo anjam bei endegsi minjrej, “Tamo bei a uŋa baŋ ojqa bati qa a aqa was naŋgi ti soqnimqa naŋgi are gulubeinjrqas e? Sai.

Jon 1:35

Olo nebeonaqa Jon a na aqa aŋgro aiyel joqsiqa naŋgi koba na tigelesoqneb.

Jon 3:25

Bati bei Jon aqa aŋgro qudei naŋgi Juda tamo bei ti jejamu yanso kumbra qa anjam na qotoqneb.

Aposel 9:11

Onaqa Tamo Koba Yesus na minjej, “Ni tigelosimqa gam bei aqa ñam Tiŋtiŋ di dauryosim gilsim Judas aqa talq di brantqam. Tarsus tamo bei aqa ñam Sol a dia pailyoqnsi unu di unqam.