Luk 4:28 - Yesus Aqa Anjam Bole

^28-30 Yesus a na tamo uŋgasari Qotei tal miligiq di soqneb qaji naŋgi anjam degsi minjrnaqa naŋgi kalil qusibqa minjiŋ ani oqetnjrnaqa tigelosib Yesus ojeb. Yesus ojsib tututosib qure qalaq osi gileb. Naŋgo qure mana goge di soqnej. Deqa naŋgi Yesus mana goge dena waiyqa marsib osi gilnabqa a naŋgo ambleq na loumosiq ulaŋej.

Luk 4:28 ပူးပေါင်းရင်းမြစ်များ

Matyu 2:16

Ariya Herot a bongar sisiyo qaji tamo naŋgi qa tariŋonaq ugeiyej. Naŋgi a qa bosai. Deqa a qalieej, bongar sisiyo qaji tamo naŋgi a gisaŋyeb. A degsi qalieosiqa minjiŋ ani oqetonaqa aqa qaja tamo qudei naŋgi qariŋnjrnaqa naŋgi aisib Betlehem qureq dia aŋgro mel kiñilala wausau aiyel osaisoqneb qaji di unjrsib kalil ñumeleŋosib moiotnjreb. Qure kiñilala Betlehem jojomq di soqneb qaji dia dego aŋgro mel kiñilala wausau aiyel osaisoqneb qaji naŋgi kalil moiotnjreb. Nami Herot a bongar brantej qaji aqa bati di qalieqa osiqa bongar sisiyo qaji tamo naŋgi nenemnjrej. Di kiyaqa? A are qalej, a na aŋgro mel naŋgi bati deqa ŋambabeb qaji di moiotnjrqajqa deqa.

Luk 4:27

Qotei aqa medabu o qaji tamo Elisa aqa bati qa Israel sawaq dia lepra tamo gargekoba soqneb. Ariya Elisa a naŋgi boletnjrosai. A Siria sawaq gilsiqa dia lepra tamo bei aqa ñam Naman sonaqa a segi qujai boletej.”

Luk 6:11

Onaqa Farisi naŋgi Yesus aqa siŋgila di unsibqa naŋgi minjiŋ oqetnjrnaqa segi segi qairosib maroqneb, “Bunuqna gam bei brantimqa iga Yesus qalim moiqas.”

Aposel 5:33

Onaqa Juda tamo kokba naŋgi Yesus aqa aŋgro 12-pela naŋgo anjam di qusibqa minjiŋ oqetnjrnaqa naŋgi ñumib moreŋqa maroqneb.

Aposel 7:54

Onaqa naŋgi Stiven aqa anjam di qunab are qametnjrnaqa minjiŋ ani oqetnjrnaqa qalagei anjam atoqnej.