Luk 4:40 - Yesus Aqa Anjam Bole

⁴⁰ Seŋ aiqa laqnaqa tamo uŋgasari ma utru segi segi so qaji naŋgo was naŋgi na joqsib Yesus aqa areq osi beleŋoqneb. Osi beleŋeqnabqa Yesus na aqa baŋ naŋgo segi segi gateq di ateqnaqa naŋgo ma koboeqnaqa naŋgi jaraioqneb.

Luk 4:40 ပူးပေါင်းရင်းမြစ်များ

Matyu 11:5

Endegsib minjiye, ‘Tamo ŋam qandimnjro qaji naŋgi olo ŋam poinjreqnaq sawa uneqnub. Tamo jejamu lainjro qaji naŋgi olo walweleqnub. Tamo naŋgo jejamu yu na ugeeleŋo qaji naŋgo yu kalil koboeqnu. Tamo dabkala geteŋnjro qaji naŋgi olo poinjreqnaqa anjam queqnub. Tamo moreŋo qaji naŋgi olo tigeleqnub. Tamo iŋgi iŋgi saiqoji unub qaji naŋgi Qotei aqa anjam bole queqnub.’ Niŋgi aisib Jon degsib saiyosib minjiye.

Matyu 14:13

Onaqa Yesus a anjam di qusiqa a sawa di uratosiq qobuŋ bei gogetosiqa wadau sawaq gilej. Aqa aŋgro naŋgi ti gileb. A gileqnaqa tamo uŋgasari kalil naŋgi di qusibqa naŋgo segi qure qureq dena tigelosibqa siŋga na gurgurosib Yesus ŋamqajqa gileb.

Mak 3:10

Yesus a nami tamo uŋgasari tulaŋ gargekoba naŋgi boletnjroqnej. Deqa tamo ma ti kalil naŋgi aqa areq boqnibqa a na naŋgo jejamu ojetnjrimqa naŋgi boleqajqa deqa marsib bosib jujuŋyoqneb.

Mak 6:5

Yesus a na naŋgi degsi minjrsiqa aqa segi qure utruq dia a maŋwa bei yqajqa asgiyej. Osiqa tamo quja quja segi naŋgo gateq di aqa baŋ atnaqa naŋgo ma koboej.

Aposel 19:12

Deqa tamo qudei naŋgi na naŋgo gara ñeŋgi oqnsib Pol aqa jejamuq di betertoqnsib gara di olo osi giloqnsib tamo mainjro qaji naŋgo jejamuq di ateqnab naŋgo ma saioqnej. Tamo mondor uge ti so qaji naŋgo jejamuq di dego gara ñeŋgi ateqnab mondor uge naŋgi jaraioqneb.

Aposel 5:15

Deqa naŋgi na tamo uŋgasari ma ti soqneb qaji naŋgi saperaq di ŋeiotnjroqnsib qoboinjrsib boqnsib gam qalaq di ateleŋoqneb. Pita a gam na walwelosim giloqnimqa aqa seŋ qunuŋ na naŋgi waburtnjroqnimqa naŋgo ma kobooqnqajqa deqa are qalsibqa gam qalaq di ateleŋoqneb.