Luk 24:44 - Yesus Aqa Anjam Bole

⁴⁴ Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Luk 24:44 ပူးပေါင်းရင်းမြစ်များ

Matyu 1:22

Kumbra kalil di brantej deqa anjam bei Tamo Koba Qotei aqa medabu o tamo bei nami marej qaji di aqa damu dego brantej. A endegsi marej,

Matyu 16:21

Bati deqa Yesus na aqa aŋgro naŋgi endegsi minjrej, “E Jerusalem aieqnum. Dia Juda tamo kokba ti atra tamo kokba ti dal anjam qalie tamo naŋgi ti e jaqatiŋ koba ebsib lubsib moiotbqab. Bati qalub koboamqa e olo subq na tigelqai.” Yesus a anjam di ubtsiq minjrej.

Matyu 26:54

Ariya e degsi ijo Abu minjqasai. Deqa aqa anjam bei nami neŋgreŋyeb qaji di aqa damu brantqas. Agi nami endegsib neŋgreŋyeb, ‘Kristus a moiqas.’”

Matyu 26:56

Niŋgi kumbra di yeb deqa Qotei aqa medabu o tamo naŋgo anjam nami neŋgreŋyeleŋeb qaji di aqa damu agi brantqo.” Yesus a naŋgi degsi minjrnaqa aqa aŋgro kalil naŋgi a uratosib jaraieb.

Mak 9:31

Giloqnsibqa gamq dia Yesus na aqa aŋgro naŋgi anjam endegsi minjrej, “E Tamo Aŋgro. Deqa jeu tamo naŋgi na e ojsibqa qaja tamo naŋgo baŋq di atib lubib moiqai. Bati qalub koboamqa e olo subq na tigelqai.”

Luk 21:22

Qotei a nami marej, ‘Bati deqa e na tamo uŋgasari naŋgo une qa peginjrsiy naŋgi ñumqai.’ Qotei a nami degsi marej. Deqa bati di brantimqa Qotei aqa anjam kalil nami neŋgreŋyeb qaji di aqa damu brantqas.

Luk 22:37

Niŋgi quiye. Qotei aqa anjam bei nami e qa neŋgreŋyeb qaji di aqa damu brantqas. Agi nami e qa anjam endegsib neŋgreŋyeb, ‘Tamo uŋgasari naŋgi Kristus unsib marqab, “A dego une tamo. Deqa a une tamo naŋgi koba na gaiŋesqab.” ’ Degsib e misiliŋbqab. Yimqa Qotei aqa anjam kalil nami e qa neŋgreŋyeb qaji di aqa damu brantqas.”

Luk 24:46

Onaqa Yesus na olo minjrej, “Qotei aqa anjam bei nami endegsib neŋgreŋyeb unu, ‘Kristus a jaqatiŋ koba osim moiqas. Moisim bati qalub koboamqa a olo subq na tigelqas.’ Nami e qa anjam degsib neŋgreŋyeb unu.

Luk 9:22

Osiqa minjrej, “E Tamo Aŋgro. Deqa bunuqna e jaqatiŋ koba oqai. Agi Juda tamo kokba ti atra tamo kokba ti dal anjam qalie tamo naŋgi ti e qoreibosib lubsib moiotbqab. Bati qalub koboamqa e olo subq na tigelqai.”

Luk 9:44

“Niŋgi ijo anjam endi geregere quiye. E Tamo Aŋgro. Deqa sokiñalayitqa Juda tamo kokba naŋgi na e ojsib jeu tamo naŋgo baŋq di atqab.”

Jon 3:14

Nami Moses a wadau sawaq di sosiqa a amal sigitosiq soqtosiqa gaintej. Dego kere e Tamo Aŋgro dego soqtbosib gaintbqab.

Jon 5:39

“Niŋgi are qaleqnub, Qotei aqa anjam neŋgreŋq di so qaji dena niŋgi ŋambile gaigai sqab. Niŋgi degsib are qaloqnsib deqa niŋgi Qotei aqa anjam di gaigai sisiyoqnsib peleiyeqnub. Ariya anjam di e qa mareqnu.

Jon 5:46

Niŋgi Moses aqa anjam nuŋgo areqaloq di siŋgilatonub qamu ijo anjam dego nuŋgo areqaloq di siŋgilatonub qamu. Di kiyaqa? Moses a e qa anjam neŋgreŋyej deqa.

Aposel 13:33

Qotei na aqa anjam di dauryosim Yesus qariŋyim gagoq bqajqa deqa marsiq a na Yesus olo subq na tigeltej. Gago moma naŋgo leŋ agi iga. Deqa a gagoq bej. Anjam deqa nami Devit a louqa buk miligiq di endegsi neŋgreŋyej, ‘Ni ijo aŋgro bole. Bini e ni ŋambabtmonum.’ Devit a nami lou namba 2q di anjam di neŋgreŋyej.

Aposel 13:40

Deqa niŋgi geregere ŋam atsib soqniye. Gulube kalil Qotei aqa medabu o tamo naŋgi nami deqa maroqneb qaji di nuŋgoq bo uge. Agi nami naŋgi na nuŋgo moma naŋgi anjam endegsib minjroqneb,

Aposel 2:27

Ni na ijo qunuŋ uratim moio qureq aiqasai. Ni na ino segi aŋgro bolequja Kristus aqa jejamu dego subq di uratim qusaqasai.

Aposel 3:18

Nami Qotei na aqa medabu o qaji tamo kalil naŋgo medabu siŋgilatetnjreqnaqa naŋgi endegsib maroqneb, ‘Kristus agi Qotei na giltqo qaji a jaqatiŋ koba osim moiqas.’ Ariya bunuqna niŋgi na Yesus qalnab moiej. Niŋgi kumbra di yonabqa Qotei aqa medabu o qaji tamo naŋgo anjam nami maroqneb qaji di aqa damu agi brantej.

Aposel 7:37

Moses qujai dena Israel tamo uŋgasari naŋgi minjrej, ‘Bunuqna Qotei na aqa medabu o qaji tamo bei e bul nuŋgo ambleq dena tigeltimqa a na niŋgi anjam merŋgoqnqas.’

Hibru 10:1

Moses aqa dal anjam a na iŋgi bole bole Qotei a mondoŋ iga egwas qaji di iga laŋa suwi osorgeqnu. Damu osorgosaieqnu. Dal anjam a marej, niŋgi wagme naŋgo leŋ oqnsib wausau gaigai atraiyoqniye. Dal anjam a degsi marej deqa iga qalieonum, dal anjam a na tamo uŋgasari Qotei aqa areq gileqnub qaji naŋgo une kobotqa keresai.

Hibru 3:5

Moses a Qotei aqa wau tamo sosiqa a Qotei aqa anjam geregere dauryoqnsiqa aqa tamo uŋgasari naŋgo ambleq di wauoqnej. Tamo uŋgasari naŋgi di Qotei aqa tal bul. Moses a Qotei aqa medabu osiqa kumbra bunuqna brantqas qaji deqa anjam maroqnej.

Hibru 7:1

Melkisedek a Salem qure naŋgo mandor koba soqnej. A Tamo Koba Qotei aqa atra tamo soqnej. Abraham a mandor kokba qudei naŋgi ti qotsiqa naŋgi ñumsiqa olo aqa qureq beqnaqa bati deqa Melkisedek a gamq di Abraham turosiqa aqa gateq di baŋ atetosiqa a qa pailyej.

Hibru 9:8

Kumbra dena Qotei aqa Mondor na iga endegsi osorgeqnu, atra tal soqnim iga Qotei aqa tal miligiq gilqajqa gam geteŋesqas.

1 Pita 1:11

Kristus aqa Mondor a naŋgo are miligiq di sosiqa naŋgo medabuq na anjam endegsi babtosiq maroqnej, “Bunuqna Kristus a jaqatiŋ osim moiqas. Moisim olo subq na tigelosim laŋ qureq oqsim dia a ñam koba ti sqas.” O was qu, Qotei aqa medabu o qaji tamo naŋgi endegsib nenemoqneb, “Kristus a bati gembu bqas? Kumbra kie namoqna brantim Kristus a bunuqna bqas?”

Uli Anjam 19:10

Laŋ aŋgro na e degsi merbonaqa e aqa areq di siŋga pulutosim a biŋiyqa laqnamqa a na merbej, “Ni e biŋibaim! E ni bul. E ni ti tamo kalil Yesus aqa anjam qa naŋgo areqalo siŋgilateqnub qaji naŋgi ti iga koba na wau qujai. Iga kalil was. Deqa ni Qotei segi biŋi-yoqnime. Iga qalie, Qotei aqa Mondor a na qujai Qotei aqa medabu o qaji tamo naŋgi qariŋnjreqnaqa naŋgi Qotei aqa anjam marsib laqnub. Deqa naŋgi Yesus aqa ñam dego marsib laqnub.”