Luk 23:9 - Yesus Aqa Anjam Bole

⁹ Onaqa Herot na Yesus anjam gargekoba nenemyoqnej. Nenemyeqnaqa Yesus a kamba anjam bei marosai. A torei kiriesoqnej.

Luk 23:9 ပူးပေါင်းရင်းမြစ်များ

Matyu 27:12

Onaqa atra tamo kokba ti Juda gate kokba ti naŋgi Yesus aqa anjam di qusib naŋgi minjiŋ oqetnjrnaqa Yesus gisaŋyoqnsib aqa jejamuq di anjam gargekoba qameleŋoqneb. Onaqa Yesus a torei mequmej. A anjam bei kamba yala marosai.

Matyu 27:14

Onaqa Yesus a kamba anjam bei marosai. Deqa Pailat a tulaŋ prugugetej.

Matyu 7:6

“Niŋgi iŋgi boledamu osib bauŋ naŋgi enjraib. Enjrqab di naŋgi iŋgi di uratsib bosib niŋgi uñiŋgwab. Niŋgi kolilei bole bole osib bel naŋgi enjraib. Enjrqab di naŋgi kolilei di mandamq di waiysib naŋgo siŋga na soseleŋqab.”

Mak 15:5

Onaqa Yesus a torei mequmej. A anjam bei yala marosai. Deqa Pailat a tulaŋ prugugetej.

Luk 13:32

Onaqa Yesus na kamba minjrej, “Niŋgi gilsib gisaŋ tamo Herot a endegsib minjiye, ‘Yesus a marqo, “Bini e mondor uge naŋgi winjroqnsiyqa tamo ma ti naŋgi boletnjroqnqai. Nebe dego e wau di yoqnqai. Ariya alieb e ijo wau di kobotqai.” ’ Niŋgi gilsib Herot degsib minjiye.

Luk 23:10

Deqa atra tamo kokba ti dal anjam qalie tamo naŋgi ti bosib Herot aqa ulatamuq dia tigelosib gisaŋosib Yesus aqa jejamuq di anjam gargekoba qameleŋoqneb.

Jon 19:9

Osiqa a olo Yesus osiq tal miligiq gilsiqa nenemyej, “Ni qabe na bem? Ni e merbe.” Onaqa Yesus a mequmesoqnej. A na kamba anjam bei Pailat minjosai.

Aposel 8:32

Tamo di a Qotei aqa anjam endegsi sisiyoqnej, “A kaja du bul qalqajqa marsib osi gilqab. Kaja naŋgi juŋgum joqetnjreqnab mequmosib unub dego kere a mequmosim sqas.

1 Pita 2:23

Agi jeu tamo naŋgi na Kristus misiliŋ-yoqnsib anjam uge uge minjoqneb. Ariya a deqa kamba anjam uge bei naŋgi minjrosaioqnej. Naŋgi na Kristus jaqatiŋ koba yeqnab a deqa kamba naŋgi olo jaqatiŋ enjrqajqa marosaioqnej. A aqa segi jejamu osiqa Qotei aqa baŋq di uratej. Qotei agi tamo kalil naŋgi kumbra bole tiŋtiŋ na peginjreqnu qaji.