Luk 24:32 - Yesus Aqa Anjam Bole

³² Ulaŋonaq naŋgi mareb, “Bole, aqo aiyel gamq di walwelosi gileqnamqa Yesus a Qotei aqa anjam nami neŋgreŋyeb qaji di aqa utru geregere plaltosiq mergeqnaqa iga qusim tulaŋ arearetgoqnaj.”

Luk 24:32 ပူးပေါင်းရင်းမြစ်များ

Mak 4:34

A anjam bei minjrosaioqnej. Yawo anjam segi minjroqnej. Olo segitoqnsiqa aqa segi aŋgro naŋgi yawo anjam aqa utru geregere plaltosiq minjroqnej.

Luk 24:45

Yesus a na naŋgi degsi minjrsiqa aqa anjam dena naŋgo areqalo waqtetnjrnaqa naŋgi Qotei aqa anjam nami neŋgreŋyeb qaji di aqa utru geregere poinjrej.

Jon 6:63

Qotei aqa Mondor a segi na tamo uŋgasari naŋgi ŋambile enjreqnu. Nuŋgo segi jejamu na niŋgi aqaryaiŋwa keresai. Ijo anjam kalil e na merŋgeqnum qaji di Mondor aqa anjam. Anjam dena niŋgi ŋambile oqab.

Aposel 28:23

Osib olo koroqajqa bati ateb. Onaqa koro bati brantonaqa Juda tamo kokba tulaŋ gargekoba naŋgi nobqolo bosib Pol aqa talq di koroeb. Koroonabqa Pol a naŋgo ambleq di tigelosiqa anjam utru atsiq anjam gargekoba naŋgi minjreqnaq gilsiq bilaqtej. Qotei a tamo uŋgasari naŋgo Mandor Koba sosiq naŋgi taqatnjreqnu anjam di aqa utru plaltosiqa minjroqnej. Moses aqa dal anjam dena ti Qotei aqa medabu o tamo naŋgo anjam nami neŋgreŋyeb qaji dena ti anjam mutu quja quja eleŋoqnsiqa naŋgo are qametnjrimqa naŋgi are bulyosib Yesus qa naŋgo areqalo siŋgilatqajqa deqa siŋgila na minjroqnej.

Hibru 4:12

Qotei aqa anjam a ŋambile ti unu. A siŋgila na waueqnu. A serie bul tulaŋ qalat. Deqa a na tamo naŋgo are qametnjroqnsiqa naŋgo qunuŋ ti tanu ti siŋga ti jejamu ti kalil miligiq aioqnsiq naŋgo areqalo ti naŋgo are miligi ti geregere pegiyeqnu.