Luk 5:21 - Yesus Aqa Anjam Bole

²¹ Onaqa dal anjam qalie tamo naŋgi ti Farisi naŋgi ti tal dia awesoqneb qaji naŋgi Yesus aqa anjam di qusibqa naŋgo areqalo na mareb, “Yesus a Qotei misiliŋyqo. Yai na tamo naŋgo une kobotqa kere? Qotei a segi qujai.”

Luk 5:21 ပူးပေါင်းရင်းမြစ်များ

Matyu 26:65

Onaqa atra tamo gate a Yesus aqa anjam di qusiqa a tulaŋ minjiŋ oqetonaqa aqa segi gara jugo bumbraŋyosiqa marej, “Aqa une agi a segi babtqo iga quonum. Deqa kiyaqa tamo bei olo metonam bosim aqa une marqas? Aqa misiliŋ anjam agi niŋgi quonub.

Matyu 9:3

Onaqa dal anjam qalie tamo qudei warum dia awesoqneb qaji naŋgi Yesus aqa anjam di qusibqa naŋgi segi segi maroqneb, “Yesus a Qotei misiliŋyqo.”

Luk 3:8

Niŋgi are bulyiye. Osib nuŋgo kumbra uge kalil uratosib kumbra bole bole yoqniye. Yimqa e unsiy marqai, ‘Bole, niŋgi are bulyonub.’ Osiy niŋgi yansŋgwai. Niŋgi endegsib are qalaib, ‘Iga Abraham aqa leŋ. Deqa iga Qotei aqa ŋamgalaq di tamo bole.’ Niŋgi degsib are qalaib. Niŋgi quiye. Niŋgi Abraham aqa leŋ di laŋa. Qotei na marimqa meniŋ kalil endi dego tamo bulyosib tigelosib Abraham aqa leŋ sqab.

Luk 5:17

Bati bei tamo uŋgasari naŋgi olo koroesonabqa Yesus a na Qotei aqa anjam palontosiq minjroqnej. Minjreqnaqa bati di Farisi naŋgi ti dal anjam qalie tamo naŋgi ti tigelosib bosib Yesus aqa areq di awoeleŋesoqneb. Naŋgi Galili sawa naŋgo qure qureq dena ti Judia sawa naŋgo qure qureq dena ti Jerusalem qureq dena dego tigelosib bosib Yesus aqa areq di awoeleŋesoqneb. Bati di Tamo Koba Qotei aqa siŋgila Yesus aqa jejamuq di soqnej. Deqa a na tamo naŋgo ma gereiyetnjrqa marnaqa tamo qudei naŋgi na tamo bei jejamu laiyej qaji a saperaq di atsib Yesus aqa areq di atibqa Yesus na boletqajqa deqa qoboiyosib beb.

Luk 5:22

Naŋgi degsib are qalsib sonabqa Yesus a naŋgo areqalo di qalieosiqa minjrej, “Niŋgi kiyaqa degsib are qaleqnub?

Luk 7:49

Onaqa tamo naŋgi Yesus koba na awoosib iŋgi uyoqneb qaji naŋgi aqa anjam di qusibqa segi segi maroqneb, “Yesus a tamo kiero deqa a na tamo naŋgo une kobotetnjreqnu?”

Jon 10:33

Onaqa Juda naŋgi na kamba endegsib minjeb, “Iga ino wau bole bei qa are qalsim ni meniŋ na lumqasai. Ni Qotei misiliŋyonum deqa lumqom. Agi ni Qotei aqa sawa osim maronum, ‘E segi Qotei.’ Ni degsi maraim. Ni mandam tamo. Deqa ni lumqom.”

Rom 8:33

Qotei na iga aqa segi qa giltgej deqa tamo yai na gago une qa olo mergwas? Tamo dego bei sosai. Qotei a segi na iga tamo bole une saiqoji qa mergej.