Luk 4:34 - Yesus Aqa Anjam Bole

³⁴ “O Yesus Nasaret qaji tamo, ni iga kiergwajqa bonum? Ni iga padaltgwa bonum e? E ni qalie. Ni Qotei aqa segi Ŋiri bolequja. Ino jejamuq di une bei saiqoji.”

Luk 4:34 ပူးပေါင်းရင်းမြစ်များ

Matyu 8:29

Naŋgi aiyel Yesus aqa areq bosib leleŋkobayosib minjeb, “O Qotei aqa Ŋiri, ni iga kiergwajqa bonum? Iga padalqajqa bati bosaisonaqa ni laŋa ambleq di iga jaqatiŋ egwa bonum e?”

Mak 1:24

“O Yesus Nasaret qaji tamo, ni iga kiergwajqa bonum? Ni iga padaltgwa bonum e? E ni qalie. Ni qujai Qotei aqa Tamo Boledamu. Ino jejamuq di une bei saiqoji.”

Mak 1:34

Onaqa Yesus a na tamo uŋgasari kalil ma ti so qaji naŋgi boletnjroqnej. Osiqa mondor uge naŋgi dego winjroqnej. Mondor uge naŋgi Yesus qalie deqa naŋgi aqa ñam ubtqa mareqnab a na naŋgi saidnjroqnej.

Luk 1:35

Onaqa laŋ aŋgro na minjej, “Qotei aqa Mondor Bole a ni qa aisimqa Tamo Koba Qotei aqa siŋgila ni emqas. Deqa a ino leŋq dena ŋambabosimqa aqa so tulaŋ boledamu sqas. Deqa a Qotei aqa kumbra ti sqas. Naŋgi a qa maroqnqab, ‘A Qotei aqa Ŋiri.’

Luk 4:33

Yori bati bei tamo bei mondor uge ti so qaji a Qotei tal miligiq di soqnej. Deqa a tulaŋ koba leleŋosiqa Yesus minjej,

Luk 4:41

Mondor uge gargekoba dego Yesus na winjreqnaqa naŋgi na tamo uŋgasari naŋgi uratnjroqnsib jaraioqneb. Jaraioqnsib tulaŋ koba leleŋoqnsib Yesus minjoqneb, “Ni Qotei aqa Ŋiri.” Yeqnabqa Yesus a siŋgila na minjroqnej, “Niŋgi ijo ñam ubtsib maraib.” Degsi saidnjroqnej. Di kiyaqa? Naŋgi qalie, Yesus a Kristus deqa.

Luk 8:28

Deqa a Yesus unsiqa tulaŋ koba leleŋosiqa bosiq Yesus aqa areq di siŋga pulutosiqa minjej, “O Yesus, Tamo Koba Qotei aqa Ŋiri, ni e kierbqa bonum? E ni endegsi mermqai, ni e jaqatiŋ ebaim.”

Luk 8:37

Yesus a maŋwa di babtej deqa tamo uŋgasari kalil Gerasa sawaq di soqneb qaji naŋgi tulaŋ ulaugetosib Yesus minjeb, “Ni iga uratgosim ulaŋ.” Onaqa Yesus a qobuŋ gogetosiqa naŋgi uratnjrsiq aiej.

Aposel 16:39

Deqa gate kokba naŋgi Pol wo Sailas wo naŋgo are latetnjrqa marsibqa tonto talq aisib minjreb, “Bole, iga grotonum.” Degsib minjrnabqa naŋgo aiyel are laonaqa naŋgi na siraŋ waqtetnjrsib jiŋga na joqsib oqedeb. Oqedosib naŋgi aiyel minjreb, “Niŋgi qure endi uratosib giliye.”

Aposel 2:27

Ni na ijo qunuŋ uratim moio qureq aiqasai. Ni na ino segi aŋgro bolequja Kristus aqa jejamu dego subq di uratim qusaqasai.

Aposel 3:14

Yesus a Qotei aqa segi Tamo Boledamu. A une saiqoji. Ariya niŋgi na Yesus uratosib saidosib Pailat minjeb, ‘Leŋ ojo tamo Barabas tonto talq dena oqeq atsim ege.’ Niŋgi na Pailat degsib minjnabqa a nuŋgo anjam di dauryosiqa leŋ ojo tamo Barabas osiqa oqeq atsiq eŋgej.

Aposel 4:27

“O Qotei, Devit aqa anjam di aqa damu gam endena brantej. Herot wo Pontius Pailat wo Israel tamo ti qure bei bei qaji tamo naŋgi ti kalil qure endia koroosibqa ino segi wau tamo bole Yesus ni nami giltem qaji a qoto itqa marsibqa anjam kereteb.

Hibru 2:14

Yesus aqa aŋgro naŋgi di mandam tamo. Deqa Yesus a naŋgi bulosiqa a dego mandam tamo bulyosiq moiej. A Satan aqa siŋgila kobotqa marsiq deqa moiej. Satan a moio qa utru. A na tamo uŋgasari naŋgi moiotnjreqnu.

Jems 2:19

Ni mareqnum, “Bole, Qotei a segi qujai unu.” Ni kere mareqnum. Ariya mondor uge naŋgi dego degsib maroqnsib Qotei ulaiyeqnub.

1 Jon 3:8

Satan a nami une atsiq boqnej agi bini degsi unu. Deqa tamo a une atoqnqas di a Satan aqa tamo sqas. Ariya Qotei aqa Ŋiri a Satan aqa wau kobotqa bej.

Uli Anjam 20:2

Aisiq amal kobaquja di ojsiq sil dena tontej. A wausau 1,000 tontim sqas. Amal di nami soqnej qaji. Aqa ñam Satan. Aqa ñam bei, “Tamo Kalil Naŋgo Ñam Ugetnjro Qaji Tamo.”

Uli Anjam 3:7

Yesus a na e degsi merbsiqa olo endegsi merbej, “Filadelfia qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E Qotei aqa tamo bole tiŋtiŋ. E kumbra bole qa utru. Devit a nami mandor koba soqnej dego kere e kamba aqa wau osim Qotei aqa tamo uŋgasari naŋgi taqatnjreqnum. E siraŋ bei waqtqai di tamo bei na getentqa keresai. E getentqai di tamo bei na waqtqa keresai. E na anjam endi ni qa qariŋyonum.