Luk 4:26 - Yesus Aqa Anjam Bole

²⁶ Sonabqa Qotei na Elaija naŋgoq qariŋyosai. A na Elaija qariŋyonaqa Saidon sawaq gilsiq Sarefat qureq dia uŋa qobul bei aqaq di segi brantosiq aqaryaiyej.

Luk 4:26 ပူးပေါင်းရင်းမြစ်များ

Matyu 11:21

Osiqa minjrej, “O tamo uŋgasari Korasin qure ti Betsaida qure ti di unub qaji, niŋgi tulaŋ padalougetqab. Tamo bei a Tair qure ti Saidon qure ti deq gilsiq maŋwa e nuŋgoq di yoqnem qaji di naŋgoq di yo qamu naŋgi nami are bulyosib naŋgo une qa are ugeinjrnaq are uge qa gara jigsib ŋam sumq di awoeb qamu.