Luk 5:29 - Yesus Aqa Anjam Bole

²⁹ Yesus dauryosiqa giloqnsiq Yesus minjej, “Ni ijo talq bosim iŋgi uye.” Degsi minjsiqa aqa segi talq osi gilsiqa maruro atsiqa iŋgi goietej. A segi sai. Takis o qaji tamo tulaŋ gargekoba naŋgi ti Yesus aqa segi aŋgro naŋgi ti tamo laŋa laŋaj naŋgi ti dego metnjrnaq bosib koba na awoosib iŋgi uyoqneb.

Luk 5:29 ပူးပေါင်းရင်းမြစ်များ

Matyu 11:19

Ariya e Tamo Aŋgro bosimqa iŋgi ti wain ti uyeqnamqa tamo naŋgi e nuboqnsib mareqnub, ‘Niŋgi uniye. Yesus a qunjaŋ ani. A wain uyo ani. A takis o qaji tamo ti une tamo ti naŋgi koba na walweleqnub.’ Tamo naŋgi e qa misiliŋ anjam degsib mareqnub. Ariya niŋgi Qotei aqa wau unqab di niŋgi poiŋgwas, Qotei a qalie bole.”

Matyu 5:46

Ariya tamo uŋgasari niŋgi qa boleeqnub qaji naŋgi qa segi niŋgi kamba boleoqnqab di kumbra tulaŋ bolesai. Nuŋgo kumbra deqa Qotei a niŋgi awai bole eŋgwasai. Takis o qaji tamo naŋgi dego kumbra degyeqnub.

Matyu 9:10

Onaqa Yesus aqa aŋgro naŋgi ti Matyu aqa talq gilsib awoosib iŋgi uyoqneb. Naŋgi segi sai. Takis o qaji tamo ti une tamo ti tulaŋ gargekoba naŋgi dego bosib awoosib Yesus aqa aŋgro naŋgi ti iŋgi uyoqneb.

Matyu 9:9

Onaqa Yesus a dena walwelosiqa takis o qaji tamo bei aqa ñam Matyu a takis o qaji talq di awesonaq gilsiq itej. Osiqa minjej, “Ni e daurbe.” Degsi minjnaqa a tigelosiqa Yesus dauryej.

Mak 2:15

Yesus dauryosiq giloqnsiqa Yesus aqa aŋgro naŋgi ti minjrej, “Niŋgi ijo talq bosib iŋgi uyiye.” Degsi minjrnaqa naŋgi Livai aqa talq gilsibqa awoosib iŋgi uyoqneb. Naŋgi segi sai. Une tamo ti takis o qaji tamo ti tulaŋ gargekoba naŋgi dego koba na Yesus dauryosib Livai aqa talq di awoosib Yesus aqa aŋgro naŋgi ti iŋgi uyoqneb.

Luk 15:1

Bati bei takis o qaji tamo naŋgi ti une tamo naŋgi ti kalil Yesus aqa anjam quqwa marsibqa aqa areq bosib koroeb.

Jon 12:2

Gilnaqa qure deqaji tamo uŋgasari naŋgi unsibqa areboleboleinjrnaqa iŋgi goieteb. Ariya Marta a iŋgi suweiyosiq Lasarus wo Yesus wo tamo qudei ti metnjrnaq bosib koba na awoosib iŋgi uyoqneb.

1 Korin 10:27

Deqa tamo bei Yesus qaliesai qaji a na iŋgi goisim niŋgi metŋgimqa niŋgi a ombla gilqa are soqnim giliye. Gilsib iŋgi kalil a na anaiŋgwas qaji di niŋgi osib uyiye. Niŋgi deqa are koba qalsib nenemoqnaib.