Luk 4:31 - Yesus Aqa Anjam Bole

³¹ Ariya Yesus a Galili sawa naŋgo qure bei aqa ñam Kaperneam deq gilej. Gilsiq di sosiqa yori batieqnaqa tamo uŋgasari naŋgi koroinjroqnsiqa Qotei aqa anjam plaltosiq minjroqnej.

Luk 4:31 ပူးပေါင်းရင်းမြစ်များ

Matyu 10:23

Qure bei beiq dia tamo uŋgasari naŋgi na niŋgi ugeugeiŋgoqnibqa niŋgi naŋgo qure di uratoqnsib olo qure beiq giloqniye. Niŋgi quiye. E bole merŋgwai. Niŋgi Israel naŋgo qure qure kalil keretosaisoqnibqa e Tamo Aŋgro olo bqai.

Matyu 4:13

Aisiq Nasaret qureq di brantej. Dena walwelosiqa Kaperneam qureq gilsiq di soqnej. Kaperneam qure agi Galili ya agu qalaqsi unu. Ya agu jojomq dia sawa aiyel unub. Sawa aiyel di naŋgo ñam Sebulun ti Naptali ti. Kaperneam qure a sawa aiyel di naŋgo ambleqsi unu.

Luk 4:23

Onaqa Yesus na minjrej, “Niŋgi yawo anjam endegsib merbqab kio, ‘O ma gereiyo tamo, ni ino segi jejamu gereiye.’ Osib niŋgi endegsib merbqab, ‘Kaperneam qureq dia ni ino siŋgila babteqnamqa tamo naŋgi unoqneb. Iga degsim queqnum. Siŋgila dego kere olo ino segi qure utruq endia babt. Yimqa iga unqom.’”

Aposel 13:50

Onaqa Juda tamo qudei naŋgi Pol wo Barnabas wo naŋgo kumbra di unsibqa naŋgi tulaŋ minjiŋ oqetnjrnaqa uŋa kokba qudei Qotei qa louoqneb qaji naŋgi ti qure deqa gate kokba ti naŋgo are ugetetnjrnabqa naŋgi tigelosib Pol wo Barnabas wo naŋgi tulaŋ ugeugeinjrsib naŋgi aiyel qure dia sqajqa siŋgila na saidnjrsib naŋgi winjrnab gileb.

Aposel 18:4

Yori bati gaigai Pol a Juda naŋgo Qotei tal miligiq giloqnsiqa Juda ti Grik ti naŋgi Yesus aqa anjam plaltosiq minjroqnej. Aqa anjam dena naŋgo are qametnjrimqa naŋgi Yesus qa naŋgo areqalo siŋgilatqajqa deqa anjam minjroqnej.