Luk 5:20 - Yesus Aqa Anjam Bole

²⁰ Onaqa Yesus a tamo naŋgi di naŋgo areqalo unej naŋgo areqalo qujai Yesus na tamo di boletqa kere. Deqa a na tamo jejamu laiyej qaji di minjej, “O ijo was, ino une kalil e na kobotetmonum.”

Luk 5:20 ပူးပေါင်းရင်းမြစ်များ

Matyu 9:2

Brantosib sonabqa tamo qudei naŋgi na tamo bei jejamu laiyej qaji a saperaq di atsib Yesus aqa areq osi beb. Onaqa Yesus a tamo naŋgi di naŋgo areqalo unej naŋgo areqalo qujai Yesus na tamo di boletqa kere. Degsi unsiq deqa tamo jejamu laiyej qaji di minjej, “O ijo aŋgro, ni areboleimeme. Ino une kalil e na kobotetmonum.”

Matyu 9:5

Anjam kie e na tamo jejamu laiyqo qaji di minjqajqa wau koba sai? ‘Ino une kalil e na kobotetmonum,’ anjam de kio, ‘Ni tigelosim walwel,’ anjam de kio?

Mak 2:5

Onaqa Yesus a naŋgo areqalo unej naŋgo areqalo qujai Yesus na tamo di boletqa kere. Degsi unsiq deqa tamo jejamu laiyej qaji di minjej, “O ijo aŋgro, ino une kalil e na kobotetmonum.”

Luk 7:48

Osiqa uŋa di minjej, “Ino une kalil e na kobotetmonum.”

Jon 2:25

A powo bei qa truquosai. Deqa tamo bei na tamo naŋgo kumbra Yesus a qalieqajqa minjqa keresai. A segi tamo naŋgo areqalo a qalie bole.

Jon 5:14

Onaqa nebeonaq Yesus a atra tal miligiq gilsiqa tamo a na boletej qaji a di sonaqa itosiqa minjej, “Ni que. E ni boletmonum. Deqa ni olo une bei ataim. Gulube kobaquja bei ino jejamuq di olo branto uge.”

Aposel 11:23

Aisiqa Qotei a naŋgi qa dego are boleiyoqnsiqa aqaryainjroqnej di unej. Unsiqa tulaŋ areboleboleiyej. Deqa a na naŋgi kalil are siŋgilatetnjroqnsiqa minjroqnej, “Niŋgi Tamo Koba Yesus gaigai dauryoqnsib soqniye.”

Aposel 14:9

Bati deqa Pol na Qotei aqa anjam palontsiq tamo uŋgasari naŋgi minjreqnaqa tamo di a quoqnej. Onaqa Pol na tamo di koqyosiqa aqa areqalo unej aqa areqalo qujai Qotei na a boletbqa kere.

2 Korin 2:10

Ariya niŋgi na tamo di aqa une kobotetqab di e kamba dego aqa une kobotetqai. E tamo bei aqa une kobotetqai di e Kristus aqa ŋamgalaq dia kobotetqai. E niŋgi aqaryaiŋgwa osiy deqa kobotetqai.

Kolosi 3:13

Kristen tamo bei na niŋgi gulube eŋgimqa uŋgum gulube di qoboiyosib aqa une kobotetiye. Tamo Koba Kristus a na nuŋgo une kobotetŋgej deqa niŋgi dego degyiye.

Jems 2:18

Ariya tamo bei a endegsi marqas, “Tamo qudei naŋgi Kristus qa naŋgo areqalo siŋgilateqnub. Ariya tamo qudei naŋgi olo kumbra bole bole yeqnub.” Degsi marimqa e na kamba minjqai, “Ni Kristus qa ino areqalo siŋgilatqa maronum. Ariya ni kumbra bole bei babtosaieqnum. Deqa e kiersiy qalieqai, ni Kristus qa ino areqalo siŋgilateqnum? E qalieqa keresai. Ariya e Kristus qa ijo areqalo siŋgilatoqnsiy kumbra bole dego turtsiy yoqnqai di ni e nubsim merbqam, ‘Bole, ni Kristus qa ino areqalo bole siŋgilateqnum.’”