Luk 3:2 - Yesus Aqa Anjam Bole

² Anas wo Kaiafas wo naŋgi aiyel atra tamo gate soqneb. Bati deqa Sekaraia aqa ŋiri Jon a wadau sawaq di sonaqa Qotei na aqa anjam ubtsiq Jon minjej.

Luk 3:2 ပူးပေါင်းရင်းမြစ်များ

Matyu 11:7

Onaqa Jon aqa aŋgro naŋgi Yesus aqa anjam di qusibqa naŋgi olo puluosib Jon minjqajqa aieqnabqa Yesus a na tamo uŋgasari gargekoba naŋgi di Jon qa endegsi minjrej, “Niŋgi nami wadau sawaq gilsibqa niŋgi tamo kiero unqajqa gileb? Niŋgi tamo silai aqa baŋga bul jagwa na pileteqnaqa di unqajqa gileb kio? Sai. Jon a tamo deqaji sai.

Matyu 26:3

Yori bati koba di jojomej deqa atra tamo kokba ti Juda gate kokba ti naŋgi gilsib atra tamo gate aqa ñam Kaiafas aqa talq di koroeb.

Mak 1:2

Nami Qotei na aqa Ŋiri Yesus endegsi minjej, “Ni que. E na ijo anjam maro tamo qariŋyitqa a ni qa namoosim ino gam gereiyetmqas.

Luk 1:80

Onaqa aŋgro kiñala Jon a kobaqujaeqnaqa Qotei aqa Mondor na siŋgila yoqnej. A tamo kobaqujaosiqa tigelosiq wadau sawaq gilsiq di soqnej. A di sosiqa a na Israel tamo uŋgasari naŋgi Qotei aqa anjam minjrim quqwajqa bati qa tariŋoqnej.

Jon 1:23

Onaqa Jon na minjrej, “Nami Qotei aqa medabu o qaji tamo Aisaia a anjam endegsi neŋgreŋyej, ‘Tamo bei a wadau sawaq di sosimqa a tulaŋ koba leleŋosim tamo uŋgasari naŋgi endegsi minjroqnqas, “Tamo Koba a bqas. Deqa niŋgi na aqa gam gereiyetiye.” ’ Aisaia a nami anjam degsi neŋgreŋyej. Gam gereiyetqa tamo agi e.”

Jon 18:24

Onaqa Anas na aqa qaja tamo naŋgi minjrnaqa Yesus osib atra tamo gate Kaiafas aqaq gileb. Yesus aqa baŋ tontesonabqa osi gileb.

Aposel 4:6

Atra tamo gate Anas na Kaiafas na Jon na Aleksander na Anas aqa leŋ kalil dego bosib koroeb.